Skeiða Húla

Nýja hæpið

2012-01-11T18:51:00.003Z

Sem fullkomlega vanhæf þegar kemur að sagnfræðilegum staðreyndum hef ég búið til eigin veruleika í formi atburðarásar í tímaröð. Má vera að einhvern veruleika sé að finna í annars heimatilbúnum staðreyndavillum, en það má líka vel vera að allt sé uppspuni frá rótum.

Ég held að íslenska þokkadísin sé búin að fá nóg af hæpinu. Hún nennir ekki lengur að þrífa og þvo og skeina og smæla og bjóða og þiggja og gefa endalaust. Batteríin eru tóm og þau verður að hlaða í háskóla ef ljóskan á ekki að ganga af vitinu. Sérstaklega ef íslenski víkingurinn er afbrýðisamur eða í fýlu á kantinum.

Alveg frá því að fyrsti tyggjópakkinn lenti hér á skerinu fyrir misskilning sem kallast heimsstyrjöldin síðari, hefur íslenska þokkadísin haft nef fyrir því hverjir stjórni heiminum. Og hún hefur í áratugi kosið að auka kyn sitt með mönnum sem leggjast í víking (rétt eins og stöllur hennar í suður ameríku og eru íslenskum sjómönnum vel kunnugar (sumir-sumar)) og ráða yfir mörgum þrælum. Hvernig sem tíðin hefur verið, hefur það aldrei klikkað að íslenska þokkadísin þefar uppi karlmennsku og velgengni hvors sem hana er að finna í sterkum höndum, hyggindum eða hugrekki.

Veruleikafirrtir sérfræðingar með útlitsdýrkunarheilkennisrof á lokastigi sem trúðu alltaf heitar á skoðanakannanir er sannfæringu sína – hættu að virka sem söluvara eftir hrunið og fjölmiðlar auglýstu eftir nýrri ímynd karlmennsku.

Íslenski víkingurinn kom aldrei sérstaklega vel út í samanburði við hollívúddseraða smjörkúka framleidda af samkynhneygðu fólki með átröskun. Það er alveg á hreinu. Í áratugi hefur JR- dressmann-bondinn verið hin upphæpaða karlmennska vesturlanda og það vissu margar eitursnjallar íslenskar flugfreyjur. Eins og frægt er orðið. En svo gerðist svolítið merkilegt.

Ég geri mér ekki alveg grein fyrir því hvar fræið náði að spýra – ég held að það hafi svolítið verið að gerjast síðan Dorrit tók fyrstu listalopalúðana undir sinn verndarvæng af því hún sá að þarna var ónýttur akur – margra þúsund ára velgengni bundinn í klafa af tískustjórnendum elítunnar.

Ég veit hinsvegar hver trendsetterinn er.

Hann heitir Fúsi og var í íslenska handboltalandsliðinu. Hann er holdgerfingur hinnar “nýju” karlmennsku. Á eftir honum honum hafa menn sem neita að líta út eins og hollívúddsmjörkúkar aftur og aftur skorað bæði á íslands og heimslistanum í ofurkarlmennsku. Þeir sem hafa tekið Fúsann á málin eru til dæmis hálf íslenska karlþjóðin, Mugison, næstum allir sem eiga disk með Skálmöld og ásatrúarfélagið (sem voru reyndar með þetta allan tímann).

Ég veit ekki hvort hægt er að skilja hvert ég er að fara með þessu. Til þess að lýsa best því ástandi sem ríkir hérlendis þá er það svona:

Íslenska þokkadísin hefur látið eftir sæti sitt sem aðalaðdráttarafl erlendra ferðamanna (næst á eftir náttúrunni) vegna þess að nú getur íslenski þokkapilturinn ekki bara farið olinn hér heima – hann getur farið olinn globallí. Og unnið. Hann getur orðið HIN NÝJA KARLMENNSKA HEIMSINS !

Þetta vita menn sem búa til hollívúddmyndir og ráða fyrirsætur – gangi ykkur vel drengir mínir....

...þið rúllið þessu upp =)

Óskar eftir töffara -

2011-12-20T21:07:00.003Z

Auglýsir eftir töffara....

Viðkomandi verður að hafa undirritaða í sjómanni og vita hvað vínarpunktar eru.

Hvað mig vantar töffara er svo hinsvegar ekki til umræðu á netinu, enda myndu sennilega ekki margir bjóða sig fram ef þeir vissu hvað væri farið fram á.

Þeir sem vita ekki hvað töffari er, þá er það einstaklingur sem er ekki hræddur við eiginlega neitt - en afar meðvitaður um þá hluti sem skipta hann máli og líklegur til þess að verja það sem hann elskar með lífi sínu.

En þar sem Spúnkhildur er draumhugi og fantasíuvera má gera ráð fyrir að slíkt fólk hafi dáið út fljótlega uppúr síðustu aldamótum....

Plögg dauðans

2011-11-04T15:10:00.003Z

Loksins Loksins

Spúnkhildi hefur borist í hendur bókmenntaverk af fínni sortinni sem vert er að skrifa háfleyga orðskrúðsræðu utanum. Um er að ræða hið eilífa stórvirki Heima eftir Heiðu Skúla.

Spúnkhildur sér enga sérstaka ástæðu til þess að tíunda persónu höfundar hér, enda væri slík tíundun ekki bara tilgangslaus heldur hreinlega of geðveikisleg.

Það er ekki af ómerkari stað en Héraði, hinu sama og nefnt er í Hringadróttinssögu, sem höfundur á rætur sínar að rekja. Einmitt þar sem umhverfisvernd var fundin upp. Það er gaman að geta þess að Héraðsmenn eru einmitt frægastir fyrir að vera spakastir.

Margir kannast kannski við Borgarfjörð Eystri sem er þarna einhversstaðar fram og út, en þar er næstum annar hver maður snillingur líka. Og þar er stundum sauðfé á beit.

Aðrar ættir á höfundur að rekja vestsuðvestur og ber þess merki. Aðallega í framan en samt líka soltið á aðra kanta.

En hvaðan hinn einræni þokuhugur á rætur sínar helst að rekja verða lífefnafræðingar framtíðarinnar að skera úr um.

Spúnkhildur er ánægð með þróunina á þessum inngang. Hann minnir á Íslendingasögu. Eyrúnar sögu skáldmæltu. Hmmm....

Um kveðskapinn í bókinni er erfitt að dæma. Spúnkhildi sýnist vera þarna á ferðinni bók sem mun breyta framgangi lýðræðis í heiminum og koma á friði í miðausturlöndum, að því gefnu að hún verði kennd þar í skólum. Orðin eru tiltölulega fá og pappírinn ekkert sérstakur. Bókin er þannig séð mjög dýr ef manni vantar eitthvað til þess að stinga úr tönnunum með en nánast gefins ef maður miðar við verð á greiðsluseðli úr pappír. Þá er höfundur tugum prósenta undir meðalverði.

Bókin er mjög frumleg. Miðað við bók. Henni má líka breyta í hljóðbók með því að lesa hana upphátt. Hana má líka nota sem blævæng í miklum hita og gæti flokkast sem fyrsta skref í undirbúningi fyrir global warmig. Bókina má líka rappa eða syngja en ef menn ætla að túlka bókina í dansi vill höfundur koma þvi strax á framfæri að henni langar að verða vitni að slíkum gjörningi.

Jæja – hvort bókin er fullkomin snilld eða dónaleg frekja verður sá að dæma um sem kastar fyrsta steininum......

Spúnkhildur gefur Heima fimm stjörnur.

Án þess að skammast sín

Jólabækurnar í ár

2011-10-27T00:08:00.002Z

Eins og almennilegri norn sæmir, er Spúnkhildur afar berdreymin. Enda sefur hún klæðalítil.

Mest dreymir henni þó í vöku og tilfellið er nú svo heppilegt, að með einhverri meðvitund er bæði auðveldara að hafa áhrif á framgang draumsins og svo er umtalsvert líklegra að maður muni hann.

Hér að neðan fer lýsing á draumförum dagsins.........

(fyrir þá sem geyspuðu þegar þeir heyrðu orðið draumur og kjósa að sleppa alveg við útlistanir í þá veru)

Ég var stödd í Nettó í Mjódd og horfði yfir haf af jólabókum. Ég fór að skoða titlana og sá að þarna voru nú svona helstu samtímahöfundarnir með sitt efni (margir voru nú samt að gefa út númer tvö og þrjú í seríu) og fræðibækur sem allar fjölluðu um Markaðinn og Eyjafjallajökul. Séð og Heyrt lógóið var á öllum ævisögunum.

Ég rangla þarna um og les aftan á nokkrar bækur en kemst alls ekki í feitt fyrr en ég sé lítið borð með sjálfvirkum jólasveini að ulla framan í hreindýr.

Á stóru skilti á miðju borðinu stendur auglýsingaspjald með fimm vinsælustu titlunum:

Skitið upp á hnakka

Halldór Ásgrímsson fer mikinn í lýsingum sínum á ágæti íslenska hagkerfisins og hvernig honum tókst að sleppa frá illa innrættum kommúnistum í fjármálaeftirlitinu. Bókin er skrifuð í hinum hraða skandínavíska glæpasagnastíl sem nú tröllríður heiminum og á dögunum lýsti kvikmyndaleikstjórinn David Lynch yfir áhuga á að leikstýra mynd byggða á bókinni. Ég er upptekinn af hinum myrku skilum milli raunveruleika og firru sagði David um ástæður þess að hann sýndi verkefninu slíkan áhuga.

Hinir vandalausu

Falleg og einlæg bók Brynjars Níelssonar um þann hóp fólks sem hefur gleymst í íslensku samfélagi og sætir kynbundnu ofbeldi í fjölmiðlum. “Við verðum að snúa bökum saman og verja sameiginleg gildi okkar og menningarlega fegurð” sagði Brynjar í viðtali við Skjá einn þegar hagsmunasamtökin Íslenskir Hórkarlar voru stofnuð í Hörpu að viðstöddu fjölmenni. Þess má geta að Vigdís Finnbogadóttir er verndari samtakanna.

Afsakið hlé

Stórbrotin saga af miklum varnarsigrum íslenskra stjórnmálaflokka. Bókin inniheldur fleiri loforð, stærri áætlanir og færri útreikninga en áður hefur sést í íslenskri pólitík og er ætlað að gefa innsýn í hið flókna, listræna ferli sem felst í gerð stefnuskrár. Höfundar bregðast ekki lesendum sínum frekar en fyrri daginn. Svik, undirferli, mútur, glæpir, siðleysi og ofbeldi gegn minnimáttar eru meitluð í klámfengna glansmynd sem fólk skilur – bókin er bönnuð innan 18.

Falskar vonir

Bjarni Benediktsson lýsir á sinn sannfæradi, yfirvegaða hátt hvernig náttúran sé næsta bólan hérlendis. Hann sýnir fram á tilgangsleysi náttúruverndar á áhugaverðan og aðgengilegan hátt þannig að jafnvel þeir sem heyra með hjartanu skilja. Bókin er unnin í samstarfi við greiningardeildir Arion og Landsbanka og fékk AAA einkunn hjá Moodys. Menningarsjóður Morgunblaðsins veitti höfundi vegleg peningaverðlaun fyrir “bók ársins” í flokki málefnalegrar útgáfu sem er nýstofnaður verðlaunaflokkur.

Ég er líka fólk

Hugljúf og hrífandi saga Egils Einarssonar um baráttu sína við átröskun. Egill er lítill drengur sem verður snemma fórnarlamb óraunverulegra ímynda í Hollywood. Blindaður af þrá eftir hinum fullkomna líkama glatar Egill ekki bara ómældum tíma og erfiði heldur áttar hann sig á því dag einn að hann hefur glatað sjálfum sér. Ég hef ekki grátið eins hraustlega í mörg ár, sagði Kolbrún Bergþórsdóttir og snýtti sér í Egil Helgason. Egill er góður drengur, segir móðir hans um bókina.

Og þá vaknaði ég upp við vondan draum og varð að rjúka =)

Fyrir hverju er svona lagað?

Misskilningur

2011-10-11T16:54:00.003Z

Það varð misskilningur.
Einhver eða fleiri ákváðu að Markaðurinn væri hin nýja þjóðkirkja.
Og með þarfir Hans í huga var Honum sniðinn stakkur.

Það sem klikkaði var stærð Hans (enda vita allir að stærðin skiptir máli í þessu samhengi). Hann var ekki eins öflugur og sterkur eins og tilbiðjendur Hans hefðu viljað. Það klikkaði.

Af því íslendingar eru bara oggolítið pínkuponsu oggopons...

Röð mistaka, byggða á þessum sama misskilningi um hinn háheilaga Markað, hefur nú undið svo kyrfilega upp á sig að helst minnir á kíló af bendlaböndum nýkomna úr suðu og þurrkara. Kannski er best að ná í skærin, ég veit það ekki.

Ein af þessum epísku Markaðs-trúarbragða ákvörðunum var að einkavæða bankana.
Það ferli er þekkt. Handónýtt, siðspillt og meingallað. En er samt ekki aðalmálið.
Grundvallaratriðið er það að fólk á Íslandi getur ekki notfært sér tryggingakerfið nema að eiga bankareikning. Og þar af leiðandi er bankaþjónusta grunnþjónusta í þessu landi og ef ríkissjóður treystir sér ekki til þess að greiða út íslenskan gjaldmiðil í seðlum, neyðast þeir til þess að gefa ókeypis bankareikninga. Maður gæti notfært sér þjónustu glæpafélaganna með því að fá sér ókeypis sparisjóðsreikning, en þá fær maður skerta þjónustu hjá ríkinu og greitt út á eftir öðrum í tryggingakerfinu. Þannig þvingar ríkið fólk sem vill ekki vera í viðskiptum við glæpamenn til að styðja við hagnað bankanna.

Önnur af stærstu mistökum trúfélagsins Markaðurinn, var að einkavæða fjarskipti.
Það er svo vangefið að ég næ eiginlega ekki utanum það.
Fjarskipti eru það kerfi sem tryggir öryggi og þjónustu þeirra sem einhverra hluta vegna eiga ekki heimangengt eða þurfa á hjálp samfélagsins að halda. Ef almenningssamgöngur í þessu landi væru þannig að ALLIR íbúar gætu treyst því að geta keypt sér far á sanngjörnu verði þangað sem þjónustan er í boði - væru loksins forsendur fyrir því að einkavæða fjarskipti.
Svo er bara því miður ekki.

Hvers vegna réðist íslenska ríkið í það að fjarskiptavæða landið?

Við skulum hugsa aðeins um það á meðan að við gerum okkur grein fyrir stöðunni.

Menntakerfið, Heilbrigðiskerfið, Tryggingakerfið, Dómskerfið, Markaðurinn, Almannavarnir og fólkið í landinu er algerlega háð góðum fjarskiptum. Ég held að svona fáir einstaklingar hljóti að græða á því að eiga sjálft sitt eigið fjarskiptafyrirtæki.

Við skulum líka átta okkur á því að með því að skilgreina internetaðgang sem grunnþjónustu erum við fyrsta ríkið í heiminum sem getur tekið upp beint lýðræði.

Og það er áfangi sem allar sjálfstæðar þjóðir hljóta að keppast að.

Látum ekki mistök sem byggð eru á trúarhita og forsjárhyggju eyðileggja líf barnanna okkar í framtíðinni. Ekki aðeins er búið að stela af þeim arfinum sem þau voru réttborin til heldur eru þau læst inni í eilífri greiðslubyrgði sem er engum öðrum til gangs en örfáum spikfeitum peningamönnum.

Og helvíti bara...

Dæmigerð viðbrögð fjöldans við því óþægilega

2011-10-04T22:07:00.003Z

Nú er kreppa og Spúnkhildi er skemmt að vanda.

Það er að segja þangað til hún fæst til að horfa á fréttir - þá verður henni illt í sinninu og fjúkandi heilög reiði nær allri stjórn á henni.

Og Spúnkhildur klæddi sig í svarta ullarkápu og fór ómáluð í strigaskóm niður á Austurvöll og mótmælti. Harðlega. Og barði tunnu með barefli og beit saman tönnunum af einbeittri andstyggð á stjórnkerfinu í landinu.

Þá bar þar að mann nokkurn ölvaðan.

Hann taldi sér trú um að þessi tiltekna kona þyrfti á líkamsnuddi að halda þar sem hún stóð og barði tunnu. En hún var ekki tilkippileg og ýtti honum ákveðið frá sér.
En hann taldi það ósk um frekari ástarlot þannig að hún sýndi honum ógnandi tilburði með sérlega tiltæku mótmælisbarefli sínu. Og þegar hún náði augnsambandi við hann - rann af honum og hann forðaði sér. Vegna þess að þegar augun lýsa hatri og ósk um að fá að berja verðugt fórnarlamb löglega í fokking stöppu, er betra að forða sér.

En það kemur ekki í veg fyrir að sá næsti bjóði sjálfum sér að hlaðborðinu.

Og í augsýn hundruða mótmælenda var ekki NEINN sem sá neitt athugavert við hegðun mannsins eða bauð fram aðstoð sína?

Og sjónvarpsfólkið sem festi þetta á filmu sá heldur ekkert athugavert við þessa hegðun heldur.

Og lögreglan sá ekkert athugavert við þetta.

Vá hvað þetta er allt helsjúkt!

Vampíra

2011-09-28T14:54:00.002Z

Ég er með torkennilegan sjúkdóm.

Hann lýsir sér þannig að ég virka alveg eins og vampíra:

Þoli ekki beint sólarljós nema að húðin steikist og meðvitund slokkni
Líkaminn neitar að vinna járn úr fæðu
Ólýsanleg velgja fyrir öllum mat
Misgott innræti

Kannast einhver við að hafa orðið að vampíru?
Er til eitthvað við þessu (annað en hvítlaukur, sem virkar alls ekki)?

Jah! Nú eru góð ráð dýr...

Alheimstrixið

2011-09-27T15:44:00.002Z

Það er ekki leiðinlegt að fá hrós =)

Einhvernveginn hefur það orðið svo síðustu mánuði að hið undarlegasta fólk er að hafa uppi á mér og biðja mig um að spá fyrir sér. Sem er mér bæði ljúft og skylt.

Einkum og sér í lagi vegna þess að ég er ekki skyggn og þykist ekki vera það.

Mér líkar það vel að koma að gagni þó ekki sé nema til þess eins að gefa fólki tíma til þess að huga að sálarlífi sínu á eigin forsendum án þess að eiga það á hættu að vera sent út með greiningu og lyfseðil. Ég finn að fólkið sem setur sig í samband við mig er oftar en ekki í einhverri krísu og finnur ekki leið út. Ég held að það sé einfaldlega auðveldara að þyggja góð ráð, frá bláókunnugri manneskju, sem ekki fylgja neinar kvaðir eða eru settar fram sem einhver skilyrði. Þannig er ég allavegana.

Og ef það virkar að leiða hugann að fyrirfram ákveðnu kerfi og leyfa sér að kafa ofan í þúsund ára gamlar vangaveltur um tilgang lífsins, endurskilgreina forsendur eigin hamingju eftir því sem maður þroskast og breyta áherslum hins daglega lífs á þann veg sem gefur fleiri hamingjumínútur, ætla ég að halda áfram að reyna þá aðferð fyrir sjálfa mig og þá sem mér þykir vænt um.

En ég er nottlega bölvuð norn og tek ekkert tillit til þeirra viðkvæmu skoðana sem fólk kann að hafa á því sem ekki hefur verið sannað með endurteknum tilraunum.

Góðar stundir.

Hvar er umboðsmaður fátækra?

2011-09-18T19:25:00.002Z

Þeir sem ekki geta varið sig lagalega gagnvart ríkinu og sveitarfélögum og hafa engan nátengdan til þess að ganga í málin fyrir sig af festu, eiga mest bágt á Íslandi. Velferðarþjónustan er hönnuð utanum sterka félagslega einstaklinga.

Við búum í landi þar sem þar sem öllum á að vera tryggt húsaskjól og lágmarks framfærsla. Þetta er tryggt með lögum um félagsþjónustu, barnalögum, stjórnarskránni o.s.frv. . En þessum lögum er ekki framfylgt. Og það sem er verra, er að hluti þess fólks sem starfar við að veita þessa þjónustu, hefur líkt og Bjarnfreðarson – misskilið – hlutverk sitt innan kerfisins.

Stjónmálamönnum ber að fara að þessum lögum – og þeir bera ábyrgð á því að allir þeirra undirmenn geri slíkt hið sama. En þegar stjórnmálamenn senda starfsfólki sínu þau skilaboð að engir peningar séu til skiptana til þess að fæða og klæða fátæksta fólk landsins – hefur sama starfsfólk tilhnneygingu til þess að verja borgarsjóð eða ríkissjóð fyrir ágangi fátækra.

Það er ekki góð pólitík!

Þegar heimatilbúið hallæri ríkir í landinu (eins og núna) og fólk sveltur – er það fyrir neðan allar hellur að pólitíkusar skuli halda því fram að engir peningar séu til. Það er til marks um algera kúgun og uppgjöf að tala um fjárskort og glöggt merki um að viðkomandi hafi týnt tilgangi sínum í fjölmiðlaveislu sem er keyrð áfram af peningum. Fram að hruni og á hverjum degi síðan, er bara ein tegund af fólki sem er á 100% frípassa þegar kemur að réttlæti. Það fólk og fyrirtækin sem það á, hleður á sig þykku spiklagi í hverjum mánuði á kostnað allra sem búa í landinu. Þetta eru eigendur fjármálafyrirtækja. Sumir meira að segja íslenskir.

(þessa íslensku sé ég fyrir mér drekka blóð úr ungabörnum og sleikja útum, rymjandi af græðgi)

Þetta fólk ræður yfir meiri peningum en restin af landanum samanlagt. Og þetta fólk má ekki skattleggja. Af því það borgar fyrir auglýsingar stjórnmálaflokka og sturtar peningum í vasa þeirra sem ráða. Og það er nú allt sem er. Ósköp einfalt.

Í hvert skipti sem þið heyrið um niðurskurð, fátækt, matargjafir, hættuleg leiktæki við leikskóla og svöng gamalmenni, skuluð þið vita, að á bak við niðurskurðinn er feitt svín að rúnka sér með hjálp stjórnmálamanns og það er einbeittur brotavilji gagnvart þeim sem síst geta varið sig.

Og helvíti bara.

Dagur Eitt

2011-08-30T19:01:00.004Z

Það var taugaveikluð miðaldra kona sem fálmaði sig niður tröppurnar í Stóra Salnum í Kennó (sem heitir einhverju þjóðlegu nafni sem ég man ekki) og tróð sér framhjá röð af fólki á neðsta bekk.
Einhver blómleg bóndadótturleg stúlka var að útlista frábærleika nemendafélagsins með heimakynningarrödd á meðan þessari miðaldra tókst að flækja kápuna sína í stígvélinu og dansa trylltan jafnvægisdans fyrir framan mörghundruð nýnema, á meðan egóinu blæddi út.

Í framhaldinu gat ekkert farið öðruvísi en þannig:

-að röðin af fólkinu sem konan tróð sér framhjá var stjórnarelíta Kennó (aka menntavísindasviðs hí).

Og hvert af öðru stóðu þau upp og héldu háleitar ræður um allskonar sem ég missti af vegna taugablakk-áts!

Allar frekari hugmyndir um kennarahösl eru út af borðinu í bili.
Nú reynir á framheilann!

Ég ætla að verða gömul áður en ég verð fullorðin

2011-03-26T12:54:00.003Z

Mér hefur alltaf líkað vel við börn og fólk sem er barnalegt.

Það sem kveikir óendanlega ást mína á börnum er sú staðreynd að það er ekki búið að skemma þau með höftum í hugsun og þessvegna getur allt verið allt.
Stóll getur verið bátur og pottlok getur verið stýri. Flísteppi yfir stól getur breytt heiminum í tjald sem getur flogið og engar takmarkanir eru vegi fyrir því að öll heimsins ævintýri spretti fram og umbreyti hversdagsleikanum úr grámyglu í gull.

Ég elska að fara með börnum í vettvangsferðir. Rannsaka heiminn og velta öllu fyrir mér í gegn um hugarheim þess sem tekur engu sem gefnu en gefur heiminum merkingu jafn óðum og upplifunin á sér stað. Að gefa gaum að þeim undrum alheimsins sem hinn fullorðni hefur lært að leiða hjá sér, eins og fugli á sundi eða tré í skógi. Hvað eru þau að hugsa? Hvernig líður þeim? Hver er saga þeirra. Og þegar svörin spretta fram úr hugarheimi barnsins ljúkast upp dyr að heimi sem er í senn ótakmarkaður og fagur.

Við erum uppfull af hroka þegar við ætlum að segja börnum hvernig á að vera. Við vitum best. Og heimurinn er sönnun okkar. Okkar besta er heimurinn eins og hann er.

Ég hef sagt það áður og ég segi það aftur
Ég ætla að verða gömul áður en ég verð fullorðin.

Við mótmælum niðurskurði

2011-03-23T01:07:00.002Z

Við mótmælum niðurskurði í heilbrigðiskerfinu.
Við sættum okkur ekki við að fárveikt fólk sé sent heim til fátækra ættingja til aðhlynningar.
Það er fáránlegt að niðurskurður í landinu eigi að bitna á barnafólki.
Skattahækkanir geta ekki gengið lengra.
Íslenskar fjölskyldur geta ekki borgað þetta verð fyrir bensín.
Skólakerfið má ekki við öðrum eins niðurskurði og er boðaður. Andlegu og líkamlegu atgerfi framtíðarinnar er ógnað.

Svona hljóma stadusarnir og fyrirsagnirnar allsstaðar.

Mig grunar að sorglega stór hluti þess fólks sem segir þetta ætli að tryggja þetta kreppuástand til framtíðar með því að samþykkja Icesave.

Og það er svo RANGT að ég gæti grenjað.

Að lokum

2011-03-21T19:20:00.002Z

Eftir að hafa verið á bólakafi í fréttum af öllu mögulegu tagi í háa herrans tíð, hef ég komist að þeirri niðurstöðu að það er ekki til neitt sem heitir fréttir.
Samkvæmt orðabók Háskólans merkir þetta orð frásögn. Góð saga þarf ekki endilega að vera sönn, og það vita fjölmiðlamenn.

Á Íslandi telst það til frétta að ónafngreindur maður á fullorðinsaldri hafi óvart notað píkusjampó konu sem áður var karl.
Eins er það fréttaefni að Líbíumenn ættu að ráða örlögum forseta síns. Kanabis fannst í húsi í Hafnarfirði. Árni Þór er alveg hissa að samflokksmenn hans hafi verið búnir að fá nóg. Bjarna Ben finnst hinir rífast of mikið innbyrgðis. Útlendingi var vísað út landi. Ísbjörninn Knútur var þunglyndur. Varað við Bótoxaðgerðum í heimahúsum. Góðu kallarnir sprengdu stýriflaugar í Líbíu fyrir sex milljarða á einni nóttu. Jóhanna ætlar að funda með Steingrími á næstu dögum.
Og svo framvegis.

Vitið þið hvað?

Ég dauðskammast mín fyrir að hafa tekið fréttir alvarlega fram að þessu. Þetta er keppni um peninga. Nákvæmlega það og ekkert annað. Fréttir eru áróðursherferðarmaskínur í eigu eða stjórn hagsmunahópa. Allar fréttir miða að því að auka sölu fjölmiðils í því skyni að geta selt auglýsingar fyrir meiri peninga.
Og það er ógeðslegt.

Nákvæmlega eins og pólitík er ógeðsleg.

Það er mín skoðun.

Skólamál

2011-03-19T13:16:00.003Z

Það er gefið mál að fólk vill ekki vera sammála. Og fólk vill frekar verða reitt en breytast.

Núna er í fyrsta skipti tækifæri, í mjög langan tíma, að nýta þær rannsóknir og þær aðferðir sem vísindasamfélagið hefur lagt okkur til og breyta skólakerfinu.

Rannsóknir sýna að heimanám virkar ekki.
Samt er enn stuðst við heimanám á Íslandi.
Rannsóknir sýna að íslensk börn borða ekki nægilega mikið af grænmeti og ávöxtum.
Samt fá íslensk börn ekki grænmeti og ávexti í skólanum.
Rannsóknir sýna að íslensk börn eru að fitna og þau hreyfa sig of lítið.
Samt fá íslensk börn ekki hreyfingu við hæfi í skólum.

Börn eiga að læra samvinnu með því að vinna saman í hóp.
En þeim er aldrei sagt hvernig þessi samvinna á að hjálpa þeim í framtíðinni og hvað hún endurspeglar úr samfélaginu. Niðurstaðan er sú að mörg börn gera ekkert í hópvinnu og treysta því að aðrir finni út úr verkefninu. Aðrir skila lágmarki, af því þeir hafa ekki metnað. Svo eru líka þeir sem gera verkefnin ein og af af metnaði og láta hina kvitta undir að þau hafi hjálpað.

Og þetta endurspeglast í samfélaginu.
Ég geri ekki neitt fyrir neinn sem gerir ekki neitt fyrir mig.

Það er löngu kominn tími á það að íslenskir kennarar og foreldrar setji það niður á blað, hver tilgangur menntunnar sé. Og það verða þau að gera í samráði við börnin.
Þegar menn eru orðnir á eitt sáttir við það hver tilgangur menntakerfisins sé, legg ég til að sá tilgangur verði hengdur upp í hverri einustu kennslustofu á Íslandi og á öllum skólastigum.

Þá þyrftu kennarar, nemendur og foreldrar aldrei framar að spyrja sig:
Af hverju er þetta svona?

Tilgangur menntakerfisins er einfaldlega allt of loðinn og tilfinningabólginn til þess að hægt sé að gera breytingar. Breytingar eru nefnilega það eina sem við verðum alltaf að vera opin fyrir.
Börn læra stöðugt. Þau læra af foreldrum sínum, vinum, ættingjum og fjölmiðlum og sá litli hluti af þeim lærdómi sem þau taka inn í gegnum skólakerfið ætti að auðvelda þeim lífið, en ekki gera það erfiðara. Þau ættu ekki að vera dæmd úr leik af því þau hafa aðra drauma en verða prófessorar.

Hungurklám

2011-03-14T00:16:00.004Z

Þegar lítið barn fæðist í fátækri Afríku, verður til von og gleði. Sama vonin og gleðin og ástin sem við finnum til þegar lítið barn fæðist í fjölskyldunni okkar. Rétt eins og foreldrar í Afríku, einsetjum við okkur að gera allt sem við getum svo að þetta litla barn fái það sem það þarfnast til þess að vera hamingjusamt og frjálst.

Við sem búum við öryggi og trygg lífskjör, setjum okkur markmið um menntun, næringu, hreyfingu og reynum með öllum mætti að tryggja afkvæmum okkar góð lífsskilyrði og hamingju. Og við viljum meina að það séu mannréttindi að börnin okkar fái að dvelja í heimi þar sem heilsugæsla, fæðuúrval og menntun séu þau bestu í veröldinni.

Allt ofantalið er mestmegnis byggt á framförum í menntun og tækniþróun. Eitt orð getur breytt Afríku í velferðarsvæði og hamingjuálfu. Hvaða orð skyldi það vera?

Þeir eiga nægt vinnuafl. Þeir geta lært. Þá má lækna. Þeir geta ræktað mat. Þeir geta stundað sjóinn. Þeir geta framleitt fæðu. Þeir geta stórgrætt á ferðamannaþjónustu. Þeir geta hvað sem þeir óska sér sjálfir að gera. Þeir eiga kol og olíu. Þeir eiga ósnortna náttúru. Það vantar bara einn fasta í velferðarjöfnuna þeirra. Hvað?

Grundvöllur þess að óskir barna í Afríku geti ræst, er að þau fái menntun. Menntun er lykillinn að velgengni. Það vita allir. En hvernig getum hjálpað þeim að mennta sig? Hvar strandar allt?

Það strandar eiginlega allt á rafmagni.
Straumi a la Tesla.

Vestulandabúar sem telja sig til umhverfissinna mótmæla alfarið því, að ár verði virkjaðar í Afríku. Að þar verði reist kjarnorkuver. Að þeir nýti kol og olíu. Þeir eiga að gjörasvovel að nota vind og sólarorku. Annars eru þeir morðingjar jarðarinnar.

Þetta meikar ekki sens. Enganveginn og alls ekki. Við einfaldlega verðum að koma straumi á Afríku. Fólk verður að geta geymt fæðu. Lýst húsakynni með öðru en því að brenna rusl. Fólk verður að geta dælt upp vatni og leitt það um allar trissur. Það verður að koma því inn í hausinn á öllum stjórnvöldum í heiminum að við berum ábyrgð á þvi að koma straumi á Afríku svo menntunin, næringin, heilsugæslan og allar framfarirnar geti farið af stað.

Afríka kemur til með að elta heiminn í notkun á grænni orku þegar við höfum fundið ódýra leið til þess að nýta hana. Það er ekki spurning. Þeir gætu jafnvel orðið á undan okkur. Fært okkur lausnina.

Ég hélt ekki að ég ætti eftir að segja þetta, en:

Geta þeir sem byggðu alþjóðlegu geimstöðina ekki byggt eins og nokkur kjarnorkuver um Afríku fyrir sama pening og geimstöðin kostaði?
Geta Afríkubúar ekki þjóðnýtt allt sem er í eigu útlendinga í Afríku?

Ég vildi að svo væri.

Þrjú mál

2011-03-01T14:45:00.002Z

Eitt.
Enginn hefur á sannfærandi hátt fært vitsmunaleg rök fyrir því að það kerfi sem skilaði okkur í kreppu, virki ennþá í grundvallaratriðum. Þannig smjatta allir á orðum eins og sjálfbærni en fullyrða að við verðum að hafa aðgang að lánsfé erlendis og að við verðum að fá hingað erlenda fjárfesta. Þrátt fyrir að allar tilraunir í þá veru síðastliðna áratugi hafi mistekist. Allt þetta fína lánsfé sem við fengum erlendisfrá, gufaði bara upp í skítalykt.

Ég vil vera þessi erlendi fjárfestir og ég vil lána fólki í útlöndum peninga.
Annað missjón er feilmissjón.
.
Tvö.
Þekkingu aflar maður sér - Viska þroskast með manni
Menntun segir nákvæmlega ekkert um það hvort maður er vitur. Menntun getur hinsvegar verið mælistika á greind, metnað, einbeitni og allskonar annað.
Viskan mælist á því hvernig maður hagar sér í samfélagi við annað fólk.

Ég vil að íslendingar taki upp á því fyrst allra þjóða heimsins að kenna siðfræði upp í gegnum allan grunnskólann, framhaldsskólann og háskólann.
Í fokking alvöru. Þá eigum við einhvern séns.
Við getum gert þetta á kostnað dönskukennslu ef fólk fær hland fyrir hjartað vegna péninga.

Þrjú.
Ég vildi að ég gæti fengið allt sem ég vildi.

En minn vilji er bara alls ekki nógu merkilegur til þess að öfl í alheiminum hrökkvi upp og trixi í takt við eigingirni mína. Það verð ég að gjöra svo vel og sætta mig við. Og eins og það sé ekki nóg. Ég þarf að venja mig af því að hafa skoðanir líka - á öllu. Of mikil orka er að dreifast út um allt. Ég verð að taka mig í vistræna þerapíu með áherslu á geðræna sjálfbærni.

Að gera vel

2011-02-28T21:28:00.006Z

Ég hef alltaf sett hamingju-mælistikuna mína á afköst.
Og það er vængefið og lítt líklegt til árangurs.
Það veit sá sem hefur á ótrúlegan hátt, læknast bæði af ofsakvíðaköstum og viðvarandi alvarlegri kvíðaröskun. Sem var hvorki sjálfgreint ástand né sjálfmeðhöndlað.

Það er nefnilega svo miklu skynsamlegra að gera vel en hratt. Með því að vanda sig og halda sig við efnið af natni og ástúð, verður til umtalsverður frjáls tími. Af því að með því að halda áfram með það sem maður er að gera, potast maður stöðugt áfram. Og maður finnur til fullnægju við að ljúka hlutunum, eins vel og maður gat. Meira getur það einfaldlega ekki orðið.

Tíminn minn er ekki peningar. Tíminn minn er líf mitt.

Þegar tíminn er búinn er allt búið. Það verður ekki tími seinna, til að njóta. Hvorki þegar námið er búið, börnin hafa stækkað, fyrirtækið verður stöndugra, þegar maður er orðinn frægur, þegar maður er orðinn grannur eða þegar maður er loksins hættur að vinna.

Nákvæmlega núna er rétti tíminn til þess að njóta.

Njóta þess sem maður er að fást við. Finna hvernig hver einasta athöfn dagsins í dag hefur þann eina tilgang að gera mann hamingjusaman. Finna lykt og snertingu, heyra orð og hljóð, sjá fegurðina í öllu sem tilheyrir alheiminum. Og fíla það í botn.

Að kjósa að verja tíma sínum í volæði og vesen er glötuð afstaða og ég nenni ekki mæla hamingju mína lengur með peningum, afköstum, framleiðni, skilvirkni, hagnaði, lausnum eða sigrum.

Ég ætla að mæla hamingjuna mína með hjartanu.

Samfélagið í nærmynd og aðrar hrokafullar afstöður

2011-02-24T21:57:00.003Z

Ég hlustaði á RUV í dag.

Það er gamall vani að stilla á Gufuna og láta sprenglærða spekúlanta reyna sitt besta að fá mann til þess að kaupa fremur þeirra takmörkuðu sýn á lífið en hinna lítt menntasjóuðu. Róar mann.

Í dag fór það all verulega í taugarnar á mér þegar þrír vitringar settu vegagerð og jarðgöng ítrekað undir sama hatt og "reddingar" og stóriðja hinsvegar.

Hvaða helvítis rugl er það?
Með hvaða rökum má afgreiða vegagerð og stóriðju á sama hátt?
Byrjar hið illa á að byggja veg?
Og svo koma spilltir verktakar og kæfa allt í stóriðju í kjölfarið?

Til þess að byggja upp gott og skilvirkt samfélag, verða samgöngur að vera til fyrirmyndar.

Þetta vita öll góð samfélög. Alls staðar á jörðinni. Og það er alltaf fylgni á milli fátæktar og lélegra samgangna. Það er til dæmis þegar afar fámenn svæði fá ekki þá þjónustu og þau lífsgæði sem því fylgja að vera þátttakandi í því samfélagi þar sem þau greiða skatta.

Í annan stað má nefna þá vísindalega mældu staðreynd að hlutfall gistinátta í ferðaþjónustu við erlenda gesti er lægri á höfuðborgarsvæðinu en landsbyggðinni. Þarna er stærsti vaxtarsprotinn og sífellt meira leiðandi afl í íslensku hagkerfi um að ræða.
Það strandar allt á samgöngum.

Sem nú eru talaðar niður sem aldrei fyrr og jafnvel þó.....

.....tryggari og hraðari samgöngur gætu stuðlað að betri nýtingu á ferskvöru til lands og sjávar. Norrænn veitingastaður með norræna matarhefð var valinn Besta veitingahús í heimi 2010.
......Betri heilsugæslu og betri viðbrögðum við farsóttum, jarðhræringum, slysum og stuðlað að bættari almennum almannavörnum.
.......auknu streymi vinnuafls, auknu streymi ferðamanna, auknu streymi fræði og vísindamanna og aukið streymi á vörum og þjónustu.
.......aukið og jafnara streymi á skotsilfri.

Ef það á nú að fara að selja mér einhverjar aðrar hugmyndir um samgöngur þá get ég ekki beðið...you just try....

Trix sjálfspróf - fyrir fullorðna

2011-02-20T13:17:00.006Z

Þetta sjálfspróf er mesta trix sem ég hef séð lengi..

Þetta er svona sálfræðipróf sem reiknar út hvernig persónuleika maður hefur. Þeim mun meiri vinnu sem maður leggur í að svara, þeim mun nákvæmari verður niðurstaðan.

Maður fær sér blað og blýant og skrifar prósentutölu fyrir framan hverja fullyrðingu.
Prósentutalan sýnir hversu sammála maður er fullyrðingunni.

dæmi:

Framsóknarmaður = Fáviti
Ef ég held að 35% framsólknarmanna séu fávitar, set ég þá tölu fyrir framan 1.
Og svo koll af kolli.

framsóknarmaður = fáviti
feitur einstaklingur = viljalaus
kristinn = illa upplýstur
sjálfstæðismaður = spilltur
kvenréttindakona = öfgamanneskja
vísindamaður = líklega með einhverfu
hollywoodstjarna = athyglissjúklingur
fréttamaður = keypt skoðun
ofvirkur = illa upp alinn
vinstri grænn = kommúnisti
kennari = nennir ekki að vinna
bankastjóri = hrokagikkur
háskólastúdent = nennir ekki að vinna
úti á landi fólk = illa upplýst
alkóhólisti = viljalaus
íþróttafólk = frekar heimskt
stöðumælavörður = vinalaus
múhameðstrúar = terroristi
hommi = perri
höfuðborgarbúi = afæta
listamaður = takmörkuð greind
útlendingur á Íslandi = glæpamaður
internetið = slæmt
morgunhani = sennilega ofvirkur
samfylkingarsinni = aumingi
fyrirsæta = átröskunar/geðsjúklingur
reykingafólk = illa gefið fólk
þunglyndur = fýlugjarn
búddisti = gulur
bandaríkjamaður = feitur fáviti

Ókey.

Núna ertu komin með yfirlit yfir skoðanir þínar.

Skref númer tvö er að standa fyrir framan spegil og segja hátt og snjallt "Ég er" og lesa upp orðið sem stendur fyrir aftan samasem-merkið í þeim tilfellum sem prósentutalan fer yfir 25.
Þá getur þú heyrt nákvæmlega hvað þúsundum einstaklinga þykir um þig.

Næst skaltu gera lista yfir alla hópana sem skoruðu yfir 25% hjá þér og skrifa niður nöfn þeirra einstaklinga sem þú þekkir persónulega í hverjum hóp.

Þegar fengin er vísindaleg niðurstaða í skoðanakönnunum þarf a.m.k. 1000 manns til að fá marktæka niðurstöðu.

Ef þú þekkir persónulega yfir 1000 einstaklinga í einhverjum hóp, má segja að þú búir yfir þekkingu til þess að fullyrða um þann hóp. Allt annað er einfaldlega þröngsýn og tilfinningaþrungin persónuleg skoðun þín á einhverju sem þú hefur hvorki þekkingu né færni til að fullyrða um.

Síðasti hluti sjálfsprófsins er fólginn í því að þú horfist í augu við þessa staðreynd í hvert skipti sem þú alhæfir eitthvað um hóp fólks.

Þekkirðu 1000 slíka einstaklinga með nafni?

Ef ekki, er skoðun þín ekki marktæk.

Góðar stundir.

Í smáum skömmtum læri ég betur og betur að skilja kenninguna mína um allt

2011-02-17T01:02:00.001Z

Þegar ég fer að velta allskonar hlutum fyrir mér þykir mér gott að vera ein og alveg ótrufluð í langan langan tíma.
Best þykir mér að vaka á nóttunni vegna þess að þá er minni hávaði, minni mengun, minna áreiti fólks og minni geislun (hehehe)...
Og þá get ég hugsað.
Ég er að verða aftur jafn flink eins og ég var þegar ég var lítil að láta eðluheilann í mér (litla heilann) taka yfir framheilann sem er allt of hægvirkur, enda vantengdur mænunni og drekanum.

Þeir sem skilja ekki orð af því sem ég er að segja, og halda kannski að ég sé orðin eitthvað skrítnari en ég er vön, geta hugsanlega tengt við það að maður á alltaf að segja það sem manni dettur fyrst í hug í hraðaspurningum og eins þegar maður dettur í Zónið þegar maður er að púsla og getur allt í einu raðað niður helling í einu út um allt eftir að hafa verið að rembast við að finna út fræðilega hvernig þetta gerist. Þá er eðluheilinn að vinna. Flæðistöð upplýsinga.

Fyrir mér er þetta einhvernveginn þannig að það er eins og allt detti skyndilega INN og öll skynfæri samþættist í heilanum og trixi í rauntíma. Öll frumleg hugsun hverfur á einu bretti og maður er meira eins og tölva. Og þessu ástandi fylgir einhverskonar fullnægja. Ekki beint bliss heldur er maður alveg stjarnfræðilega fúnkerandi og meðvitaður um það á einhvern ópersónulegan hátt.
Það er með hliðsjón af þessu ástandi sem ég sætti mig ekki við skilgreiningar vísindanna á tímanum. Þær eru sorglega fánýtar.

Þetta ástand er akkúrat öfugt við það þegar maður plöggar sig út úr meitrixinu og er í núinu. Eitthundrað prósent að njóta án þess að það þurfi að hafa neina sérstaka merkiningu aðra en að vera. Ég held að það sé það ástand sem sumir kalla hamingjuna og aðrir návist Guðs. Þetta ástand er hægt að kalla fram með hugleiðslu, fallegum minningum, fallegu útsýni eða hverju sem er sem manni þykir fallegt. Raunverulegt eða ekki, skiptir ekki máli.
Þetta ástand getur líka teygt á tímanum eða fryst hann. Getur farið með mann fram og aftur í tíma og til annara landa og stranda og vídda og sólkerfa. Eins og manni þóknast.

Og þá er kominn smá inngangur að því sem mig langaði að segja:
ég var soldið að fatta þetta uppánýtt áðan

Veröldin öll og allt sem í henni er, er einungis mín túlkun á því sem ég hef skynjað frá fæðingu og þessvegna hverfur hann þegar ég dey.
Alheimurinn eins og hver og einn sér hann, deyr með hverjum og einum. Einmitt þess vegna er ekkert að óttast. Þegar við áttum okkur á því að lífið er einfaldlega samsuða af okkur sjálfum og alheiminum, hljótum við líka að átta okkur á því að alheimurinn er á okkar valdi og við hljótum að geta gert við hann það sem við viljum. Ef hann er ekki nógu góður fyrir okkur, þurfum við bara að breyta okkur sjálfum og afstöðu okkar á heiminum og trix..... Heimurinn blasir við okkur nýr og ferskur.
Það er þetta vald sem við búum öll yfir sem getur gert okkur frjáls. Við ein ráðum því nefnilega algerlega hvernig við hugsum, hvernig við bregðumst við, hvaða skoðanir við höfum og hvort við ætlum að vera glöð og hamingjusöm eða bitur og reið. Að heyra einhvern segja "ég er bara svona" eða "ég get ekki" án þess að reyna, sýnir mér hversu fáránlega hraustlega hægt er að fangelsa sjálfan sig með ranghugmyndum og heimskulegum skoðunum.

Maður getur alveg mælt það vísindalega hversu réttar skoðanir maður hefur. Það er mjög auðvelt. Þeim mun lengri tíma sem maður ver hamingjusamur og frjáls, þeim mun réttari skoðanir hefur maður.

Á öllu.

Nýja lyfið við alkóhólisma

2011-02-15T21:06:00.002Z

Í BNA er þetta víst það allra heitasta...

Læknar líka allar aðrar fíknir, átröskun og fleira.
Lyfið er ekki hannað sem slíkt en reyndist hafa þessa líka brilljant aukaverkun að lækna næstum alla óþverrasjúkdóma í heila. Mér skilst að spastískir sjúklingar fái þetta við viðvarandi vöðvaspennu.

Verði ykkur að góðu:
(sjálf segi ég pass á þetta)
1
SAMANTEKT Á EIGINLEIKUM LYFS
1. HEITI LYFS
Lioresal 25 mg töflur.
2. VIRK INNIHALDSEFNI OG STYRKLEIKAR
Baclofen 25 mg.
Hjálparefni: Hveitisterkja.
Sjá lista yfir öll hjálparefni í kafla 6.1.
3. LYFJAFORM
Töflur.
4. KLÍNÍSKAR UPPLÝSINGAR
4.1 Ábendingar
Langvarandi síspenna (spasticity) sem á uppruna sinn í miðtaugakerfinu.
4.2 Skammtar og lyfjagjöf
Fullorðnir: 5 mg þrisvar sinnum á sólarhring, aukið á 3 daga fresti um 5 mg þrisvar sinnum á sólar-hring, í viðhaldsskammtinn 30-75 mg á sólarhring og í sjaldgæfum tilvikum yfir 100 mg.
Skert nýrnastarfsemi
Nota skal baclofen með varúð og í minni skömmtum hjá sjúklingum með skerta nýrnastarfsemi. Hjá sjúklingum sem eru í langvarandi blóðskilun er plasmaþéttni baclofens hærri og því skal nota sérstaklega litla skammta af Lioresal, þ.e. um það bil 5 mg/sólarhring.
Einungis má nota Lioresal handa sjúklingum með nýrnabilun á lokastigi ef ávinningurinn er meiri en áhættan. Hafa skal náið eftirlit með þessum sjúklingum snemma í meðferðinni til að hægt sé að greina vísbendingar um og/eða einkenni eitrunar (t.d. svefnhöfgi og þreyta) (sjá kafla 4.4 og 4.9).
Aldraðir
Vegna þess að líklegra er að aukaverkanir komi fram hjá öldruðum sjúklingum, skal nota mjög hófsama skammta handa þessum sjúklingum, auk þess sem fylgjast skal náið með sjúklingunum.
4.3 Frábendingar
Ekki má nota Lioresal handa sjúklingum með ofnæmi fyrir virka efninu eða einhverju hjálparefnanna.
4.4 Sérstök varnaðarorð og varúðarreglur við notkun
Gæta skal varúðar þegar um er að ræða sjúklinga með síspennu sem á uppruna sinn í heila, sjúklinga með geðrofsraskanir, geðklofa, þunglyndi eða oflæti, ruglástand eða parkinsonsveiki. Fylgjast skal náið með þessum sjúklingum því framangreindir sjúkdómar geta versnað.
2
Gæta skal sérstakrar varúðar þegar um er að ræða sjúklinga með flogaveiki því krampaþröskuldurinn getur lækkað og stöku sinnum hafa komið fram krampar þegar meðferð með Lioresal er hætt sem og við ofskömmtun. Halda skal áfram fullnægjandi krampameðferð og fylgjast náið með sjúklingnum.
Í tengslum við meðferð með Lioresal getur komið fram bati á taugaröskunum sem hafa áhrif á tæmingu þvagblöðru.
Nota skal Lioresal með varúð hjá sjúklingum sem eru með:
• sögu um ætisár í maga
• heilaæðasjúkdóm
• öndunarbælingu
• skerta lifrar- eða nýrnastarfsemi
• ofspennu í hringvöðva þvagblöðru, því bráð þvagteppa getur komið fyrir.
Einungis má nota Lioresal handa sjúklingum með nýrnabilun á lokastigi ef ávinningurinn er meiri en áhættan (sjá kafla 4.2).
Gæta skal sérstakrar varúðar þegar Lioresal er notað ásamt lyfjum sem hafa áhrif á nýrnastarfsemi. Hafa skal náið eftirlit með nýrnastarfsemi og stilla sólarhringsskammta Lioresal í samræmi við niðurstöðurnar til að koma í veg fyrir baclofen eitrun.
Auk þess að stöðva meðferð má íhuga blóðskilun sem möguleika við meðhöndlun sjúklinga með mikla baclofen eitrun. Blóðskilun fjarlægir á áhrifaríkan hátt baclofen úr líkamanum, dregur úr klínískum einkennum ofskömmtunar og flýtir fyrir bata sjúklingsins.
Í mjög sjaldgæfum tilvikum hefur verið greint frá aukningu á SGOT, alkalískum fosfatasa og glúkósa í sermi. Því skal láta fara fram viðeigandi rannsóknir með reglulegu millibili, þegar um er að ræða sjúklinga með lifrarsjúkdóm eða sykursýki, til að koma í veg fyrir versnun þessara sjúkdóma af völdum lyfsins.
Meðferð hætt
Eftir að meðferð með Lioresal hefur verið hætt skyndilega, einkum eftir langtímameðferð, hefur verið greint frá kvíða og ruglástandi, ofskynjunum, geðrofi, oflæti eða ofsóknarkennd, krömpum (síflog), ranghreyfingum, hraðslætti, ofhita (hyperthermia) og stundum versnun síspennu (rebound phenomenon).
Ávallt skal draga hægt og rólega úr meðferðinni, með því að minnka skammta smám saman (á 1-2 vikum), nema þegar um er að ræða neyðarástand vegna ofskömmtunar eða alvarlegra auka-verkana.
Lioresal töflur inniheldur hveitisterkju. Hveitisterkja getur innihaldið glúten, en einungis í snefilmagni og er af þeim sökum talin örugg fyrir sjúklinga með glútenóþol.
4.5 Milliverkanir við önnur lyf og aðrar milliverkanir
Nauðsynlegt er að gæta varúðar og breyta skömmtum þegar eftirtalin lyf eru notuð samhliða.
Miðtaugakerfið
Aukin slæving eða öndunarbæling getur komið fram þegar baclofen er notað samhliða öðrum miðtaugakerfisbælandi lyfjum (samtengdum ópíóíðum eða áfengi (sjá kafla 4.7)). Mikilvægt er að fylgjast með starfsemi öndunarfæra og hjarta og æða hjá sjúklingum með hjarta- og lungnasjúkdóma og máttleysi í öndunarvöðvum.
Lyf við parkinsonsveiki (levodopa)
Hjá sjúklingum með parkinsonsveiki, sem eru á samhliða meðferð með Lioresal og levodopa, hefur verið greint frá ruglástandi, ofskynjunum, höfuðverk, ógleði og æsingi.
3
Þríhringlaga þunglyndislyf
Þríhringlaga þunglyndislyf geta aukið áhrif Lioresal og valdið mikilli slekju.
Blóðþrýstingslækkandi lyf
Gera á viðeigandi breytingar á blóðþrýstingslækkandi meðferð, því samhliða meðferð eykur blóðþrýstingslækkun.
Lyf sem hafa veruleg áhrif á nýrnastarfsemi geta dregið úr útskilnaði baclofens, sem veldur eituráhrifum (sjá kafla 4.4).
4.6 Meðganga og brjóstagjöf
Meðganga
Baclofen berst yfir fylgju og skal ekki nota á meðgöngu nema brýna nauðsyn beri til.
Baclofen sem gefið er með inntöku eykur tíðni naflahauls hjá rottufóstrum, við skammta sem eru um það bil 13-faldur sá hámarksskammtur til inntöku (mg/kg) sem er ráðlagður mönnum. Þessi fósturskemmd kemur ekki fyrir hjá músum og kanínum. Ekki hafa verið gerðar fullnægjandi samanburðarrannsóknir hjá þunguðum konum. Hugsanleg áhætta fyrir menn er ekki þekkt.
Brjóstagjöf
Nota má Lioresal á meðan barn er haft á brjósti.
Lioresal skilst út í brjóstamjólk, en ekki er gert ráð fyrir aukaverkunum hjá brjóstmylkingi við ráðlagða skammta.
4.7 Áhrif á hæfni til aksturs og notkunar véla
Lioresal getur vegna aukaverkana sinna, sem eru t.d. sundl, syfja, svefnhöfgi og sjóntruflanir, haft mikil áhrif á hæfni til aksturs eða notkunar véla.
4.8 Aukaverkanir
Aukaverkanir koma einkum fyrir í upphafi meðferðar (t.d. slæving og svefnhöfgi), ef skammturinn er aukinn of hratt og þegar notaðir eru stórir skammtar. Aukaverkanirnar eru oft tímabundnar og úr þeim dregur eða þær hverfa ef skammtar eru minnkaðir. Aukaverkanirnar eru sjaldan það alvarlegar að hætta þurfi notkun lyfsins. Hjá sjúklingum með geðsjúkdóma, sögu um heilaæðasjúkdóma (t.d. heila-áfall) og hjá öldruðum sjúklingum má vera að alvarlegri aukaverkanir komi fram. Hjá sumum sjúklingum hefur komið fram aukin vöðvastífni sem svörun við lyfinu.
Rannsóknaniðurstöður
Algengar (≥ 1/100 til < 1/10)
Minnkað hjartaútfall.
Sjaldgæfar (≥1/1.000 til < 1/100)
Þyngdaraukning.
Hjarta
Mjög sjaldgæfar (≥1/10.000 til < 1/1.000)
Hjartsláttarónot, brjóstverkur, yfirlið.
Taugakerfi
Mjög algengar (≥ 1/10)
Slæving, svefnhöfgi/svefndrungi.
Algengar (≥ 1/100 til < 1/10)
Vönkun, þróttleysi, örmögnun, sundl, höfuðverkur, slingur, skjálfti.
Mjög sjaldgæfar (≥1/10.000 til < 1/1.000)
Krampar1, lækkaður krampaþröskuldur, dofi/náladofi, þvoglumæli.
4
Augu
Algengar (≥ 1/100 til < 1/10)
Sjóntruflanir, sjónstillingartruflanir (þokusýn, rangeygi, ljósopsþrenging), augntin.
Eyru og völundarhús
Mjög sjaldgæfar (≥1/10.000 til < 1/1.000)
Eyrnasuð.
Öndunarfæri, brjósthol og miðmæti
Algengar (≥ 1/100 til < 1/10)
Öndunarbæling.
Meltingarfæri
Mjög algengar (≥ 1/10)
Ógleði.
Algengar (≥ 1/100 til < 1/10)
Meltingartruflanir, uppköst, hægðatregða, niðurgangur, munnþurrkur, truflað bragðskyn.
Mjög sjaldgæfar (≥1/10.000 til < 1/1.000)
Kviðverkir.
Nýru og þvagfæri
Algengar (≥ 1/100 til < 1/10)
Óeðlilega tíð þvaglát, þvagtregða, þvagleki.
Mjög sjaldgæfar (≥1/10.000 til < 1/1.000)
Þvagteppa.
Húð og undirhúð
Algengar (≥ 1/100 til < 1/10)
Ofsvitnun, útbrot.
Sjaldgæfar (≥1/1.000 til < 1/100)
Kláði.
Stoðkerfi og stoðvefur
Algengar (≥ 1/100 til < 1/10)
Máttleysi í vöðvum, vöðvaverkir.
Mjög sjaldgæfar (≥1/10.000 til < 1/1.000)
Vöðvastífni.
Sjaldgæfar – mjög sjaldgæfar (< 1/1.000)
Trufluð vöðvaspenna.
Æðar
Algengar (≥ 1/100 til < 1/10)
Lágþrýstingur.
Almennar aukaverkanir og aukaverkanir á íkomustað
Algengar (≥ 1/100 til < 1/10)
Þreyta.
Sjaldgæfar (≥1/1.000 til < 1/100)
Bjúgur á ökklum eða útlimum.
Koma örsjaldan fyrir (< 1/10.000)
Lághiti (hypothermia).
Lifur og gall
Mjög sjaldgæfar (≥1/10.000 til < 1/1.000)
Óeðlileg lifrarstarfsemi.
Æxlunarfæri og brjóst
Sjaldgæfar (≥1/1.000 til < 1/100)
Vandamál í tengslum við kynlíf (getuleysi, vandamál við sáðlát).
5
Geðræn vandamál
Algengar (≥ 1/100 til < 1/10)
Ofskynjanir, þunglyndi, ringlun/vistarfirring, svefntruflanir þ.m.t. svefnleysi, vellíðunarkennd, martraðir.
1Krampar koma einkum fyrir hjá flogaveikum.
4.9 Ofskömmtun
Eitrun
Fullorðnir
100-200 mg: Í meðallagi alvarleg eitrun.
240-450 mg: Alvarleg eitrun.
0,5 g og 1,5 g: Mjög alvarleg eitrun.
1 g veldur meðvitundarleysi.
1,25 g – 2 g hafa valdið dauða.
Aldraðir
100 mg: Í meðallagi alvarleg eitrun.
Börn
120 mg handa 2 ára: Alvarleg eitrun.
75 mg handa 10 ára: Í meðallagi alvarleg eitrun.
Einkenni
Mest áberandi eru einkenni bælingar miðtaugakerfis, t.d. svefndrungi, skert meðvitund, dá og öndunarbæling.
Önnur einkenni sem komið geta fram eru: Ringl, ofskynjanir, æsingur, krampar, breytingar á heilarafriti (EEG) („burst suppression“ mynstur, þrífasa bylgjur) sjónstillingartruflanir, sjáaldur dregst ekki saman, almenn vöðvaslekja, vöðvakippir, minnkuð viðbrögð, útæðavíkkun, lágþrýstingur eða háþrýstingur, hægsláttur, hraðsláttur eða hjartsláttaróregla, lághiti, ógleði, uppköst, niðurgangur, mikil munnvatnsmyndun, hækkuð gildi lifrarensíma.
Versnun ofskömmtunarheilkennis getur komið fram ef önnur efni eða lyf sem hafa áhrif á miðtauga-kerfið eru tekin inn samtímis, t.d.: áfengi, diazepam og þríhringlaga þunglyndislyf.
Meðferð
Ekkert sértækt mótefni er til.
Meðferð í samræmi við fylgikvilla, t.d. lágþrýsting, háþrýsting, krampa, meltingartruflanir og öndunarbælingu eða bælingu á hjarta- og æðastarfsemi.
Eftir inntöku skammta sem e.t.v. geta valdið eitrunum skal íhuga að gefa lyfjakol ef skammt er um liðið frá inntöku. Fyrst eftir inntöku skammts (60 mínútur) sem hugsanlega getur verið lífshættulegur, skal íhuga magatæmingu (t.d. magaskolun) í hverju tilviki fyrir sig. Ef um er að ræða sjúklinga í dái eða sjúklinga með krampa skal barkaþræða þá, áður en magatæming hefst.
Vegna þess að lyfið skilst einkum út um nýru skal gefa mikinn vökva, ef unnt er ásamt þvagræsingu. Ef um alvarlega eitrun er að ræða, ásamt nýrnabilun, getur blóðskilun komið að gagni (sjá kafla 4.4). Komi fram krampar skal gefa diazepam i.v. með varúð.
6
5. LYFJAFRÆÐILEGAR UPPLÝSINGAR 5.1 Lyfhrif
Flokkun eftir verkun: Vöðvaslakandi lyf, sem hafa miðlæg áhrif, ATC flokkur: M03BX01.
Lioresal er krampalosandi lyf. Það bælir eintaugamóta- og fjöltaugamóta taugaviðbrögð í mænu með því að örva GABAB-viðtaka. Þessi örvun hindrar losun glutamats og aspartats.
Lioresal hefur ekki áhrif á tauga-vöðvaboð.
Lyfið örvar seytingu magasýru.
5.2 Lyfjahvörf
Lioresal frásogast hratt og að fullu úr meltingarvegi.
0,5-1,5 klst. eftir inntöku eins 10 mg skammts næst 180 ng/ml hámarksþéttni í plasma, 340 ng/ml eftir 20 mg skammt og 650 ng/ml eftir 30 mg skammt.
AUC er í réttu hlutfalli við skammtastærð. Dreifingarrúmmálið er 0,7 l/kg og próteinbinding er um það bil 30%. Þéttni í heila- og mænuvökva er um 8,5 sinnum lægri en í plasma.
Helsta umbrotsefnið er lyfjafræðilega óvirk β-(p-klórófenýl)-4-hýdroxýbutansýra, en Lioresal um-brotnar að litlu leyti. Helmingunartíminn er 3-4 klst. og lyfið útskilst að mestu á óbreyttu formi. Eftir 72 klst. hefur brotthvarf um 75% af skammtinum átt sér stað um nýrun, þar af um 5% sem umbrotsefni. Brotthvarf þess sem eftir er af skammtinum verður í hægðum. Lyfjahvörf hjá öldruðum eru eins og hjá yngri sjúklingum.
5.3 Forklínískar upplýsingar
Lioresal hefur hvorki krabbameinsvaldandi né stökkbreytandi eiginleika.
6. LYFJAGERÐARFRÆÐILEGAR UPPLÝSINGAR
6.1 Hjálparefni
Vatnsfrí kísilkvoða, örkristölluð sellulósa, magnesíumsterat, polyvidon, hveitisterkja.
6.2 Ósamrýmanleiki
Enginn.
6.3 Geymsluþol
4 ár.
6.4 Sérstakar varúðarreglur við geymslu
Geymið við lægri hita en 25°C.
Geymið í upprunalegum umbúðum til varnar gegn raka.
6.5 Gerð íláts og innihald
Þynnupakkning.
7
6.6 Sérstakar varúðarráðstafanir við förgun og önnur meðhöndlun
Engin sérstök fyrirmæli.
Farga skal öllum lyfjaleifum og/eða úrgangi í samræmi við gildandi reglur.
7. MARKAÐSLEYFISHAFI
Novartis Healthcare A/S
Lyngbyvej 172
2100 København Ø
Danmörk
8. MARKAÐSLEYFISNÚMER
MTnr 772127 (IS)
9. DAGSETNING FYRSTU ÚTGÁFU MARKAÐSLEYFIS/ENDURNÝJUNAR MARKAÐSLEYFIS
Dagsetning fyrstu útgáfu markaðsleyfis: 15. apríl 1971.
Dagsetning endurnýjunar markaðsleyfis: 22. desember 2005.
10. DAGSETNING ENDURSKOÐUNAR TEXTANS
21. janúar 2009.

Sjö milljarðar

2011-02-12T00:06:00.002Z

Við erum bráðum að detta í sjö milljarða.

Sem er alveg fáránlegt til þess að hugsa, þegar maður hefur verið á Gay pride og Menningarnótt og þótt margir á ferli. Örfáar hræður í rauninni. Eiginlega eru íslendingar örfáar hræður.

Samt eru fleiri plánetur en sandkorn og saga tímans lengri en hægt er að búa til mynd af í hausnum á sér. Og þrátt fyrir óendanlega smæð okkar, tilgangsleysi í stóra samhenginu og nanósekúndan sem líf okkar spannar ÞÁ ERUM VIÐ HVERT OG EITT ALVEG EINSTAKT FYRIRBRIGÐI MEÐ VALD TIL AÐ VERA HAMINGJUSÖM HVERJA STUND.

Hver fruma sem skapar með tilvist sinni möguleika fyrir tilveru minni, hefur markvissan tilgang og sá tilgangur er algerlega í mínu valdi. Ég ræð.

Ég hef tekið þann pól í hæðina að leika Guð og Örlögin og ráða. Og annaðhvort er ég endanlega orðin biluð eða ég hef loksins fundið svar.

Mig langar bara að vera ég. Hef misst áhugann á því að vera eitthvað annað. Nenni ekki að þóknast einum né neinum á neinn hugsanlegan hátt nema að það þjónu mínum persónulegu hagsmunum og geti gert líf mitt betra, samkvæmt minni eigin túlkun á hamingjunni.

Egóismi dauðans er saga mín héðan í frá sem hingað til. Burtséð frá því hvort nokkur skilji orð af því sem ég er að reyna að segja. Mér er líka orðið skítsama um það.

Og mikið er það gott.

Saga af litluheiðu

2010-12-27T13:21:00.005Z

Ég hélt að ég væri ljót.

Ég hef lifað í þeirri fullvissu að ég sé ljót og ógeðsleg í mjög langan tíma. Í hvert skipti sem ég hef horft í spegilinn hef ég séð veru sem ég hata og fyrirlít. Allt mitt líf hef ég leitað að og fundið sannanir fyrir þessari fullvissu minni. Hvert einasta komment um ófullkomleika minn og ljótleika hef ég tignað og tilbeðið í þeirri fullvissu að sannleikurinn fælist í að sjá gallana.

Mér hefur þrisvar sinnum verið tjáð að ég sé falleg. Útlitislega séð. Og það hefur verið hin merka undantekning frá ófrávíkjanlegri reglu tilvistar minnar. Eðli mitt og atferli hafa sannað með algjörri fullvissu og vísindalegum vinnubrögðum að ég er viðbjóður. Skoðanir mínar, persónuleiki og athafnir renna stoðum undir þá kenningu að ég sé ógeðsleg. Atferlið sannar kenninguna. Ég er vond manneskja. Vond við annað fólk og dómhörð með eindæmum. Hrokafull, eigingjörn og ill.

Í gær var ég að reyna að jútjúba hugleiðslutónlist og rakst á myndband sem átti að "lækna fortíðina". Þetta fannst mér í fyrsta lagi fáránlegt og í öðru lagi sprenghlægilegt. Að jútjúbmyndband gæti endurraðað mistökum fortíðarinnar er jafn bjánaleg hugmynd eins og tíminn í 3D. Ég varð að prófa.

Það má bæta því við að ég hef alveg ljómandi gott ímyndunarafl, get stokkið inn í heimatilbúnar bíómyndir með mig í aðalhlutverki hvenær sem mér sýnist.

Allavegana, einhver kona sagði mér að leggjast niður, anda svona og hinsegin og sjá fyrir mér liti og ljós hér og þar. Ekkert mál. Þegar ég hafði legið þarna og liðið asnalega í svolitla stund, gerðist svolítið merkilegt. Ég hætti eiginlega að heyra í konunni og fór að gera það sem hún sagði. Ef hún bað mig að sjá eitthvað, birtist það ljóslifandi inni í hausnum á mér, áreynslulaust.

Og ég fór alla leið í Bláskóga 6. Þar sat lítil stelpa hágrátandi í efri koju og angist hennar og þjáning var slík að mér féllust hendur. Ég settist hjá henni og strauk henni blíðlega um vangann og velti því fyrir mér hvað væri að. Ég reyndi að senda henni ljós og kærleika með huganum og hún leit hissa upp. Í ljósinu frá götunni leit ég í fallegustu bláu augu sem ég hef nokkurntíma séð.
Allt við þetta barn var fullkomið. Silkimjúkt hárið, gallalaus húðin og fegursta bros allra tíma.

Hún starði út á ljósið og tárin blikuðu á kinnunum. Ég tók hana í fangið og hvíslaði að henni að allt yrði gott. Hún væri góð, hún væri falleg og hún mætti ekki trúa neinu öðru, sama hvað.
Ég fann hjartapíslina hennar slá og fann þegar hún smám saman róaðist og sofnaði í fangi mínu.
Allan tímann hélt ég henni þétt að mér og elskaði hana heitar en ég hef nokkurntíma elskað nokkurn hlut. Ég lagði hana blíðlega niður á koddann sinn og kyssti hana á ennið í kveðjuskyni.
Svo hélt ég heim á leið.

Þegar þarna var komið rankaði ég við mér og leit hissa yfir stofuna mína og heyrði í bílunum úti.
Raunveruleikinn var mættur í öllu sínu veldi.

En það furðulegasta er eftir.

Þegar ég leit í spegilinn í dag, sá ég að hún hafði komið með mér til baka. Augun hennar og yndisleiki blöstu við mér. Allt sem hún hefur gert og allt sem hún mun gera í framtíðinni er hluti af ferðalagi sem við köllum lífið. Hver einasta stund er gríðarlega mikilvæg. Með hana með mér, verð ég að fara varlega. Ég verð að passa uppá hana og elska hana hverja stund. Ég verð að gæta hennar og gera það sem henni er fyrir bestu. Hvað hún borðar og hvað hún gerir, má ekki skaða hana. Hún er bara lítið saklaust barn. Og núna þegar ég er með þennan farþega um borð, er lífið einhvernveginn skemmtilegra. Ég verð aldrei framar einmana, döpur eða hrædd.

Dæmisaga

2010-12-27T05:18:00.005Z

Heiða var alveg hissa.

Hún var að baka vanilluhringi þegar jörðin fór að skjálfa og bjart ljós birtist á himninum.
Hún æddi út á svalir og leit til himins. OMG. Þeir voru komnir.

Hún sá risavaxin ljós á himninum og þrátt fyrir að hafa alltaf langað til að verða til vitnis um lífverur frá öðrum hnöttum var þetta engan veginn eins og hún hafði séð það fyrir sér.
Þetta minnti ekkert á Hollywood og hún vissi að það kæmi enginn Will Smith á orustuflugvél Bandaríska hersins og bjargaði öllu. Það lá alveg ljóst fyrir.

Þetta sem hún horfði á var bara einhvernveginn allt öðruvísi en allt sem hún hafði ímyndað sér. Risavaxin ljós sem sveimuðu í einkennilegum þríhyrningslaga þyrpingum og bjartir ljósgeislar virtust skjótast neðan úr þeim og á jörðina.

Það var eins og það hægði á tímanum. Hún mundi eftir sögum af fólki sem hafði lent í slysum, sem sögðust upplifa tímann líða hægar. Smátt og smátt varð til raunveruleiki í hausnum á henni.
Það yrði allt í lagi með allt.

Lítið barn hljóp út úr húsi og ljósgeisli hæfði það. Hún horfði á með hryllingi og bjóst við að sjá það splundrast í tætlur. Enn hægði á tímanum. Hún sá barnið horfa á ljósið á himninum, breiða út faðminn og svífa með örmjóum bláleitum ljósgeisla upp til móts við hið óþekkta. Foreldrar þess öskruðu og reyndu að grípa um ljósrákina svo þau gætu hrist barnið sitt niður. En þau gátu ekki gripið um ljósið og barnið færðist ofar og ofar. Móðirin kallaði á það í örvæntingu og bað það að sleppa, en barnið leit við skellihlæjandi og hrópaði til baka að þetta væri allt í lagi.
Þeir eru góðir mamma, treystu mér. Komdu með.

Hún sá gamla konu fljúga af stað upp til himna, og hún sá hunda og ketti fljúga til himna. En fyrst og fremst sá hún fólk þjást af eftirsjá eftir þeim sem flugu á brott. Fólk sem náði ekki taki á geislanum. Angist og sorg lýsti úr augum þeirra sem eftir sátu og fólk hrópaði upp til ljóssins, hvers vegna tekur þú það sem ég elska frá mér. Uppfullt af kvöl þess sem ekki skilur.

Og mitt í þessum yfirþyrmandi veruleika lokaði hún augunum og hvíslaði:
Ég er tilbúin - ég gef þér líf mitt - ég gef þér framtíð mína - ég gef þér börnin mín - ég gef þér allt.
Og á þrítugasta og áttunda aldursári sínu skyldi hún loksins að það að trúa á eitthvað var nákvæmlega það sama og treysta einhverju.

Hún fann þegar máttur henni framandi togaði í hana og hún fann fæturna lyftast frá jörðinni sem hafði verið viðkomustaður hennar lengi.

Hún var farin heim.

Bréf Eyrúnar til Elísabetar Englandsdrottningar

2010-12-25T16:41:00.004Z

Sæl vertu Beta, af ættum Engilráðs hins ríka.

Ég geri mér grein fyrir því að þú trúir því að vald þitt á jörðinni sé komið frá Guði. Fyrir löngu. Og hafið yfir öll önnur lög alheimsins. En það er bjánaskapur og barnahjal.

Rómverjar áttu England. Það er vísindaleg staðreynd. Þegar rómverjar höfðu drepið þá sem höfðu eitthvað á móti þeim og kúgað aðra til hlýðni var ekki margt eftir í ríki þínu sem hægt er að monta sig af. Þá kom ég til sögunnar. Ég er víkingur úr norðrinu.

Ég er af ætt manna sem neituðu að fara að reglum hinna ríku og leitaði skjóls undan ranglæti á stað sem enn þann dag í dag er vart byggilegur. Og sigraði. Eldgos, kúgun vina þinna í danmörku, kirkjan og óblíð veður hafa ekki bugað mig. Hvað þá bjánalegt fyrirtæki sem lagðist í víking og tók brot af þýfi þínu á heimsvísu með sér heim sem sigurvott.

Það væri engin Elísabet önnur englandsdrottning ef ekki hefði verið fyrir mig. Hverjir heldur þú að hafi hjálpað Engilráði forföður þínum í baráttunni við dani og norðmenn? Sem lögðu grunn að velferðarríki byggðu á lýðræði? Það vorum við hérna á Thule. Þessir sem þú kallar ísbjörgina eða icesave. Það er ekki mitt mál að ætt þín beygði sig undir hina kristnu kirkju og framseldi lýðræðið peningamönnum. Það er þitt mál. Og það er þitt val að viðhalda þeirri hefð að taka án þess að gefa til baka. British Museum er til marks um það, beljan þín.

Rannsóknir á genum sýna að konur hér á Thule eru genafræðilega skyldari keltum en karlar eru líkari norðmönnum. Þess vegna eru fegurð og hæfileikar til þess að búa til góðan mat sjaldséðar í ríki þínu. Þjóð þín seldi víkingum börnin sín í þeirri von að þar ættu þau framtíð, ólíkt því sem þau lifðu við. Og víkingarnir giftust þessum stúlkubörnum og ólu afkvæmin upp af nærgætni og ást.

Og þú ert afrakstur þeirra sem eftir sátu, forljót kerling sem kann ekki að búa til mat og kann ekki að nýta sér náttúruna til lækninga. Treystir á þræla þína að færa þér lausnirnar, eins og þú ert vön. Reyndu að horfast í augu við raunveruleikann álkan þín. Trúir þú því í alvöru að Arþúr hafi náð náð sverðinu úr steininum? Hallærisleg eftirlíking af víkingi er það sem hann er. Stolin saga. Aumkvunarverð tilraun lúða að vera karlmenni. Ég þarf að gubba.

Við víkingar lögðum rómarveldi að fótum okkar. Áttum í viðskiptum við þrælahaldara þína og drukkum sigurskál okkar í miðausturlöndum. Við fundum Ameríku og við kunnum að lesa og skrifa. Og við eigum okkur sögu. Við áttum bestu skipin, fórum víðast og börðumst ber að ofan við hvern þann sem við skilgreindum handhafa valds komið frá mönnum. Og sigruðum.

Það voru kviðmágar þínir í danmörku, úrkynjað guðlegt vald, sem komst næst því að knésetja okkur. En það tókst ekki og mun aldrei takast. Því við erum víkingar.
Við sigruðum breska heimsveldið í þorskastríðinu. Mannstu eftir því? Heldur þú að við séum hrædd við ykkur? Og bestu vini ykkar í BNA?
Nei við erum ekki hrædd við ykkur. Höfum aldrei verið það og verðum það aldrei. Við sendum fátæku fólki í London ullarteppi til þess að halda á sér hlýju. Þannig erum við.

Nú mælist ég til þess að þú og mannleysuleppar þínir í Hollandi (sem er þjóðin sem þið börðust við þegar þið eignuðuð ykkur demantanámur Afríkulanda og hafið enn ekki skilað) troðið því sem þið kallið æseif upp í boruna á ykkur. Við ætlum ekki að borga þetta frekar en þið ætlið að greiða okkur bætur fyrir BP stórslysið. Og það þó við séum fiskvinnsluþjóð sem á allt sitt undir hafinu.

Ef þú ert ekki að sætta þig við þessa niðurstöðu, er mér alveg sama. Fuck you bitch.

Eyrún hin vitra
Thule Borealis
af ætt víkinga

Jólakortið

2010-12-24T02:35:00.003Z

Kæru landsmenn til sjávar og sveita. Ég óska ykkur gleðilegra jóla og farsældar á komandi ári með þökk fyrir það gamla. Eyrún Heiða Skúladóttir
Léttreykt partýskinka eða andlegur lærifaðir
-hvað má bjóða þér?

ps. ég sendi líka von og ósk um að leitin að hamingjunni verði skemmtileg og ástin fylgi ykkur hvert skref.

Það er mín bjargfasta sannfæring að algjör uppgjöf gagnvart valdi ástarinnar sé nauðsynleg til þess að við fáum náð til himna, í þessu lífi eða annarsstaðar. Hvað sem það merkir annars.
Og þessvegna verðum við líka að elska okkur sjálf, litla barnið sem við vorum, erum og verðum.

Peace out hippies and communists of the whole.

Óskalistinn 2010

2010-12-23T21:00:00.002Z

Kæri jóli.

Ég er svo blessuð að hafa allt sem ég þarf. Þannig að ef þú gætir frekar farið og veitt fyrir mig menn, með samböndum þínum, og komið mér í kynni við nokkra aðila, yrði ég ákaflega þakklát og hamingjusöm.

Ég er bæði búin að vera notí og næs á árinu. Veit eiginlega ekki stöðuna sjálf, því miður er heimilisbókhaldið líka svona hjá mér. Ég treysti þér betur til að fara yfir stöðuna heldur en presti eða præsvoterháskúpers. Þú finnur út úr þessu (ég hef heyrt að þú sért með fjöldan allan af litlum grænum mönnum þér til aðstoðar).

Allavega. Fólkið sem ég þarf að ná sambandi við, verður að hafa þekkingu til þess að svara nokkrum undirstöðuspurningum fyrir mig og hjálpa mér að skilja hvernig niðurstaðan var fengin.

Hér er listinn:
Eðlisfræðingur
Guðfræðingur
Jarðfræðingur
Stærðfræðingur
Taugasálfræðingur
Siðfræðingur
Sannkristinn skv. kirkjunni
Trúleysingi
Heilög manneskja (helst með superpowers)
Ofurmanneskja (sem virðist geta upphafið lögmál vísindanna með öðrum aðferðum)
Virkur alkóhólisti sem kærir sig ekki um aðstoð
Trúboði
Einhver sem trúir á kærleika

Ég lofa að skemma þá sem þú sendir mér eins lítið og ég get og ég lofa því að skila hverjum og einum til baka. Ég þarf þá mislengi.

Þín Heiða

Sæll vertu Benedikt af Róm

2010-12-21T16:54:00.002Z

Ég er svo óheppin að þekkja ekki almennilega sögu þína en þar sem þú varst kosinn í embætti 2005 af félögum þínum í klíkunni má gera ráð fyrir að þú vitir eitt og annað sem ég þarf að heyra.

Ég er búin að lesa Biblíuna. Og verð að viðurkenna að það er alveg helvíti mögnuð bók. Sögurnar af Jesús frá Nasaret eru þar fremstar í flokki og mitt persónulega uppáhald.

Nú er það svo að allir sem hafa áhuga á þessari bók (fræðilega fremur en í leit að lausn) vita að hún er sett saman af mörgum ólíkum bókum. Í stað þess að vitnisburður allra postulanna færi í biblíuna, var ákveðið að setja inn fjórar svipaðar greinar (eða ævisögur) um líf Jesús, restin (ca.75% af biblíunni) eru regluverk gyðinga og hugmyndafræði annara en hans sjálfs.

Það er vísindaleg staðreynd að þið kirkjunnar menn reynduð að uppræta allt sem ekki þjónaði hagsmunum ykkar á fyrstu árum kirkjunnar. Guðspjöll annara lærisveina voru bönnuð, meira að segja guðspjall Péturs (sem kirkjan þín í Vatikaninu heitir eftir og sem venjulega er kallaður fyrsti páfinn). Hvers vegna var það?

Ég er að leita að sannleikanum. Ekki þinni túlkun á honum, ekki túlkun gyðinga og ekki túlkun hatursmanna kirkjunnar. Mig langar bara að fá aðgang að upplýsingum.

Má ég koma í Vatikanið og lesa mér til í bókunum í kjallaranum, sem enginn fær að skoða?
Af hverju má enginn skoða þær? Er það ekki satt að sannleikurinn muni gera mig frjálsa?
Hvers vegna að geyma bækur sem innhalda lygi? Eruð þið hræddir við orð Krists? Eruð þið hræddir um að orð hans veiki undirstöðu stærsta veldis mannkynssögunnar?
Af hverju eruð þið ekki löngu búnir að brenna þetta allt og opna bókasafnið?
Eruð þið hræddir um að Guð refsi ykkur?

Leyndarmál ykkar koma í veg fyrir það að ég geti verið frjáls frá getgátum og myrkri þekkingaleysis. Má ég biðja kaþólsku kirkjuna um að treysta mér? Ég hef ekkert að fela.

Að lokum langar mig að vita hvers vegna gyðingættir Jósefs smiðs skipta máli. Þeir voru ekki einusinni skyldir, hann og fóstursonurinn Jesú. Af hverju verður Jesús að tilheyra gyðingum í föðurætt?

Þín Heiða af Héraði
dóttir Önnu og Skúla
af ætt víkinga.

Dýravernd

2010-12-18T22:17:00.006Z

Fátt er eins tilfinningabólgið sem dýravernd.

Almennt er fólk hlynnt dýravernd og andsnúið illri meðferð á dýrum.
Það er þó oftar en ekki aðeins í orði en ekki á borði. Því miður. Flestir versla egg og kjúklinga sem framleidd eru með svo hrottafengnum hætti að fólki sundlar þegar því er boðið uppá að skoða aðstæðurnar. Og það er svona eins og vatnsglas sem skvett er í sjóinn, toppurinn á ísjakanum.

Ég sé enga ástæðu hér að tíunda illa meðferð á dýrum. Þá fer ég bara að gráta og finn til fullkomins vanmáttar. En mig langar að velta því fyrir mér hvað er snjallt og hvað ekki.

Sumir halda að aðrar tegundir dýra búi yfir tilfinningum og rökhugsun. Og ég er sjálf ekki frá því að það sé bara soldið satt. Aðrir fara með þetta lengra og segja að plöntur og tré hafi líka tilfinningar og geti fundið til sársauka. Ég veit ekki með það, en virði þessa skoðun. Fáeinir vilja svo meina að allt búi yfir anda eða vitund. Steinar, plöntur og dýr. Hver veit.

Ég veit það allavega að mér sjálfri er fyrirmunað að skilja mannskepnuna. Tilfinngar hennar, hugsun og hegðun eru svo stjarnfræðilega fjölbreytileg að ekki er nokkur leið að átta sig á henni. Það er einmitt þess vegna sem ég læt það fara svolítið (hressilega) í taugarnar á mér þegar fólk alhæfir um tilfinningastöðlun annara tegunda.

Sú hugmynd að einhverjar skepnur séu svo alheilagar að tilvera þeirra sé hafin yfir hringrás lífsins er mér framandleg. Að með tilfinningarökum sé ókey að frelsa einhverjar tegundir frá dauða í vistkerfi sem á allt sitt undir því að maðurinn taki jafnt af hverri auðlind. Það er alveg ljóst að við fáum ekki að vera með í Evrópusambandinu nema að gefa upp hvalveiðar. Yfirlýst frá Brussel.

Það skiptir engu máli að við vitum að þessar risaskepnur eru hluti af flóknu lífrænu kerfi og þjóna þar jafn mikilvægu hlutverki og rækjur. Það er bara búið að heilaþvo fólk með bulli og kjaftæði og enginn er tilbúinn að segja sannleikann.
Ekki frekar en venjulega. Gremja.

Við eigum ekki að hætta að veiða hvali af því einhver er í tilfinningalegu ójafnvægi vegna þekkingarleysis. Það er algerlega fáránlegt. Hvað gerist þá? Þegar hvölum fer að fjölga hressilega.? Eigum við kannski að ganga alla leið og fóðra þá? Fórna þeim bestu bitunum og syngja þeim lofsöng? Það þætti þeim áræðanlega vænt um.

Það liggur ekkert á. Næstu árin koma háhyrningar til með að naga hausinn af litlum selkópum eins og þeir eru vanir. Og þeir munu líka naga hausinn af börnunum okkar sem leika sér í Nauthólsvíkinni ef við gætum ekki að því að viðhalda jafnvægi í náttúrunni. Hvort sem það er ljótt eða ekki. Lífið gerir það sem það þarf til þess að viðhalda sér. Þess vegna fæðast lítil lömb og litlir grísir, svo við getum skolað þeim niður með rauðvínsglasi. Og ávextir trjánna og fuglar himins. Allt er þetta hluti af þessu stóra stóra sem er alveg sama hvernig okkur líður persónulega. Hringrás lífsins.

Það er ekkert ljótt við dauðann í sjálfu sér. Ef dráp eru hluti af hringrás lífsins get ég ekki haft neitt við það að athuga. Þjáning er ekki það sama og dauðinn, svo að það sé á hreinu. Að meiða er miklu, miklu ljótara en að drepa. Og að drepa eitthvað af hatri eða græðgi er líka ljótt. Ógeð.

Ég hef fyrir svo löngu fengið yfir mig nóg af fólki sem reynir að sannfæra mig um "heilagleika" ákveðinna tegunda að ég gæti ælt. Þetta eru trúmál en ekki vísindi. Tilfinningaleg bókstafstrú.
Ég er samt til í skoða málið þegar tegundin sem ég er af, getur látið af þeirri hefð að drepa ungviði af eigin sort.

Með þátttöku okkar í NATO samþykkjum við slátrun á börnum. Oftast í nafni frelsis en raunveruleikinn er sá að eiginhagsmunapot spilltra manna er rótin.

Verum góð hvort við annað og þakklát fyrir að fá að borða. Reynum að draga úr þjáningu í heiminum í stað þess að berjast gegn tilgangi dauðans. Hann mun sigra hvort sem okkur líkar betur eða verr.

Fyrir hverja er veröldin?

2010-12-16T00:21:00.003Z

Er veröldin aðeins heimili þeirra sem geta komist af án hjálpar?
Eiga þeir veikburða skilið að deyja?
Er fullnaðarsigur yfir öðrum eina leiðin í lífinu?
Er umhyggja úreld?

Í stað þess að spyrja bara spurninga sem enginn kærir sig um að svara, ætla ég að svara þeim öllum í sömu færslunni til tilbreytingar. Af hverju? Af því ég hef gaman að því.

Það er mín skoðun að allir þeir sem fæðast á þessari jörð hafi jafnan rétt til alls. Hverjir sem þeir eru, hvaða trúarhópi sem þeir tilheyra eða hvað. Allt annað er kjaftæði og bull og ætti að banna.
Þeir veikburða eiga ekkert skilið umfram þá sterku og ekkert minna heldur. Allt annað ætti að banna.
Fullnaðarsigur kemur hamingjunni ekkert við. Að halda öðru fram, ætti að vera bannað.
Umhyggja er það eina sem getur lagað ástandið í heiminum. Að halda öðru fram, ætti að vera bannað.

Og núna þegar ég er farin að tíunda það sem ætti að vera bannað, er best að nefna nokkur önnur atriði sem ættu að vera það.

Auglýsingar Hafa ekki skilað neinu hingað til nema ríkidæmi í fárra vasa.
Fyrirtæki sem rekin eru í þeim tilgangi að gera annað fólk en starfsfólk þeirra ríkt. Eignarhlutur annara en starfsmanna má ekki fara yfir 49%. Aldrei.
Fæðubótarefni. Alla næringu sem þú þarft má finna í mat. Sendum öll fæðubótarefni og vítamín heimsins til Afríku. Þar er ekki til matur.
Róandi lyf og svefnlyf ætti að banna nema á stofnunum. Hvort tveggja má laga án lyfja og enginn hefur dáið úr svefnleysi eða dramakasti. Hingað til. Fjöldi þeirra sem hefur dáið vegna neyslu þessara lyfja hleypur á hundruðum þúsunda, ef ekki milljóna.
Stjórnmálaflokka. Þeir bera ábyrgð á vanheilsu mannkynsins og stríði í heiminum. Út með konseptið í heild sinni, á heimsvísu.
Fjölmiðla sem kenna sig við fréttaflutning en segja aldrei neitt nema að eigandinn leggi blessun sína yfir það. Fjölmiðlar eiga að vera óháðir (mér þykir við hæfi að benda fólki á veðurfréttir í þessu samhengi, það sjá það allir að ef alltaf spáir sól og fullyrt er að það hafi verið sól þegar hún sást hvergi, missa veðurfréttir fullkomlega tilgang sinn, þó svo að neytandinn vilji hafa sól).
Tóbak. Ég nenni ekki að færa rök fyrir því. Það er augljóst.
Öll fyrirtæki og stofnanir sem hafa að markmiði sínu að fólk líti betur út. Fólk lítur alveg rétt út, almennt. Notkun á orðinu heilsurækt ætti að vera bönnuð þar sem fatnaður, speglar, fæðubótarefni eða hvað sem er, styður við fáránleika útlitsdýrkunar.
Öll störf sem í eðli sínu eru svo siðlaus að börnin þín ættu ekki að vinna við þau.

Man ekki eftir fleiru í bili. En það er ábyggilega fullt.

Að hrista mjólkurkirtlana framan í fólk

2010-12-15T12:22:00.003Z

Ég elska Feisbúkk.
Á feisinu sér maður svo gjarnan hvernig fólk hugsar og hvernig fólk dæmir umhverfi sitt og sjálfan sig, út frá viðteknum venjum.

Núna fékk ég til dæmis innsýn í hugarheim nokkurra þegar stripp-andsnúin kona tjáði sig um þann starfa að glenna sig og hrista í kynferðislegum tilgangi. Henni þótti það ekki viðhalda mannlegri reisn.

Næstum allir voru henni ósammála. Þeir sem vildu gera þetta að starfi höfðu fullan rétt á því.

Fólk nennir yfirleitt ekki að ræða skoðanir sínar málefnalega. Það endar nefnilega svo oft á því að fólk málar sig út í horn og neyðist til að skipta um skoðun. Og það er allt of erfiitt og niðurlægjandi að hafa rangt fyrir sér. Að viðurkenna að hafa rangt fyrir sér er tabú fyrir flesta.

Hérna er hugmynd.

Ef þér þykir káf í góðu lagi
Ef þér þykir vændi í góðu lagi
Ef þér þykir stripp í góðu lagi
Ef þér þykir mannsal í góðu lagi
Ef þér þykir það réttur hvers og eins að gera það sem hann vill.

Ókey. Nú þarftu að hugsa þér lítið barn. Helst strák. Einhvern sem þú þekkir persónulega og þykir vænt um í alvörunni. Helst lítinn bróður eða son.

Á hann að alast upp í þeirri sannfæringu að aðrir karlar megi snerta hann þegar þeim sýnist?
Ætlar þú að kynna honum þann raunhæfa kost, að selja öðrum karlmönnum blíðu sína (það sparar margra ára nám og gefur betur í aðra hönd)?
Ætlar þú að kynna honum þann raunhæfa kost, að fara úr fötunum og reyna að æsa aðra karlmenn upp kynferðislega (sparar magra ára nám og gefur betur í aðra hönd)?
Ætlar þú að hvetja hann til þess að notfæra sér aðra drengi til þess að hagnast á vændi þeirra til karlmanna?

Hvernig ætlar þú að fara að því að tryggja það, að hann geri það sem hann vill, ef þú setur ekki störfin hér að ofan inn í jöfnuna sem raunhæfan valkost?

Er eitthvað niðurlægjandi við það að örva ókunnugt fólk kynferðislega, gegn greiðslu?

Hversu marga karlmenn þekkir þú sem hafa nefnt það sem raunverulegan valkost í kreppunni, að selja sig öðrum karlmönnum? En konur?
Kommón. Fullt af peningum í boði. Einhver?
Halló. Þetta er vinna en ekki framhjáhald. Bisniss not plesjör.

Ef þú ert ekki til í þetta sjálfur, þekkir engan sem er tilbúinn í þetta, vilt ekki að börnin þín taki þetta að sér eða maki þinn, hvers vegna í helvítinu heldur þú að þinn veruleiki endurspegli bara fólk sem vill ekki vera með í þessum bransa?

Gæti verið að þú trúir því innst inni, að allt fólk sem ÞÚ þekkir sé ólíkt öðrum af tegundinni homo sapiens sapiens? Er það gáfuleg afstaða?

Ég held að margir séu til í kaupa þjónustuna.
Enn fleiri séu umburðarlyndir þangað til einhver sem það þekkir verður innvolverað.
En einhverra hluta vegna viljum við ekki vita neitt. Aldrei.

Gefðu nú þeim sem þér þykir vænt um eitthvað fallegt í jólagjöf.

Drátt.

Sést það?

2010-12-12T07:24:00.005Z

Það er verulega dónalegt að tjá skoðun sína um holdarfar einstaklinga. Að segja að einhver sé að detta í sundur er samt skárra en segja að einhver sé feitur. Það er dauðasynd.
Svo má kalla alla sem eru kynþokkafullir eða klæða sig ögrandi, illa gefna. Það er viðtekin venja.
Það er bannað að kalla stjórnmálamenn spillta. Slíkt verður farið með sem húmbúkk.

Þó er það aðallega þrennt sem má ALLS EKKI nefna.

Fjárhagur fólks, þekking þess og hverjir eru alkóhólistar.

Þetta eru stærstu tabú samfélagsins.
Börn mega ekki spyrja: Hvað kostaði þetta? Þegar þau fá jólapakka. Það er ljótt.
Ef maður spyr einhvern hvort hann sé illa upplýstur um ákveðið mál, móðgast hann.
Og það jafnvel þó hann hafi nákvæmlega ENGA þekkingu á viðfangsefninu. Hugsanlega skoðanir sem byggja einvörðungu á tilfinningalegu mati. Fáránlegt. Það er eins og fólk haldi (þrátt fyrir að hafa ratað menntaveginn áratugum saman, sumhverjir) að greind og upplýsing sé það sama.
Svona eins og banani og tannkrem. Bæði sett í munninn. Djísöss.

Svo er það alkóhólismi.

Fólk er tilbúið að trúa því að fæðingarþunglyndi karla sé sjúkdómur, en ekki alkóhólismi. Hvaða rugl er það. Alóhólismi hefur verið skilgreindur geðsjúkdómur jafn lengi og þunglyndi. Ekki röskun, heldur geðsjúkdómur. Greining sjúkdómsins er auðveld. Fólki sem er ekki alkóhólistar er vísað af Vogi.

En að kalla alkóhólista, alkóhólista, er eins og kalla einhvern antíkrist eða pedófíl. Viðbrögðin eru svipuð. Fólk heldur að það verði að ákveða það sjálft hvort það er alkóhólisti. Það er nákæmlega jafn gáfulegt eins og að ákveða það sjálfur hvort maður sé með krabbamein eða geðklofa, eða ekki. Það er ekki hægt.
Fyrir utan þá staðreynd að næstum allir sem þekkja viðkomandi, vita að neyslan hefur verið vandamál. Maður kallar fólk ekki alkóhólista til þess að særa. Maður gerir það til þess að viðkomandi leiti sér hjálpar og hætti að leggja fjölskyldu sína í einelti með helvítis sjálfselsku, sjálfsvorkun og þess á milli þunglyndi og geðvonsku. Að haga sér eins og dóni og tík.

Geðvonska er einkenni alkóhólista sem langar í glas og veit að það stendur ekki til. Sjaldnast meðvitað. Fólk sem drekkur (eða dópar) meira en aðrir, er jafnan geðvont út í allt og alla, ef það getur ekki svalað þörfinni.
Hin staðreyndin er sú að enginn alkóhólisti sem hefur búið með öðrum (þá sérstaklega börnum) getur komið í veg fyrir vanlíðan þeirra sem búa með þeim, nema annaðhvort skjóta sig í hausinn eða drulla sér í meðferð. Og já, BÖRNIN VITA ÞETTA alltaf.

Það er hægt að taka fimm ólík sjálfspróf á vef SÁÁ.
Þetta er það einfaldasta:

Cage spurningarlistinn.

Hefur þér einhverntímann fundist að þú þyrftir að draga úr drykkjunni (taka pásu) ?
Hefur fólk gert þér gramt í geði með því að setja út á drykkju þína? (afskiptasemi)
Hefur þér liðið illa eða haft sektarkennd vegna drykkju þinnar? (bömmer)
Hefur þú einhverntíma fengið þér áfengi að morgni til að laga taugakerfið eða losa þig við timburmenn? (hresst þig við með afréttara)

Ekkert já = ekkert vandamál
Eitt já = ekkert vandamál
Tvö já = staðfestir alkóhólisma í 80% tilfella
Þrjú til fjögur já = staðfestir alkóhólisma í nær 100% tilfella.

Athugaðu að orðið áfengi er notað yfir öll vímuefni.
Parkódín er dóp.
Gras er dóp.
Svefnlyf eru dóp.
Morfín er dóp.
Íbúkód er dóp.
Hass er dóp.
Amfetamín er dóp.
Öll róandi lyf eru dóp.

Getur þú hugsar þér lífið án þess alls? Alltaf?
En ef börnin þín yrðu hamingjusamari?
En ef það lengir líf þitt?

Ekki halda að þú komist upp með að ljúga að sjálfum þér. Það á pottþétt eftir að koma þér verulega á óvart að allir vissu að þú værir fyllibytta LÖNGU áður en þú ákvaðst að fara í meðferð.
Sennilega allir sem þekkja þig.

Taki til sín sem eiga.

Miðaldaskilgreining nútímamannsins á eignarrétti

2010-12-09T13:28:00.003Z

É á etta
É á víst ammæli
É má
É vigl
org
osfv....

Þannig hljóma börnin okkar í frekjukasti. Og við reynum eftir öllum mætti að uppræta þessa hugsun þeirra þegar hún bitnar á okkur sjálfum. Hlýddu krakki, einn.. tveir...þrír... eða hvaða aðferð sem menn nota. Árangurinn er misjafn eins og aðferðirnar og einbeiting foreldra og barns.

En þegar fólk verður fullorðið er engin leið að breyta því. Nema að fólk vilji sjálft breytast.
Allir hafa frjálsan rétt til að segja og gera og eiga hvað sem hverjum sýnist.

Við miklahvell og í framhaldi af honum varð til allt sem er. Hvert einasta atóm varð til. Löngu seinna kom fram þekking á þessum alheimi. Sem er samanlögð reynsla manna á jörðinni og túlkun á henni. Hvergi nokkursstaðar á jörðinni hefur nokkur lífvera "skapað" eitthvað frá grunni. Aldrei í sögu tímans hefur einni lífveru tekist að skapa atóm úr engu.

Þess vegna spyr maður sig, hvernig gat næstum allt á jörðinni endað sem eign einhvers?

Og málið er einfalt. Menn slógu eign sinni á hluti, kosept og þekkingu og sögðust hafa "skapað" verðmæti. Sem er kolrangt. Menn hafa nýtt gjafir jarðar sjálfum sér til framdráttar og tryggt sínum persónulegu genum afnot af sömu forréttindum.

Mér er drullusama hvort er um að ræða vísindalega þekkingu eða eldgömul atóm. Enginn á þetta. Og enginn getur eignað sér neitt. Af því við eigum ekkert í raun. Allt sem við söfnum að okkur er byggt á sameiginlegri þekkingu mannsins og atómum. En er ekki okkar eign. Okkur ber að deila með öðrum gjöfum jarðar.

Þetta gildir jafnt um ný lyf sem koma á markað (efnafræðileg þróun byggð á rannsóknum og samanlagðri þekkingu manna á efnisheiminum og mannslíkamanum) sem og lag á FM957 (samið úr tónum og tíðni sem finna má í geimnum og í vindinum og allsstaðar, en raðað upp á nýtt).

Ef þekking þín og sköpunarmáttur þinn "býr til" eitthvað nýtt, er það ekki þín eign. Aldrei.
Af því þú bjóst til eitthvað úr einhverju en skapaðir ekki neitt úr engu.

Skilurðu muninn?

Ef þú sannarlega getur skapað eitthvað úr engu og nýtt til þess þína eigin frumsömdu þekkingu sem byggir ekki á neinu þekktu í alheiminum,

ertu Guð.

Endilega hringdu í mig ef það er tilfellið, ég þarf að ræða eitt og annað við þig....

Bíddu þessi er búin að vera andlega fjarverandi lengi

2010-12-07T18:36:00.002Z

Verið nú sælir og blessaðir hroðgorssperðlarnir mínir.

Það er nú meira bölið með hana Þjóð. Þessi spræka skepna er ekki nema svipur hjá sjón. Enda engin von miðað við helvítis hóreríið á henni fram um allar sveitir. Svo var fartin orðin á henni að geldféð á Þinghúsum, fékk kipp í klofið og styggð kom að því, þá hún stormaði þar hjá. Þrjá vetur síðan.

Hyskið á Þinghúsum fékk þó skepnuna í sinn hlut, enda kom enginn annar böndum á hana. Talað er um að þetta Guðlausa pakk hafi borið fé á erlendan galdramann, ráðunaut, og með hans hjálp bugað skepnuna. En ég held þetta boði ekki gott. Nei gæskan. Ég held að þessar mannleysur séu enn að berja blessaða skepnuna. Helvíti bara. Hún getur ekki að því gert hvernig hún er.

Það verður einhver að bjarga blessaðri skepnunni.
Hún jafnar sig ef einhver er góður við hana.

Hátíð í bæ

2010-12-06T01:06:00.002Z

Núna er aðventan gengin í garð.

Hún er stórkostlegt tækifæri.
Þá er í góðu lagi að éta smákökur yfir sjónvarpinu. Allar stelpur fara í klippingu og kaupa sér ný falleg föt. Og fólk dansar og syngur og gerir sér glaðan dag. Fólk horfir upp til stjarnanna og lætur það eftir sér að dreyma, kveikir lítil ljós og færir hinum sem eru horfnir á braut, fórnir sínar og kveikir þeim ljós til blessunar. Fólk gefur til góðra mála og skiptist á gjöfum.

Fólk er þakklátt og spennt. Tilhlökkunin í augum barnanna og samveran með vinum og ættingjum við laufabrauð. Þetta er ævintýri, öll aðventan. Svo nær hún hámarki á jólunum í dásamlegri stund með nánustu ástvinum. Þetta eru töfrum slungar stundir. Himnaríki á jörðu.

Ég ætla að gera smá tilraun. Ég ætla að halda hefðbundna aðventu og jól. Svo ætla ég að gera það aftur í febrúar. Og mars og svo framvegis. Mig grunar að ég hafi meira að gefa en ég hef haldið hingað til.

Áskorun til allra að halda notalega aðventu og muna að það er ekki áfangastaðurinn heldur ferðalegið, sem skiptir raunverulega máli.

Höldum jólin allt árið....

Ég er Guð og þetta eru loforðin mín.

2010-12-01T16:55:00.003Z

Hjá þér

Ég og þú við verðum að gera samning.
Við verðum að endurlífga frelsið.
Þar sem er ást, þar verð Ég.

Ég rétti þér hönd mína og hef trú á öllu sem þú gerir.
Kallaðu bara Nafn mitt og ég verð þar.
-Ég verð þar, að hugga þig.
Byggi veröld mína og drauma umhverfis þig.
-Ég er svo glöð að hafa fundið þig.
-Ég verð þar, sem ástin sterk.
-Ég verð styrkur þinn og ég held áfram.

Leyfðu mér að fylla hjarta þitt af gleði og hlátri.
Samvera er það eina sem ég þrái að öðlast.
Ef þú þarfnast mín, verð ég þar.

Ég verð þar til að vernda þig
-með óeigingjarna ást sem virðir þig.
Kallaðu Nafn mitt og ég verð þar.

Ef þú skyldir finna einhvern nýjan,
er eins gott Hann sé þér góður.
Því ef Hann er það ekki, verð ég þar.

Ég verð þar
Ég verð þar
Kallaðu nafn mitt
Og ég verð þar

Höf: The Jackson five
Þýð: Ég með hjálp andans.

Karllæg gildi samfélagsins

2010-11-30T19:00:00.002Z

Flestir karlar snúast til varnar þegar hugmyndir á borð við kynjakvóta eru viðraðar. Hvort sem um er að ræða í stjórnmálum eða annars staðar. Karlar fullyrða að slíkur kvóti sé óréttlátur og siðlaus.

Ef málið er skoðað með opnum huga og vísindalegum aðferðum má sjá að kynjakvóti er ekki bara nauðsynlegur heldur í meira lagi réttlátur.

Jörðinni er stjórnað af körlum. Og þannig hefur það alltaf verið síðan í árdaga mannkyns. Margir halda að í heiðnum sið hafi verið jafnræði á með kynjum en svo er ekki og engar rannsóknir benda til þess. Reyndar eru bara til mýtur um kvennaveldi eða jafnréttisveldi. Engar vísbendingar eða vísindalegar sannanir benda til þess að slíkur Edengarður mannlegs eðlis hafi nokurntíma verið til.

Þetta merkir að flest samfélgasleg gildi eru karllæg. Þau hljóta að vera það og ef þau eru skoðuð nákvæmlega má finna fjölmargar sannanir þess að svo er.

Sem dæmi má nefna að laun með tilliti til menntunnar eru ekki reiknuð með þjóðfélagslega hagkvæmni að grundvelli, heldur eru stéttir og störf metnar til fjár út frá áhugasviðum karla.

Þannig er það betur borgað að vera handlangari hjá málara en háskólamenntaður kennari (kennarar nutu virðingar þjóðarinnar og fengu há laun á meðan karlar voru þar í meirihluta).

Hjúkrunarfræðingur er verr borgað starf en tannlæknir. Hvers vegna?

(og hvers vegna er ekki til stétt tannviðgerðarmanna?)

Hvers vegna eru ummönunarstörf ekki jafn verðmæt og ruslabílaakstur?

Það er alls ekki nóg að setja lög sem tryggja sömu laun fyrir sömu vinnu. Það þarf að tryggja kvenlægum gildum brautargengi með peningalegum verðlaunum.

Ég skora á karlmenn sem trúa því innst inni að konur verðskuldi réttindi og virðingu til jafns við karla að berjast fyrir réttlæti með því að hafna regluverki karllægra gilda og berjast fyrir réttindum dætra sinna, eiginkvenna og mæðra. Konur eiga aldrei eftir að ná fram leiðréttingu á kjörum sínum og öðlast tækifæri til hamingjunnar án hjálpar réttsýnna karla. Og þeir fjölmargir og við elskum þá alla.

Þeir karlar sem trúa því að kerfið sé réttlátt og endurspegli jafnrétti kynjanna eru að mínu mati annaðhvort illa upplýstir eða illa innrættir. Breytinga er þörf og það vita þessir illa innrættu og berjast af heift fyrir því að viðhalda kerfinu. Það er afar skynsamlegt fyrir þá sjálfa, með tilliti til þeirra forréttinda sem þeir njóta.

Svo mörg voru þau Orð.

Þjóðsöngurinn

2010-11-29T00:34:00.002Z

Næstum allir frambjóðendur til stjórnlagaþings vilja aðskilnað ríkis og kirkju.
Ber að virða það.

Allir sem ekki eru í þjóðkirkjunni vilja aðskilnað ríkis og kirkju.
Skiljanlega.

EN ENGINN vill skipta út þjóðsöngnum?
..............eins og það sé ekki í samhengi eða eitthvað...............

Þjóðsöngurinn er sálmur. Söngur til dýrðar Drottni Biblíunnar. Þeir sem trúa mér ekki geta lesið textann.

Lofsöngur

Ó, guð vors lands! Ó, lands vors guð!
Vér lofum þitt heilaga, heilaga nafn!
Úr sólkerfum himnanna hnýta þér krans
þínir herskarar, tímanna safn.
Fyrir þér er einn dagur sem þúsund ár
og þúsund ár dagur, ei meir:
eitt eilífðar smáblóm með titrandi tár,
sem tilbiður guð sinn og deyr.
:; Íslands þúsund ár, ;:
eitt eilífðar smáblóm með titrandi tár,
sem tilbiður guð sinn og deyr.

Ó, guð, ó, guð! Vér föllum fram
og fórnum þér brennandi, brennandi sál,
guð faðir, vor drottinn frá kyni til kyns,
og vér kvökum vort helgasta mál.
Vér kvökum og þökkum í þúsund ár,
því þú ert vort einasta skjól.
Vér kvökum og þökkum með titrandi tár,
því þú tilbjóst vort forlagahjól.
:; Íslands þúsund ár, ;:
voru morgunsins húmköldu, hrynjandi tár,
sem hitna við skínandi sól.

Ó, guð vors lands! Ó, lands vors guð!
Vér lifum sem blaktandi, blaktandi strá.,
Vér deyjum, ef þú ert ei ljós það og líf,
sem að lyftir oss duftinu frá.
Ó, vert þú hvern morgun vort ljúfasta líf,
vor leiðtogi í daganna þraut
og á kvöldin vor himneska hvíld og vor hlíf
og vor hertogi á þjóðlífsins braut.
:; Íslands þúsund ár, ;:
verði gróandi þjóðlíf með þverrandi tár,
sem þroskast á guðsríkis braut.

AMEN

Í tilefni dagsins

2010-11-27T23:53:00.002Z

Þetta kvæði er eftir Davíð Þór Jónsson.

Kosningar

Senn eru kosningar, kátt er í bænum,
hjá kapítalistum sem vinstrigrænum
menn biðja um stuðning sem blíðast.
Alls staðar eru á faraldsfæti
frambjóðendur með ys og læti
vinsælda að afla sem víðast
og þjóðin kinkar kolli hissa
og krossinn ákveður að rissa
við sama fólkið og síðast.

Þetta er til þess að þjóðin velji
þá sem hún vill að sig píni og kvelji
og fari með landið til fjandans,
hækki vexti og skuldir og skatta,
skósveina útlenskra pípuhatta
og aðra óvini landans,
þó að þeir vitaskuld þykist allir
þjóðhollir, réttsýnir, greindir og snjallir
vinir vegfarandans.

Í útvarpi og sjónvarpi er masað mikið
og minnt á allt sem var logið og svikið.
Þótt fjaðrir af flokkunum reytist
og þingmannsefnin sér hrósi og hæli
og hræðsluáróðri frá sér dæli
þjóðin hún hreinlega þreytist.
Á endanum sigri allir fagna,
áróðursraddirnar hljóðna og þagna
og ekkert að eilífu breytist.

Svona er lýðræði lélegt kerfi
og litlu skrárra en að völdin erfi
kóngur af aðalsættum,
því þrátt fyrir þetta lýðræði landa
lenda þau jafnan í slæmum vanda
og hagfræðilegum hættum.
Enn eru hér til yfirstéttir
og aðrir miklu lægra settir
í Bónusfötum bættum.

Almenna kenningin

2010-11-26T03:40:00.003Z

Almenna kenningin.
(sem er græn)

Orð eru til alls fyrst.

1 Í upphafi var Orðið, og Orðið var hjá Guði, og Orðið var Guð.
2 Hann var í upphafi hjá Guði.
3 Allir hlutir urðu fyrir hann, án hans varð ekkert, sem er til.
4 Í honum var líf, og lífið var ljós mannanna.
5 Ljósið skín í myrkrinu, og myrkrið tók ekki á móti því.

Þetta er formúla sem kall sem hét Jói skellti fyrir framan frásögn af gaur sem hann þekkti.

Ef við reynum að fá botn í nr. 1 þá er það helst svo að skilja að Guð sé orð. Öll orð sem hafa verið, eru og verða. Það er nú talsvert, er það ekki. Hvað ætli þau séu komin upp í mörg? Og ef til eru geimverur bætast orð þeirra við líka, og draugar og englar og hvert orð sem við hugsum líka.
Það er alveg á hreinu að öll þessi súpa orða er alveg merkingarlaus nema hvert orð sé skoðað í samhengi. Ef orð eru sett saman í samhengi mynda þau þekkingu. Rökhugun. Og þannig er Orðið það sama og við köllum vísindi.

Svolítið yfirþyrmandi.
Dæmigerður Guð, ekki satt.

En áttum okkur á því að Orðið var líka guð. Þekkingu fylgir vald og sá sem getur beitt þessu valdi ber ábyrgð. Heilög skylda að beita því ekki til ills. Sem þýðir að hverri veru sem getur hugsað í orðum ber skylda að beita ekki því valdi öðrum til tjóns. Skilurðu?

Orðið var hjá Guði. Þekkingin og valdið eru óaðskiljanlegir hlutir. Við treystum á samvisku okkar þegar rök brestur, Jarðnesk tilfinning sker úr um hvort við rísum undir þeirri heilögu skyldu okkar að vera góð.

Þegar við vitum að Orðið Guð merkir í sjálfu sér vald rökhugsunnar, getum við haldið áfram að skoða hugmyndir Jóa.

Ef við setjum alheiminn og eðliskrafta hans í stað orðsins Hann í nr.2 , er auðvelt að túlka setninguna sem svo að ef alheimurinn væri ekki gæddur eðliskröftum, væru orð merkingarlaus og engin vísindi til. Eðliskraftar alheimsins skapa orðin. Og orðin eru þekking. Og þekking er vald. Og valdið skapar heilaga skyldu valdhafans.

Er ég nokkuð að skjóta alveg út í bláinn? Er einhver sem ekki skilur? Þetta krefst smá víðsýni ég skil það, þetta eru svolítið róttækar hugmyndir. En við erum að tala um ný trúarbrögð. Nýjan Guð.

Núna segir nr. 3 sig sjálft. Allir hlutir urðu fyrir náttúrukrafta, án þeirra hefur ekkert orðið, sem er til. Stytting: Allt hefur orðið til vegna náttúrukrafta.

Nú er ég farin að æða áfram. (sjáið til þegar grunnurinn er ljós er svo auðvelt að skilja restina, alveg eins og í stærðfræði)

Nr. 4 liggur líka mjög einfaldlega fyrir, enda vita allir að lífið býr í alheiminum og náttúrukraftarnir viðhalda því.
Ljósið merkir vonina og ástina. Lífið er ástkær von veraldarinnar.
Ljós sólarinnar nærir jörðina eins móðurmjólkin nærir barnið. Vonin er fólgin í að kærleikurinn næri lífið.

Vá, hvað þessi trú á þessa kenningu gæti dregið úr spillingu og ofbeldi. Spáið í því.

Að lokum í nr. 5 er okkur svo að endingu tjáð að ástin og vonin skíni í myrkrinu. Myrkrið er þekkingarleysið og óttinn sem því fylgir. Vonin og ástin nær ekki til þess sem ekki skilur tilgang hennar. Ímyndanir óttans um framtíðina hverfa þegar ástinni og voninni er beitt að vopni. En sá sem skilur það ekki viðheldur myrkri þekkingarleysisins.

Jæja. Svo mörg voru þau Orð.

Það er alveg svakalega gaman að reyna þessa kenningu á orð Jesú Krists. Sjá hvort þessar orðskýringar virðast opna á þá hugmynd að hann hafi verið hér til að reyna eitthvað annað en láta hefta sig á plús.

Ef einhver töggur er ennþá í mönnum Péturs í Róm eru allar líkur til þess að ég verði sjálf heftuð á plús ef þessi nýja kenning mín fær almennt fylgi kristinna manna.

Og segið svo að það sé ekki gaman að lesa Biblíuna. Jói var allavega eldklár. Hann er kannski sá eini sem tókst að koma inntaki upprunalegu guðshugmyndarinnar sem Jesú Kristur predikaði, inn í hina heilögu ritningu, fram hjá eftirlitskerfi jarðneska valdsins, Kaþólsku kirkjunnar.

Hver veit?

Svo er nottlega líka svakalega gaman að setja þetta fram sem kenningu þó ekki væri nema til þess að opna möguleikann á einhverri þróun í kristni með gagnrýnni hugsun. Þá á ég við að fleiri og helst allir komi með kenningar sjálfir.

Og ef ég hef rétt fyrir mér er ég andlegur Einstein og sennilegast gáfaðasta manneskja jarðarinnar. En ég hef engar verulegar áhyggjur af því í bili að þessi skýring höfði jákvætt til margra, til þess er hún alltof róttæk. Við erum ekki tilbúin til þess að rísa undir því að guðdómurinn búi í okkur sjálfum og náttúrunni. Við erum týnd í myrkri óttans og höfnum hugmyndinni um kærleika sem leiðandi og lifandi lögmáli.

Hún geyspaði og hló. Velti því fyrir sér hvort róttækar skoðanir hennar bæru geðveikismerki. Já sjálfsagt. En henni var eiginlega alveg sama. Ekki endurspeglaði samfélag manna á Íslandi neitt andlega heilbrigt í fréttatímanum. Veröldin er klikk ákvað hún og gekk til jólahreingerninga.

es. Ég ákvað að benda fólki á það eftir á , að samkvæmt Almennu kenningunni (sem er græn) var rökhugsunin með frá byrjun. Alls. >=)

ees. Ætli ég geti komist í heimsmetabókina fyrir stystu trúarkenningu allra tíma?

eees. Vissir þú að nafnið mitt merkir Viska/Galdur Eyjunnar-Hin bjarta. Mamma ákvað nafnið mitt þegar hún var sjálf lítil.

eeees. Ég persónulega kýs að trúa ekki á yfirnáttúru

Ranghugmyndir um stjórnarskránna

2010-11-24T06:01:00.005Z

Fyrst skoðaði ég mjög nákvæmlega 10% slembiúrtak frambjóðenda til stjórnlagaþings án tillits til kyns. Það var nóg til þess að ég sannfærðist um að sú hugmynd mín um að kjósa einungis konur væri góð.
Ég nenni ekki að tíunda þá niðurstöðu mína frekar hér en þeir sem hafa áhuga á að vita meira um það geta sent mér tölvupóst.

Fólk var spurt þriggja spurninga.

Í fyrsta lagi hvort þyrfti að breyta stjórnarskránni núna.

Margir telja að tímasetningin skipti ekki máli. Það er kolrangt. Núna er nákvæmlega besti tíminn til þess að breyta henni. Það er söguleg staðreynd að bestu stjórnarskrár heimsins hafa verið samdar til þess að friða öskureiðar þjóðir sem hafa gert byltingu og heimtað réttlæti í kjölfar kúgunnar og óréttlætis. Það eru nákvæmlega þær aðstæður sem ríkja hér á landi. Fólk er einfaldlega ekki tilbúið um að semja um bita af köku sem það bæði bakaði og á.

Svo eru þeir sem segja að hún hafi staðist tímans tönn en þar sem sé búið að sólunda fjármunum í þennan málaflokk hvort sem er, sé eins gott að klára þetta. Alla frambjóðendur sem hafa þessa skoðun ætti að hýða opinberlega öðrum til varnaðar. Þetta fólk hefur smekk fyrir þessari skoðun á sama tíma og bankakerfið fellir niður milljarðaskuldir óhæfra stjórnenda og lánar þeim svo upp á nýtt. Sama óhæfa fólkið lánar sama siðspillta pakkinu peningana okkar. Ef einhver nefnir bruðl varðandi þetta stjórnlagaþing ætti sá hinn sami að skammast sín. Sú skoðun að stjórnarskráin hafi staðist tímans tönn er líka grundvölluð á svo eiginhagsmunalegum grundvelli að hún fellur um sjálfa sig. Stjórnarskráin skilaði okkur nákvæmlega í hrunið 2008. Þráðbeint og markvisst.

Næsta spurning var hverju þyrfti helst að breyta.
Ég veit ekki hvort þetta ÁTTI að vera trikk-spurning eða ekki en hún ER það engu að síður.
Það sem kemur mér mest á óvart er að fólk er fullkomlega blint á þá staðreynd að það þarf ekki að breyta stjórnarskránni heldur semja nýja. Fólk er alveg stjarnfræðilega hrætt við þá hugmynd að faxa þessa helvíts tímaskekkju aftur upp í rassgatið á Margréti Þórhildi.
Flestir frambjóðendur vilja að farið sé lið fyrir lið yfir stjórnarskrána og henni breytt. Mikilvægast af öllu sé að halda í það góða sem í henni er. Enginn nefndi dæmi og þetta góða. Hvers vegna ætli það sé? Einn frambjóðandi hélt því meira að segja fram að grunnur stjórnarskrárinnar væri einhverskonar siðfræðileg niðurstaða vestrænnar baráttu fyrir réttlæti. Guð Almáttugur hjálpi mér ef það fífl nær þarna inn.

Síðasta spurningin var hversvegna frambjóðendur buðu sig fram. Merkilegt nokk, mjög fáir klúðruðu því svari. Næstum allir vilja taka þátt í því að skapa réttlátt samfélag.

Þetta var gert nákvæmlega svona:
1874 var okkur afhent þessi stjórnarskrá af danska konunginum. ÁTJÁNHUNDRUÐSJÖTÍUOGFJÖGUR.
1944 var hún svo samþykkt sem stjórnarskrá landsins af 95% þjóðarinnar sem treysti nýtilkomnum forráðamönnum landsins til að standa við það að henda henni og gera nýja að ári.
Það er fyrsta kosningaloforð flokkræðisins sem ákveðið var að svíkja. Og það ekki að ástæðulausu. Þetta mölétna konungsræðisplagg hentaði nefnilega MJÖG svo vel til að vildhalda völdum, kóngurinn fær vald sitt frá Guði og valdið þessvegna hafið yfir gagnrýni. Þó svo að orðinu konungur hafi verið skúbbað út er inntakið óbreytt. Og það var vandamálið.
Í meira en sextíu ár hafa flokkarnir mygið utan í þá hugmynd að gera eitthvað í þessu, sérstaklega þegar hefur kurrað reiðilega í þjóðinni, en kjaftað málið af fagmennsku inní frumskóg nefnda og álitsgjafa sem skila svo engri niðurstöðu, aldrei.
2009 í kjölfar Hrunsins heyrðist ekki kurr lengur í þjóðinni. Í fyrsta sinn frá stofnun lýðveldisins lét þjóðin í sér heyra. Ég held að þjóðfundurinn hafi verið tilraun stjórnvalda til að svæfa málið eina ferðina enn. Það tókst bara ekki. Fólkið mætti fullt eldmóðs og þjóðin fylgdist spennt með. Niðurstöður voru ekki bara skýrar, heldur róttækar.
Æææ. Og stjórnlagaþingið er næsta tilraun til að stoppa okkur. Andskotinn að við komumst að samkomulagi þar, það getur ekki verið. Ég held að sumir frambjóðendur bjóði sig fram til þess eins að reyna að viðhalda þinghefðum okkar sem grundvallast í baráttu en ekki samvinnu. Séu það sem í dag er kallað terroristi. Þeir fara inn til þess að verjast breytingum. En það má ekki virka hjá þeim.

Að lokum ætlar svo alþingi að skoða málið.

Ég legg til að alþingi fái fyrirfram ákveðinn frest til að afgreiða málið. Ég tel að tveir mánuðir séu algert hámark. Við skulum átta okkur á þvi að þeir hafa haft yfir 60 ár til umhugsunnar.
Ef alþingismenn hafa uppi einhver önnur áform en að vísa frumvarpinu beint til þjóðarinnar í atkvæðagreiðslu vil ég fá að vita af því NÚNA svo ég geti terroræsað þá einstaklinga sem landráðamenn allan tímann sem stjórnlagaþingið starfar. Best að senda þeim póst. Öllum.

Svar óskast

2010-11-23T17:52:00.003Z

Ég fékk tölvupóst frá frambjóðanda til Stjórnlagaþings. Viðkomandi sendi mér póstinn úr vinnunni þar sem hann vinnur hjá Vinnumálastofnun og hann fékk netfangið mitt í vinnunni. Og hann notfærði það sér til framdráttar. Ég reikna með að hann hafi sent þennan áróðurspóst á öll netföngin sem hann komst yfir í vinnunni.

Með öðrum orðum:
Hann misnotaði tengsl Vinnumálastofnunar sér til framdráttar.
Hann misnotaði aðstöðu sína.

Af geðvonsku ákvað ég að svara póstinum.
Svona hljómaði það:

Sæll Gissur og takk fyrir sýndan áhuga á atkvæði mínu.

Það er skoðun mín sem Íslendings að allir sem bjóða sig fram til Stjórnlagaþings með stefnuskrá eins og þína (sem segir mér ekkert um afsöðu þína til nokkurs og sem virðist endurspegla stefnuskrá fjórflokksins um að segja ekkert sem gæti fælt kjósendur frá í stað þess að segja þeim hreint út hver þú ert og hvað þú raunverulega vilt) séu að sækja um notalegt starf sem lagi stöðuna í kreppunni.

Þú gerir þau taktísku mistök að segja mér hvar þú hefur unnið og hvað þú hefur lært í stað þess að segja mér hver afstaða þín er til samkynhneigðar, kynjakvóta, þjóðnýtingu kvótans, EB og þar fram eftir götunum. Það eru skoðanir þínar sem endurspegla hver þú ert ekki stofnanir og skólar með ártölum. Ég veit ekki einusinni hvað þú ert gamall hvað þá annað.

Svo virðist sem copy-paste framboðsræða þín sem sennilega hefur átt að laða fólk að með notkun á orðum eins og málefnalegri umræðu, aðskilnað valds og þjóðaratkvæðagreiðslum sé sódastrímtæki pólitíkurinnar. Söluvara sem lofar engu, segir ekkert og gefur engin fyrirheit um persónulegan heiðarleika þinn og staðfestu.

En ég ætla að gefa þér annað tækifæri. Stórt.

Sendu mér e-mail sem segir mér eitthvað um þig. Segðu mér sögu af því hvernig þú hefur hjálpað fólki sem þú þekkir ekki neitt. Segðu mér í hvaða fyrirtækjum þú átt. Segðu mér í hvaða stjórnmálaflokki þú ert. Segðu mér í hvaða trúfélagi þú ert. Reyndu að setja saman texta sem endurspeglar að samviska þín virki. Hvað hefur þú afrekað annað en nám og starf? Er það það eina sem þú ert stoltur af í þínu lífi? Hver ertu?

Að lokum verður þú svo að færa rök fyrir því hvers vegna þú ert hæfari í þetta starf en móðir þín (heitin?) og rökstyðja með skýrum hætti hvað gerir þig verðan þess að ákveða hvað er réttlátt í framtíð barnanna minna. Afstaða þín til Schengen, Nato, EB, Evrusvæðisins og þar fram eftir götunum segði líka heilmikið um persónugerð þína. Er í lagi að framselja löggjafarvald að hluta í hendur annars ríkis eða stofnunar? Er það landráð? Hvað ætti að skilgreina sem landráð að þínu mati?

Ef þú svarar mér ekki sendi ég öllum sem ég þekki skilaboð um að kjósa þig alls ekki og reyni að koma í veg fyrir kosningu þína.

Ef þú svarar á þann hátt að mér sýnist þú hafa eitthvað til að bera að geta valdið þessu starfi mun ég hins vegar persónulega ganga í það að greiða götu þína og aulýsa þig sem eina raunhæfa valkostinn í stöðunni.

Kær kveðja
Heiða Skúladóttir

Þar sem kappinn lagði ekki kapp á að svara mér ákvað ég að pósta þessu hér.

Aðskilnaður ríkis og kirkju breytir engu.

2010-11-21T20:40:00.003Z

Af hverju er fólki svona ofboðslega tilfinningalega umhugað um að hér skuli ekki vera þjóðkirkja?

Þjóðkirkjur eru út um allt og eru minnismerki frá þeim tíma þegar kóngurinn þáði vald sitt frá Guði. Eins og málin hafa þróast er aðeins eitt vald í boði. Ríkisvaldið (og Auðvaldið sem stjórnar því). Andlega valdinu var sturtað niður með upplýsingunni. Annars brenn ég í Helvíti.

Ég er í sjálfu sér alveg sammála því að aðskilnaður ríkis og kirkju verður að ganga í gegn fyrr eða síðar, en eins og ástandið er í þjóðfélaginu er mér algerlega fyrirmunað að skilja hvers vegna sú rándýra lögfræðiálitsveisla þarf að fara fram akkúrat núna.

Það er eins og fólk haldi að Þjóðkirkjan hafi einhver frímúrarísk klíkuvöld sem nái til æðstu embættismanna þjóðarinnar og við lifum við trúarlegt ofstæki.
Ef menn kalla fermingarfræðsluboðsmiðana og kannski einhverjar heimsóknir lúðalegra trúboða í skóla ofstæki eru menn á rangri leið. Ég þekki persónulega ENGANN sem hefur frelsast í kjölfar fræðslu Þjóðkirkjunnar. ENGANN. Og ef einhver sem þekkir einhvern sem sem hefur HEYRT um að barn hafi snúist í trú sinni eða trúleysi á band með Þjóðkirkjunni vegna trúboðs í skólum langar mig AFAR mikið að heyra af því. Hinsvegar þekki ég MARGA sem hafa hætt í Þjóðkirkjunni vegna þessa. Ég er sammála því að Þjóðkirkjan eigi að hypja sig úr skólum landsins. Hér ríkir trúfrelsi. En hættum að gera úlfalda úr mýflugu.

Það má leiða líkur að því miðað við málflutning aðskilnaðarsinna að Nýtt Ísland líti dagsins ljós við þennan stórkostlega aðskilnað. Ég reyni með eins miklu ímyndunarafli og mér er unnt (sem er umtalsvert) að sjá þetta fyrir mér. En mér er það bara algerlega fyrirmunað. VEGNA ÞESS AÐ ÞESSI AÐSKILNAÐUR BREYTIR ENGU

Hvaða rannsóknir benda til áhrifa sitjandi kirkjuþings og biskups, á hverjum tíma, á störf Alþingis? Hæstarétts? Stefnu Háskólans? Héraðsdóms? Störf einstakra stjórnmálamanna?
Hvaða gengdarlausu fjárútlát má sanna að ríkisstofnanir hafi veitt kirkjunnar mönnum síðustu 10 ár? Eða brautargengi? Eða lendur eða sálir eða yfirhöfuð HVAÐ?

Aðskilnaður ríkis og kirkju fer fram með þeim hætti að Ríkið og Þjóðkirkjan setjast niður og semja um þann auð sem Danakonungur stal af heiðnum forfeðrum okkar (það sem ekki var flutt sjóleiðis til Kaupmannahafnar). Það er allt og sumt. Ekkert annað breytist.

Eða bíddu við........

Kannski verður aðskilnaðurinn til þess að Þjóðkirkjan SETUR MIKLA PENINGA Í AÐ LOKKA FÓLK TIL LIÐS VIÐ SIG eins og gerist í þeim löndum sem þar sem aðskilnaður ríkis og kirkju er veruleiki. Ef fólk á erfitt með að sjá fyrir sér hvernig það virkar er auðveldast að skoða Bandaríkin. Þar nota kristnar kirkjur fjölmiðla, þar áttu skjól hjá kirkju sem þráir þig mjög heitt og elskar þig jafnvel meira. Annað en hér (og víðast í Evrópu þar sem ríkiskirkjan er staðreynd) þar sem ÖLLUM er skítsama um þennan málaflokk nema á jólunum.

En hvað sem öllu líður og hvað sem verður þá nenni ég ekki að ræða þetta framar sem eitthvað aðkallandi issjú í þjóðfélaginu. Þetta er dramakast og ekkert annað. Uppblásin tilfinningabólga fólks sem er svo blint í trú sinni á trúleysi að það neitar að vera annað en mannréttindafótumtroðin fórnarlömb kerfis sem er illt.

Get the fokking over yourself.

When I find myself in times of trouble

2010-11-21T02:24:00.007Z

Á kynjafræðilegan hátt hefur verið staðið ranglega að stjórnlaga-þings-framboðinu.

Ekkert við þetta fyrirkomulag hefur hvatt eina stórkostlegustu konu landsins til að taka þátt. Samt er hún eina manneskjan sem ég myndi persónulega (eins og sennilega langflestir íslendingar) alltaf treysta fyrir leyndarmálum og vangaveltum um allt frá ástinni til Guðs, ég myndi treysta henni til þess að gæta barnanna minna þó ég færi í stríð og ég myndi líka biðja hana um að gæta að eigum mínum umfram alla aðra.
Ég held að flestir treysti henni skilyrðislaust án þess að velta því nokkuð sérstaklega fyrir sér. Hún hefur jú alltaf verið þarna. Og aldrei brugðist okkur.
Hljóð og góð. Vitur og fróð.
Ég sakna hennar alltaf og sérstaklega sakna ég hennar þegar taka á afdrifaríkar ákvarðanir á þingi en hún er bara þannig gerð sjáðu. Hún er hógværðin uppmáluð og tæki ekki í mál að vera að trana sér fram með þessum hætti. En hún myndi baka stóran bunka af pönnukönum og steikja kleinur fyrir þann sem hún elskar þó hún fái aðeins örfáar krónur á mánuði núorðið. Þrátt fyrir bogið bak og endalausa fórnfýsi fyrir okkur hin.
Hún er konan sem ég hefði kosið að tæki völd.
Hún Amma.

Af virðingu við hana ætla ég bara að kjósa konur.

Ég hvet þær konur sem settu X við frú Vigdísi og breyttu heiminum að hafa trú á konunum sem buðu sig fram til stjórnlagaþings og halda áfram að breyta heiminum til batnaðar.
Nú er komið að því að við látum hjartað ráða og treystum hvor á aðra.
Konur til sigurs........

Glópagull

2010-11-12T18:37:00.003Z

Líður að jólum. Bara orðið sjálft er farið að svífa yfir vötnum. Á ljósvakamiðlum er okkur boðið að koma á tónleika og sýningar, messur og markaði. Fólk kaupir brosandi, varning til styrktar hinum ýmsu hópum, með hjartað fullt af nágungakæreika og allt er dásamlegt.

Fólk missir sig í happdrættiskaup, til styrktar íþróttum, fötluðum, glötuðum og fátækum. Sem betur fer. Mörg góðgerðarmaskínan treystir á þennan stuðning til að greiða götu skjólstæðinga sinna út árið. Björgunarsveitir treysta alfarið á gjafmildi okkar. Og Guð sá að það var gott.

En það er önnur hlið á þessum gullpeningi. Hann er ekki svona fallegur og yndislegur....

Í landinu okkar er eftirfarandi hópum ekki séð fyrir því nauðsynlegasta:
Veikum
Fátækum
Öldruðum
Öryrkjum

Þetta fólk þyggur ölmusu. Sem skaðar mannlega virðingu hvers og eins.

Mig langar að biðja þig að borga happdrættismiðana sem streyma heim til þín. En ekki láta staðar numið þar heldur heimta að skattarnir sem við öll greiðum sé skipt þannig að enginn sé útundan.
Svo er líka hægt að vera góður án þess að kaupa neitt.
Ég mæli með því, það lyftir andanum og sáinni upp á við.
Amen

Ich bin auf Gnarrenburg gekommen

2010-11-09T18:16:00.003Z

Það hlýtur að teljast til tíðinda að maður sem þekktastur er fyrir kjánaskap skuli blása í lúðra og gefa kost á sér í pólitík. Það þarf hugrekki til. Sérstaklega ef maður á fortíð. Hefur jafnvel látið út út sér allskonar vitleysu sem andstæðingar túlka að eigin geðþótta sem neikvæð persónueinkenni fremur en að Gnarrinn sé viljandi að hræra í hausnum á þeim.

Pólitík snýst um ákveðinn kjarna.
Að viðhalda völdum sínum eða auka við þau!

Allir flokkar, líka Bestiflokkurinn, eru klíkur. Innan Bestaflokksins er samt fólk sem hvorki vill né getur logið jafn áreynslulaust og sérþjálfaðir flokksgæðingar. Það reynir ekki að koma sér undan ábyrgð með því að kjósa gegn samvisku sinni í skjóli flokksins. Það má alveg láta reyna á hvort mannleg samviska skili okkur betra samfélagi en ísköld og svört krumla hinnar heilögu ritningu; Stefnuskránni. Þvaðri sem enginn tekur mark á og enginn tekur alvarlegt.

Þetta kerfi er orðið algjörlega úrelt og útbrunnið. Það verður aldrei sátt um áframhald á þessu kerfi. Það eru ekki bara einstaklingarnir sem við verðum að losna við, það eru helvítis flokkarnir líka. Öll þjóðin ætti að vera í einum flokki sem kallast Íslendingar og allir í framboði. Allir þingmenn skili vinnuskírslum í lok vikunnar og birti á netinu. Þar ætti að sjálfsögðu að koma fram afstaða sem varða öll lög sem koma til kasta þingsins. Auk þess allar tengingar viðkomanda í samfélaginu, fjölskyldu og fyrirtækja. Allir yrðu að gera sér prófæl á netinu þar sem kemur fram persónuleg afstaða gagnvart samkynhneigð, feminisma, lögleiðingu eiturlyfja, eignarrétti og svo framvegis.
Menn ættu að þurfa að raða eftirfarandi lista með tilliti til mikilvægis.
Menntakerfið - Heilbrigðiskerfið - Tryggingakerfið - og svo framvegis.
Menn ættu að gefa upp skýra afstöðu í klíkumálum landsins með því að velja hvaða klíkum við ættum að vera í og þannilg líka úr hverjum við ættum kannski að segja okkur.
Schengen, EB, Nató og svo framvegis.
Hugmyndir einstaklingsins varðandi íslenska náttúru.

Jæja.
Þetta er allavega hugmynd.

Mér þykir hún góð. 100 % gagnsæi og lýðræði. Það er það sem þarf.

Afsakaðu ég var ekki að hlusta

2010-11-06T02:55:00.003Z

Það er synd og skömm að yfirvöld skuli ekki ná því, hvorki gegnum mótmæli, fréttaflutning af skelfingu né stjörnuvitlaust fólk á netinu, að fólk treystir ekki kerfinu lengur. Þetta hyski er svo tilsniðið í framheilanum að vitund þeirra getur ekki lengur treyst taugakerfinu og tilfinningunum.
Heili þeirra hafnar hugmyndinni um stjórnarfarsbyltingu.

Það er lögmál sem tryggir eitt lögmál. Það er alltaf þannig. Og þess vegna verður engu hafnað nema það sé tætt í sundur í frumeindir og gert að engu. Það er mikil vinna en einhversstaðar verður maður að byrja og innblástur veitti fréttaflutningur af fullum fangelsum á sama degi og Albaníu og einhverjum öðrum var boðið að vera með í mesta bull kerfi sem nokkurn tíma hefur verið búið til. Schengen.
Sjengen

Ef þú ætlar að bóka hótelherbergi á Spáni, leigja íbúð í Tékklandi eða skrá þig í skóla í London verður þú að hafa........????????????

Já. Já og Já. Vegabréf.

Ef þú býrð í fátæku austantjaldsríki, ert með slæmar tennur, atvinnulaus og hatar tengdamóðir þína þá............????????????

Ég veit. Þú setur þig í samband við Tjkztanísku mafíuna í Reykjavík og þeir stilla upp fyrir þig samningi. Þú kemur með helling af dópi inn í landið og ef það tekst færðu fullt af peningum og um þig séð, ef það klúðrast ferðu í sumarbúðir í upphituðum húsum, læknisþjónustu, sálfræðiþjónustu, lífstílsráðgjöf, tannlækni, dóp, vinnu, klippingu og frí aðra hvora helgi til að fremja glæpi og safna fari fyrir konuna og tengdapabba.

Hver var vitsmunalega fjarverandi þegar við skrifuðum undir þennan fjanda? Allir? Hætta í þessu strax og ekki seinna en strax. Með Sjengen skrifuðum við undir samning undir frjálst flæði á þrælahaldi, fíkniefnum, vopnum og meðlimum skipulagðra glæpastofnana.

Já ! Vegna Sjengen eru börn send í gámum í kynlífsþrælkun. Þetta er ekkert fokking fyndið. Þetta er árás á mannlega virðingu. Þetta er viðbjóður sem líðst vegna þess að í einhverju fyrirfram gefnu dramakasti gæti verið gott að vera í þessu sambandi. Týndur farangur kannski eða eitthvað álíka. Veistu fólk er ekki allsstaðar skotið í hnakkann utan sjengan ef það finnst vegabréfslaust. Þekki til dæmis engan sem hefur lent í því í London.

Ég kann ekkert ein að koma okkur þarna út. Hvað á ég að gera? Læðast inn í alþingi og finna lögin og setja þau í tætarann? Ég er hrædd um að þetta sé aðeins flóknara. Það verður nefninlega að vera svo fokking flókið að allir gefist fyrirfram upp á því að reyna að breyta.

Mótmælum allavega. Það má. Ennþá. Hinum megin við götuna.

Við getum líka tekið heilagt stríð á þetta í nafni Óðins og Ása Þórs og höggvið mann og annann.
Eða bara nefnt þetta issjú við aðra og tékkað á því hvort fólk veit eitthvað í sinn haus almennt.
Ég persónulega ætla að láta stjónmálavitringinn og mannvininn George W Bush blása mér andann í brjóst, því með heilögu stríði sínu gegn terroristum opnaði hann á fyrirbrigði sem ég kýs að kalla "stríð gegn hugmyndum".

Its fokking on - War on Schengen

Sólin kemur upp í Austri

2010-11-05T02:04:00.003Z

Ég er búin að vera gersamlega á bólakafi í þekkingarpotti alheimsins með viðkomu á googleearth.
Og loksins hef ég fundið eitthvað af viti.

En það er nú önnur saga. Bráðum ætla ég að varpa fram kenningu. Hún verður síðar kölluð almenna kenningin og verður eina lögmálið sem allir í heiminum skilja. Þetta var spádómur.

Ég er svona að æfa mig í að skrifa texta sem hljóma minna geðveikislegir en kóraninn og biblían en eru samt að fást við svipaðar pælingar. Og það, satt best að segja, er miklu flóknara en það hljómar.

Allt frá því að ég lét það eftir mér að leita að svörum, hefur einhvernveginn einhver ósýnilegur kraftur fyllt mig og mér líður eins og ég sé á næringardufti frá heven.com. Mér líður eins og einhver hafi krækt öngli í belginn á mér og togi mig inn í framtíðina. Eða áfram, fyrir þá sem skilja það betur. Og ég finn fyrir þörf að klára. Klára og klára svo ég geti gert meira og nýtt og notið þess á meðan það gerist.

Lífið er dásamlegt í allri mannvonskunni og óréttlætinu og viðbjóðnum sem okkur er samviskusamlega vellt uppúr á klukkutíma fresti út æfina svo við séum nógu hrædd, nógu ljót, nógu skítug og nógu andlega brotin að hægt sé að gera úr okkur sálarlaus vélmenni sem fá verðlaun í formi dópamíns.

Já. Ég er að reyna að færa í orð þá sýn sem ég hef kosið gera að minni framtíðar. Ég er eins og fiðrildasafnari í roki sem hefur ekkert sér til handagagns nema fata-ryk-rúllu. Aðrir gætu orðið sárir. Aðrir sem eru góðir og gegnir og ég ber djúpstæða virðingu fyrir. Ég þarf vonandi ekki að taka tillit til þess að fólk vaknar dautt ef það kaupir diskinn saungvar satans. Það reyndar er bara fyndið að hugsa til þess að ég skuli gera það að möguleika að einhver hafi minnsta áhuga á mínum pælingum. Hver veit, kannski finnast plögginn í framtíðinni og gefa þá til kynna að ég hafi verið eðla.

Eina leiðin til að lýsa þessu erfiða sköpunarferli er að líkja þessu við að sauma sængina utan um fiðrið í stað þess að troða því í eftir á.
Ég verð að sauma varlega og örugglega fyrir svo innihaldið fjúki ekki bara út í bláinn og hverfi.

Þetta ferli er áhugamálið mitt. Fyrsta og eina alvöru áhugamálið sem ég get fullyrt að hafi sinnt og stundað, af misjafnlega miklu kappi, allt mitt líf. Núna er það einfaldlega orðið ráðandi afl í lífi mínu og ég ætla að helga því líf mitt allt. Og nei, ég frelsaðist ekki og ég gekk ekki af göflunum heldur. (fyrir þá sem hafa áhyggjur af heilsu minni þá sef ég eins og engill og borða hollara en ég er vön og hreyfi mig daglega, þó í hófi eins og mér er tamt)

Ég þarf að setjast niður í fyrsta skipti, og flokka og raða þeim hlutum sem skipta máli og eiga kærleika minn allan og traust. Allt sem ég hef flokkað og raðað af ónauðsynlegum þvættingi og óttalistar gerðir yfir komandi deadline hafa undirbúið þessa vinnu. Ég er sérfræðingur í flokkun. Það er einmitt líka það eina sem ég þarf að vera góð í fyrir utan það að geta aldrei haldið mér saman, og það er meðfætt.

Það vitnast hér með, á veraldarvefnum, að ég hef formlega plöggað mig út úr meitrixinu og sný ekki aftur.

Þeir sem hafa verulegar áhyggjur af andlegri heilsu minni er vinsamlega bent á að kynna sér þær andlegu ritningar sem grudvalla trúarhópa jarðarinnar.

Ef þú kaupir aðgang að költinu án þess að vita fyrir hvað það stendur ertu heimskur.

Skömm

2010-10-11T00:31:00.002Z

Mig langar svo til Kína.

Mig langar að vera innan um endalaust fólk sem veit ekki hver ég er og er skítsama. Þar sem stjórnvöld leggja meira uppúr velferð þegnanna en hér. Hversu átakanlega sorglegt sem það er.
Þar sem enginn stjórnmálaflokkur er til þannig. Allir eru skráðir í sama flokkinn við fæðingu.
Þar sem yfirvöld yfir einum og hálfum milljarði manna ná að standa saman. Stjórnvöld þar hafa gerst sek um æði margt ljótt, en ekkert sérstaklega umfram önnur ríki veraldar og ekki hafa þeir gefið auðlindir sínar og hneppt þegna sína í þrældóm.
Það sem Kínverjar hafa þó fyrst og fremst á samviskunni er að brjóta öll siðsemislög vesturlandabúa með því að afla fyrst og eyða svo. Þeir eiga svo mikinn gjaldeyrisforða að hann dygði til þess að kaupa eyjuna okkar og breyta henni í þrælabúðir. Svo eiga þeir bráðum allt á vesturströnd Afríku og nú þegar stóran hluta af fasteignum í bna. Og þeir eru rétt að byrja.

Fyrir ótrúlega stuttu síðan hélt sumt fólk að í Kína færi ekkert annað fram en pyntingar á fólki, tilviljanakenndar aftökur og grimmd. Í hugum fólks er því fræi sáð að Kínverjar hljóti að hafa gert eitthvað mjög, mjög slæmt fyrst þeir eiga allt í einu alla þessa peninga. Well, they played our game. Menntuðu hrísgrjónabændur og fundu mannauð í einstaklingum. Evil.

Mig langar til Kína.

Afsakið

2010-10-10T15:37:00.003Z

Ég biðst afsökunar á síðustu færslu.
Henni hefur verið eytt.

Mótmæli

2010-10-06T01:52:00.002Z

Það eru margir þarna úti sem eru að velta því fyrir sér hvers vegna fólk er að mótmæla. Hvers vegna átta þúsund reiðir Íslendingar tóku sér stöðu umhverfis Alþingi og grýttu í bæði fólk og fasteignir.

Ég fór og mótmælti. Fyrir margar ástæður sem ég skal tíunda frekar hér að neðan fyrir þá sem hafa áhuga. En fyrst og fremst mótmælti ég fullkomnu getuleysi fjórflokksins til að stjórna þessu landi náttúruauðæfa og mannauðs.

Ég held að einhverra hluta vegna sé fólk almennt frekar blint á samfélagið. Við höfum verið kúguð svo lengi að við höldum að allt sé í sómanum ef við höfum það skárra en skítt. Það er alls ekki þannig. Við ættum og getum auðveldlega haft það alltaf gott. Og miklu betra en við þekkjum það.

Fyrir því eru margar góðar ástæður og sú fyrsta einfaldlega sú að við erum rík. Mjög rík. Vatnið, plássið, orkan, sjórinn, fjöllin, menntunin og fólkið er það fyrsta sem mér dettur í hug.
En það er fleira.
Hógværð er einn þeirra mannkosta sem Íslendingar telja afar mikils virði. Og að tengja peninga við áveðna hluti hálfgert klám. Það er ekki langt síðan að peningar og náttúra voru ótengjanleg fyrirbrigði. Það hefur breyst.
Hvers virði í peningum er aðgengi að loftrýmis-gæslu-svæðis Íslendinga?
Af hverju fer íslenska ríkið ekki í skaðabótamál við Breta vegna umhverfisslysins hjá BP?
Af hverju fer íslenska ríkið ekki í skaðabótamál við Moodys fyrirtækið sem lagði blessun sína yfir íslenska loftbankakerfið?
Hvers vegna er innlend orka skattlögð eins og erlend?
Hvers vegna eru rafmagnsbílar ekki tollfrjálsir og við þannig sjálfbær um orku?
Hvað fengum við fyrir náttúruauðlindirnar sem komnar eru í hendur fárra? Þetta?
Við fengum ekkert fyrir það sem var tekið frá okkur.
Því var stolið. (það er kallað það þegar við tökum frá öðrum það sem við ekki eigum)

Og það er ekkert því til fyrirstöðu að taka til baka.
Sorrí. Við fengum ekkert borgað.
Joínk.
Þjóðnýting.
Segðu orðið nokkrum sinnum í bland við orðið réttlæti.
Ókei.

Það er einhver á þingi sem hefur hagsmuna að gæta.

Það hefur sýnt sig að enginn flokkur ræður við það einfalda verkefni að vinna að hagsmunum þjóðarinnar. Flokkakerfið er ónýtt. Klíka er og verður klíka. Og hagsmunir klíunnar verða ofar hagsmunum þjóðarinnar. Það er bara þannig.

Hver vegna í andskotanum má ekki skattleggja bankana?
Getur einhver svarað því?

Ég trúi því að Jón Gnarr sé tilbúinn að standa fyrir okkur vaktina fram að fyrstu lýðveldislegu kosningunum í þessu landi.

Persókukjöri.

Föstudagshugvekja

2010-09-24T14:55:00.001Z

Ísland er landið e. Hallgrím Helgason

Ísland er stjórnlaust, því enginn því stjórnar.
Ísland er fleki af dýrustu gerð.
Ísland er landið sem Flokkurinn fórnar,
Ísland á reki í sjónum þú sérð.
Ísland í forsetans orðanna skrúði,
Ísland sem bankana auðmönnum gaf.
Ísland sem sonanna afrekum trúði,
Ísland er land sem á verðinum svaf.

Íslensk er þjóðin sem allt fyrir greiðir.
Íslensk er krónan sem fellur hvern dag.
Íslensk er höndin sem afvegaleiðir.
Íslensk er trúin: "Það kemst allt í lag".
Íslensk er bjartsýna alheimskuvissan
um íslenskan sigur í sérhverri þraut.
Íslensk er góðæris átveisluhryssan
sem íslenskan lepur nú kreppunnar graut.

Ísland er landið sem öllu vill gleyma sem
Ísland á annarra hlut hefur gert.
Íslenska þjóð, þér var ætlað að geyma
hið íslenska nafn sem þú hefur nú svert.
Íslandi stýra nú altómir sjóðir,
Ísland nú gengur við betlandi staf.
að Íslandi sækja nú alls konar þjóðir,
Ísland er sokkið í skuldanna haf.

Þversögnin um flokkun og röðun

2010-09-16T00:35:00.004Z

Þegar allt er flokkað og raðað, líður mér vel.
Þá er allt fullkomið.

En það er næstum aldrei þannig mjög lengi.
Þá er allt ófullkomið.

Og það er leiðinlegt.

Þessvegna ætla ég í framtíðinni að nota orðin
FLÆÐI og FERLAR yfir alla skapaða hluti.

Skilgreina allt í verkefnum sem hafa hvorki upphaf né endi, heldur þarfnast betrunar.

Þá get ég sennilega mun betur slappað aðeins af.

Er það ekki.

Penis frá Kana

2010-09-10T19:12:00.003Z

R I P

Hann persónulega þekki ég ekki. Og langar ekki að kynnast.

En svona fólk vil ég kynna mér. Hvernig getur læknir verið svona fáfróður? Af hverju tekur hann sér dómsvald yfir fólki? Segist hann ekki vera kristinn?

Hvernig stendur á því að þeir sem kalla sig kristna, geta sumhverjir alls ekki farið eftir því sem Guðssonurinn boðaði? Ef þú ert að uppfylla lögmál Móse eða Abrahams í stað Jesú Krists af hverju kennirðu þig þá við Krist?

Þetta er Krist-ni.
Hann er Frelsarinn.
Allt annað en það sem má vitna í hann beint, eru orð manna sem ekki eru Frelsarinn.
Er einhver sem er ekki að skilja mig?

Síminn hjá mér er 618-2727

Ef þú ert ekki að ná þessu hringdu þá í mig og ég sel þér áskrift að tímariti.

Minningar af hamingjunni

2010-09-07T01:42:00.003Z

Ég sat við eldhúsborðið með símann í hendinni. Ég talaði óskaplega mikið í síma í þá daga. Og drakk Kók Light. Og reykti langa gull-litaða Winstoninn. Og gekk í gallabuxum og hettupeysum. Og seldi brennivín í Valaskjálf. Átti klossa og strigaskó.

Ein stígvél samt.

Og sólin skein í heiði og ég heyrði suðið í flugunum, þytinn í trjánum, sull og skvamp, gelt og hávær gleðihróp barnanna. Ég stóð upp og gægðist út um útidyrnar.

Þarna stóðu þau ísköld, brún á kroppinn með bláar varir og blá augu. Og ljóst hár sem límdíst rennblautt við kollinn á þeim. Þau voru að basla við að láta renna úr slöngunni í litla uppblásna sundlaug og sulluðu svo á hvort annað til að hlýja sér.

Brosin
Augun
Leiftrandi hláturinn
Skríkir

.....og hlaupið af stað um alla lóð með hundspottið angnarlítið og svart hoppandi og skoppandi með þeim, gjammandi öll í kór.....

Og þá var ég hamingjusöm

Það verður alltaf sólarupprás

2010-08-16T12:04:00.003Z

Æskuárin hafa áhrif á heilsuna

Ég rakst á þetta greinarkorn á mbl.is
Og ég gerði það líka skáletrað og feitt.
Ég krotaði inn í það hinar og þessar vangaveltur, með rauðu.

Mótlæti og streita á æskuárum leiðir til langtíma veikinda og styttir líf fólks, segir hópur sálfræðinga sem hefur rannsakað langtímaáhrif streitu í æsku.

Þetta eru nú alveg sláandi niðurstöður. Hvern hefði grunað að börn þyldu illa skort og ofbeldi? Að vera stöðugt á verði. Hræddur heima og hræddur í skólanum.

Samkvæmt niðurstöðum margra rannsókna bendir flest til að streita í barnæsku, vegna fátæktar eða misnotkunar, geti leitt til hjartasjúkdóma og bólguvandamála, og flýti fyrir öldrun frumna.

Sem merkir að fátæk börn halda að sjálfu sér áfram að vera baslandi, hrætt og fátækt fólk. Fæddist inn í stétt sem engin leið er út úr án hjálpar. Baggi alla tíð.

Á fréttavef BBC er vitnað í breskan sérfræðing sem segir æ fleiri vísbendingar bentu til að streita á æskuárum hafi líkamleg langtímaáhrif.

OMG. Getur þetta staðist?

Í einni rannsókninni skoðaði hópur rannsakenda hjá Pittsburgh háskólanum tengsl milli fátæktar í æsku og fyrstu merkja um hjartavandamál hjá 200 heilbrigðum unglingum.Þeir komust að því að þeir unglingar sem komu frá verst settu fjölskyldunum voru með stífari kransæðar og hærri blóðþrýsting en hinir í hópnum.

Vissuð þið að það eru bein tengsl á milli fátæktar og lífsgæða? Hahahahaha!

Þá leiddi rannsóknin í ljós að börn frá fátækari heimilum voru líklegri til að finnast nokkur tilvik stríðni meðal félaganna vera ógnandi aðstæður.Þau voru líka með hærri blóðþrýsting og hraðari hjartslátt og voru fljótari til að reiðast og sýna fjandsamlega varnartilburði en önnur börn.Að sögn Karenar Matthews, prófessors í sálfræði sem leiddi rannsóknina, eru niðurstöðurnar í samræmi við aðrar rannsóknir sem gerðar hafa verið um sama viðfangsefni.

Er það bara ég sem get séð fyrir mér hrætt ungviði. Lömb, hvolpa, kettlinga, kiðlinga, gríslinga, kálfa, folöld, andarunga og börn. Það þarf lítið til þess að styggja hrætt ungviði. En ef maður er góður við það, verður til traust.

Óöruggar aðstæður og streitukennt umhverfi leiði til þess að börn verði ofur varkár gagnvart því sem þau túlka sem ógn.„Þannig verða samskipti þeirra við annað fólk uppspretta mikillar streitu, sem eykur blóðþrýsting, eykur álag á vefi líkamans og notar upp forðabúr líkamans.“Slíkt eykur áhættuna á hjarta- og æðasjúkdómum.

Mér skilst að það sé mælanleg fylgni á milli fátæktar og vannæringar. Vannæring getur skýrt andlegt getuleysi. Sem og líkamlegt.

Önnur rannsókn sýndi fram á að dauði foreldris eða misnotkun í æsku geti gert fólk viðkvæmara fyrir streitu á fullorðinsárum og jafnvel stytt líf þess

Á heildina litið er sumsé búið að sanna það loksins vísindalega að við verðum að vera góð við hvort annað og skilja engan útundan. Teygja höndina inn til þeirra sem eru villtir í myrkrinu og þjást og leiða þá út í ljósið.

Hin eilífa hringrás orku og massa

2010-08-15T14:49:00.003Z

Ég hef það fyrir venju að vilja hafa yfirborð hlutanna slétta og fellda. Þannig að það virðist sem álfar fljúgi um hýbýli mín og geri fínt. Þetta er mjög fljótleg og góð aðferð til þess að líða vel heima hjá sér og auðvelt að setja allt aftur á sinn stað. Það sem á engan sinn stað, fer inn í skáp og oní skúffu. Smekklegt.

En það skapar auðvitað vandamál með tímanum. Á endanum er skúffan að verða full og tímabært að vinna þetta niður. Hjá mér er það svona einu sinni í mánuði. Og þá flokkar maður og raðar í einn dag. Næstu daga klárar maður svo að þrífa, allt. Almennilegt.

Ég er akkúrat stödd þarna í bilinu á milli þess að flokka og raða annarsvegar og þrífa hinsvegar. Sorglegt.

Heimasætan er að koma heim í kvöld. Eins gott að allt sé fínt og fallegt þá. Enda hefjast skyldur hennar sem Heimasætu og sambýling og dóttur, þá, að hafa allt fínt. Í samvinnu við alla hýbýlinga. Þægilegt.

Það er grenjandi rigning og ég þarf að fara út í búð og kaupa kattarmat. Kettirnir eru eins og legghlífar utan um fæturna á mér. Malandi en svangir. Tenten er óþekk og hendir hlutum í gólfið. Hún hendir aldrei neinu sem gæti brotnað. Merkilegt.

Herra Hafnarfjörður var að vakna. Það er til merkis um náttfatapartíið okkar í gær. Í boði fm957.
Við erum svo ótrúlega lík að það er stundum soldið skerí. En samt ótrúlega dásamlegt, að geta horft á barnið sitt og vitað hvað það hugsar. Ótrúlegt.

En svona þegar líður á daginn ætla ég að bjóða honum upp á ís. Þá verður hann búinn að fara út með ruslið, hlaupa út í búð og ganga frá dósunum. Tjékk. Og þá þarf ég bara að skúra og þvo þvottinn. Fræðilegt?

Sjáum til.

Ég sendi ykkur öllum ástarkveðjur.

Þeir sem þora mega taka áskoruninni að taka einungis tilfinningalegar ákvarðanir í einn dag. Láta hjartað ráða í öllum tilfellum. Það er mun erfiðara að vera góður en gáfaður.

Eins og ástandið er fyrir botni Miðjarðarhafs

2010-08-13T23:51:00.002Z

Það er allt að fara til Andskotans og æskan er orðin vitlaus. Og þannig hefur það alltaf verið. Allavega síðan Aristóteles var að digga pælingar. Og hvað með það?

Ef einhver hefði sagt mér að árið 2010 yrðu kettir viðraðir við taum og við ætluðum kannski að selja auðlindir okkar í hendur okurlánara og sækópata, hefði ég nú sennilega hlegið. Allavega árið 1990. Jú og líka 2000. Þetta er núna alveg að fara að verða fyndið í fáránleika sínum.
.
En svo fór ég að prjóna.

Ég held að garðaprjónn geti komið lagi á orkuójafnvægi í fólki og hýbýlum. Svei mér þá.

Og svo er ég líka að fá líkur á heilann. Aðallega fáránlegri notkun á þessum fræðum.

Hnuss...

En hvað með það?
Notið helgina í eitthvað skapandi og skemmtilegt svo þið fáið öll blómstrað.

Hugleiðing

2010-08-08T12:37:00.003Z

Ég er búin að vera að pæla svo svakalega að undanförnu. Ég ákvað að reyna að taka greindina á þetta og það hefur kennt mér að greindin ein er ekki lykillinn að hamingjunni. Einhvernveginn hefur heimurinn bara verið að batna með mér eftir því sem ég Zenjóga þetta. Ég er farin að óttast að þetta endi með stofnun nýs trúfélags eða vitavarðastöðu í Langtíburtistans. Ég er nefnilega farin að flokka einstaklinga jafnt sem eintök af tegundinni Sapíens.

Það er alveg merkilegur andskoti hvað þessi afkomuhæfileiki okkar, þekkingarþorsti, vill flækjast fyrir okkur. Það eina sem allar lífverur Jarðar (og sennilega allsstaðar) eiga sameiginlegt er að vera hannaðar til þess að komast af. Ef lífverur breytast ekki með tilliti til heimkynna og aðstæðna, deyja þær út. Sorglegt. Og kannski höfum við þróað með okkur þennan þekkingarhæfileika til þess að komast af? Hausinn á mér er eins og kvikmyndaver með athyglisbrest.

Sjáum fyrir okkur akur. Sjáum gullið kornið vagga í vindinum. Sjáum fyrir okkur mömmu með tvö börn sleppa nokkrum hamstaungum í akurinn í nafni dýraverndunar. Fallegt. Sjáum hamstraungana dafna og vaxa og fjölga sér í stjórnlausri krúttveröld. Sjáum akurinn visna og deyja. Sjáum svo fyrir okkur börn bóndans reyna að sofna á tóman maga. Og feitan kött þvo sér í sólinni.

Hvaða lærdóm má draga af sögunni?

Kannski er sapíens hamstraungi? Kannski er þekkingu okkar ætlað að koma okkur héðan og yrkja ný heimkynni. En við verðum að átta okkur á því að kannski er okkur ætlaður þroski að fara vel með heimkynni okkar svo þau endist okkur í þekkingarþroskanum. Við vitum ekki ennþá hvert eða hvernig við ætlum að fara. En við vitum að plánetan okkar er á tíma. Þegar þar að kemur. Við höfum verið til í okkar mynd í u.þ.b. 130 þús. ár. Erectus var hér í 1.6 mil. ár. Og við höldum að við séum alveg með þetta amk. miðað við þá? Og klukkan tifar.

Og kalliði mig bara geðveika.

Þá og nú

2010-07-20T20:00:00.003Z

Einu sinni fyrir lánga laungu vóru sett lög á Íslandi

Það var hann Gissur biskup Ísleifsson sem réðst í skattheimtu (sem mönnum hefur æ síðan verið í nöp við). Hún var kölluð tíund.
Þessi tíund skiptist þannig að kvart fengu fátækir, kvart fékk biskup, kvart fengu kirkjur og kvart fengu prestar. Tíundin var eitt prósent af markaðsvirði skuldlausrar eignar einstaklings, af hvoru kyni sem var, sem væri fullra sextán vetra.
Og menn borguðu, enda mátti vel eins gifta heimasætuna prestræflinum eða senda erfingjann í læri á sunnudögum.

Þetta skattkerfi hélst mjööööög lengi óbreytt miðað við lög nútímans.
Og það var af því að þau voru góð lög, þó siðferðislega hafi þau verið helzt til rýr.
Góð lög, eins og allir vita sem hlusta á tónlist, eru oftast Mjög Einföld.

Það besta sem ég sé samt við þessi lög, er að í þau eru bundin fjárlög ríkisins og tryggingastofnun á einn stað. Eitt kvikindi sem tekur við og deilir út. Eftir einni leið. Og enginn getur tekið upp á því að setja alla peningana á einn stað, því það má ekki.

Og svona var þetta eiginlega alveg óslitið til 31.desember 2005. Þá var eignarskattur afnuminn. Eftir eittþúsund ára andlegan þroska fundu stjórnvöld út að þeir sem ættu mest, ættu minnst að gefa. Áður hafði reyndar óþokki í Kaupmannahöfn hirt tíundina á móti fátæklingum en fátækratíundin var lögð niður 1914, (en það ár fannst enginn fátækur í landinu, geri ég ráð fyrir?).

Og ég verð að viðra þá skoðun mína, að þetta sé bæði ósmekkleg og kaldrifjuð þróun mála...

Ef við förum bekk tú beisikk. Hvernig á þá tíundin okkar að skiptast? Hversu fáa grunnflokka getum við fundið? Hverjum verður tryggð afkoma fyrst, banka eða barni? Ef einhvernveginn væri hægt að binda í stjórnarskrá slíka skiptingu yrði gerð árlegra fjárlaga einfaldari. Velferðin kostar þetta, á kosnað kaldrifjaðra fjárfesta, hvaðan sem þeir koma.

Svo hef ég aldrei skilið af hverju við viljum erlenda risafjárfesta hingað. Það er miklu betra að reyna að fullvinna hráefnið okkar og reyna að skara fram úr á sem flestum sviðum og vera erlendi fjárfestirinn sem allir vilja fá til sín? Er það ekki?

Það er allt að gerast

2010-07-11T10:48:00.002Z

Ég er að reyna að finna tilgang lífsins.

Það gengur vel og ég er búin að hafa kolrangt fyrir mér í alltof mörg ár. Ég treysti eiginlega alltof mikið á framheilann í mér. Það kann ekki góðri lukku að stýra.

Núna ligg ég og öppdeita alla ofurspekina sem ég hef "haft til hliðsjónar" og set hana í fyrsta sæti. Rökhugsunin fær að fara í númer tvö.

Svo sjáum við til hvernig það virkar...

Málfræði smálfræði

2010-07-08T18:46:00.002Z

Það er(u) TÖGGUR í drengnum!

was?

ég ekki skilja

Hvernig er rétt að fara með þetta orð í öllum orðhengilsháttum?
Hvernig er rétt skýring á þessu orðskrípi?

Af hverju er ekki hægt að kaupa brúnar töggur?

Nú er illt í efni ekkert tyggja má......

Smá pæling

2010-07-07T12:46:00.002Z

Fordómar í garð trúarbragða eru mér hugleiknir þessa dagana.

Einkum og sér í lagi þykir mér merkilegt að þeir sem ákafast tala gegn trúarbrögðum virðast ekki getað séð málin öðru vísi en með röri þar sem Einn Algildur Sannleikur hlýtur að yfirbuga allar aðrar pælingar.

Að kalla kristni hjátrú er skoðun sem á fullkominn rétt á sér. En það sem ég er að velta fyrir mér er hversu mikil hjátrú ríkir almennt í þjóðfélaginu. Og í heiminum öllum.
Hjátrú sem tengist á engan hátt trúfélögum. En er engu að síður margfalt öflugri en nokkur trúarbrögð, a.m.k. á vesturlöndum.

Dæmi um hjátrú er tilbeiðsla á t.d. merkjavöru, selebbrití, íþróttafólki eða liðum, stjórnmálaflokkum eða mönnum og svona mætti lengi telja.

Hello Kitty vörumerkið er dæmi um þetta.
Barn safnar öllu sem er merkt Hello Kitty, gengur í Hello Kitty fatnaði og sefur með Hello Kitty sængurföt. Ef um væri að ræða maríumynd eða íkonamynd af Kristi myndu flestir álíta að foreldrar barnsins væru snældu geðveikir. Og þetta yrði kallað ofsatrú.

Hello Kitty stendur ekki fyrir neitt. Hefur ekkert andlegt gildi. Kennir ekkert. Kostar bara hellings peninga. Og það er þessvegna sem við kaupum það. Hello Kitty endurspeglar nauðsyn þess að kaupa sér hamingju með innihaldslausu kjaftæði.

Og eins er það með Puma og D&G og Prada og Volvo og JVC og I-phone og svo framvegis...

Vörumerkjadýrkun er þó lítið vandamál þegar miðað er við íþróttafélög.
Venjulegur Íslendingur getur skilið við makann, yfirgefið börnin sín, yfirgefið þjóðkirkjuna, yfirgefið bankann sinn, yfirgefið landið, vinnustaðinn og nánast allt. Nema uppáhaldsliðið sitt í ensku úrvalsdeildinni. Ef það ber ekki keim af skurðgoðadýrkun, ber ekkert keim af skurðgoðadýrkun.

Ég er ekki að segja að íþróttafélög séu í eðli sínu slæm heldur virðist vera að um leið og áhugi manna á andlegum og siðferðilegum málaflokkum dregst saman virðist mannskepnan þurfa að tilbiðja eitthvað. Eins og það sé fast á harða disknum í okkur að Tilbiðja.

Ég er bara ekki frá því að svo sé.

Og þá er spurningin: Hvort gæti hugsanlega hjálpað meira til, nágungakærleikur eða knattspyrna?

A (algjörlega) G (glatað) S (sjitt) II

2010-07-06T17:04:00.004Z

Mig langar að benda á nokkrar staðreyndir um AGS sem ekki hafa komið fram hérna á blogginu mínu enn sem komið er:

Sjóðurinn hjálpar ekki bágstöddum þjóðum, er ekki skilgreindur sem hjálparstofnun, og flest ríki sem hafa notið þess vafasama heiðurs að njóta "neyðarastoðar sjóðsins" hafa í raun endað umtalsvert verr en áður. Það er mín skoðun að vinnubrögð íslenskra fjármálafyrirtækja endurspegli nákvæmlega siðgæðisskort AGS þar sem skýlaus krafa um gróða á kostnað almennings er hornsteinninn. Þessa sömu skoðun tjáði fyrrverandi framkvæmdarstjóri AGS (sem er nóbelsverðlaunahafi í hagfræði) og uppskar það að vera rekinn.
Þegar ríki semja við AGS (og fá neyðaraðstoð eins og við höfum fengið) eru aldrei ræddar opinskátt þær kröfur sjóðsins sem við verðum að uppfylla. Við skulum athuga það að framkvæmdarstjóri sjóðsins er Breti og opinberar yfirlýsingar bæði Breta og Hollendinga eru á þá leið að við munum ekki fá stuðning þeirra innan AGS nema við borgum Icesave, og þá sennilega í topp. Um það er væntanlega búið að semja, þó svo að við heyrum ekki af því í opinberum fjölmiðlum.
Hagfræðileg hugmyndafræði AGS er einkavæðing. Númer eitt, tvö og þrjú. Að tryggja að erlendir fjárfestar geti fengið aðgang að hvaða ríkisstofnun sem er, auðlindum og fjármálafyrirtækjum. Þetta er mjög líklega ein af frumkröfum AGS fyrir láninu frá þeim.
AGS semur ekki við lönd sem geta hugsanlega rétt úr kútnum og borgað lánin til baka. Þá væri viðkomandi land ekki nógu rækilega á hausnum. Flest þau lönd sem AGS semur við, þurfa að semja aftur við þá um greiðslur og þá eru engin glæsikjör í boði.
Árið 2001 kom upp hneyksli innan AGS þar sem stjórnin varð að gangast við því, að á bak við lánasamninga til handa ríkjum í fjárhagsvandræðum voru skilyrði sem ekki mátti gera opinber, þar sem þau gengu þvert á lög og báru vott um hyglingar og einkabrask. Þarna varð ljóst að AGS er gjörspillt stofnun.
Bandaríska fjármálaráðuneytið á 51% í AGS og þar sem bankinn (systurstofnun sem millifærir peninga) er rekinn í Bandaríkjunum samkvæmt bandarískum lögum, nú þá ráða þeir yfir honum. Alveg.
Til gamans má nefna að AGS á 3005 tonn af gulli sem eru metin á um 6.3 milljarða dollara. Þannig að það er ekkert skrýtið að þeir horfi í aurana....

Þessar staðreyndir eru ekki einhverjar samsæriskenningar og vitleysa. Ég hvet ykkur að skoða þetta hvar sem þið getið fundið á netinu. Gúgglið og skoðið. Og hlustið svo á fréttir.

Það mun koma ykkur lítið á óvart hversu Seðlabankinn og ríkisstjórnin standa þétt að baki nýjum og erlendum eigendum bankanna.
Hversu mikilvægt er að einkavæða hitt og þetta strax.
Hversu illa verður tekið á færslu auðlinda eins og orkufyrirtækja til erlendra aðila og hvers vegna ekki er búið að tryggja með lögum yfirráð okkar yfir þeim.
Og svo framvegis.

A (algjörlega) G (glatað) S (sjitt)

2010-07-05T20:11:00.002Z

Ég hef óbeit á alþjóða gjaldeyrissjóðnum.

Alþjóðagjaldeyrissjóðurinn (IMF)

Seðlabanki Íslands er fjárhagslegur aðili að Alþjóðagjaldeyrissjóðnum (AGS) fyrir hönd íslenska ríkisins. Alþjóðagjaldeyrissjóðurinn (e. International Monetary Fund) hefur frá stofnun haft það að markmiði að efla alþjóðlega samvinnu í gjaldeyrismálum, stuðla að stöðugu gengi mynta og greiða fyrir frjálsum gjaldeyrisviðskiptum.

Starfsemi sjóðsins er einkum þrenns konar:
• Eftirlit með efnahagsmálum aðildarlanda sjóðsins og alþjóðahagkerfinu í heild.
• Tæknileg aðstoð við aðildarríkin.
• Lánveitingar til aðildarríkja í greiðsluerfiðleikum.

Höfuðstöðvar Alþjóðagjaldeyrissjóðsins eru í Washington D.C. og fer dagleg yfirstjórn fram þar. Ísland á samstarf við Norðurlöndin og Eystrasaltsríkin á vettvangi sjóðsins. Þessi lönd mynda eitt af 24 svokölluðum kjördæmum sjóðsins.

Það er gaman að skoða hvernig seðlabankinn setur þetta upp (hér að ofan). Starfsemi sjóðsins fer fram í BNA. Það er hefð fyrir því að stjórnarformaðurinn sé breskur og bankastjóri alþjóðabankans (sem er systurstofnun AGS) sé bandarískur. Helvíti lýðræðislegt ekki satt?

Þessi sjóður var stofnaður 1945 og erum við Íslendingar stoltir stofnfélagar þessa bákns. Þegar bankakreppan skall á, skulduðum við þessum sjóði ekki neitt.

Upphafleg hugmynd var að tengja dollarann við verð á gulli og aðildarríki áttu svo að tengja sinn gjaldmiðil við annað hvort dollarann eða gull. Altso svo að peningar endurspegluðu einhvers konar verðmæti. Árið 1971 áttaði bandaríkjastjórn sig á því að það væri erfiðara að svíkja fé af fólki ef fólk gat gert sér einhverja grein fyrir því hvers virði þeir væru. Þeir aftengdu dollaran frá gullinu.

Árið 1990 var ákveðið að hægt yrði að svipta aðildarríki atkvæðisrétti. Lýðræðislegt það?

Það er skondið að einn af þremur grundvallarpólum AGS er að hafa eftirlit með efnahagsmálum aðildarlanda sjóðsins og alþjóðahagkerfinu í heild.

Maður spyr sig: Hvor var heimskari í útreikningum sínum á ástandi íslenska fjármálakerfisins og bankanna, Moody's Investors Service (í UK) eða AGS (í BNA) ?

Eins og ég hef áður sagt þá höfðum við ekkert val. Við urðum að treysta þeim. Ekki satt?

Það er frekar hallærislegt að hlusta á íslenska pólitíkusa. Þeir eru hræddir við AGS. Og ESB. Hversvegna í ósköpunum?

Við stofnuðum AGS. Það er bara þannig. Og við eigum ekkert að vera hrædd. Andskotinn hafi það.

Ef Bandaríkjamenn og Bretar ætla að setja okkur á hausinn með peningalegri kúgun og pyndingum þá geta þeir bara sagt það hreint út. Hætt að nota þennan sjóð sem þeir einoka í eigin þágu sem grýlu á aðildarríki.

Annars fáum við bara kínverja með okkur í lið.
Og rússa.
Og palestínu.
Og færeyinga.
Og allskonar....

Já bara!

Hið illa plan mitt

2010-06-30T17:15:00.002Z

Allir saman - það er gaman

Það hefur orðið mér mikið hugstrump hvernig megi með löglegum aðgerðum kveða niður íslenska ógeðspólitík eins og hún hefur þrifist frá stofnun lýðveldisins.

Ég held að ég sé komin með svarið!

Ef allir ganga í stjórnmálaflokk og bjóða sig fram í trúnaðarstörf og á framboðslista, verður gamla flokkakerfið ónýtt. Sem er frábært.
Hins vegar langar sennilega ekki alla til þess að gegna trúnaðarstörfum eða vera á framboðslistum fyrir neinn flokkanna. Nú, þá bara kýs maður þá í prófkjörum sem maður hefur aldrei heyrt um og vill að komi í staðinn fyrir myglusveppina sem nú sitja við völd.
Ef flokkarnir reyna að snúa á þetta með því að stilla upp lista, svo þeir geti komið fyrrnefndum skítableðlum í gegn, þá bara safnar maður undirskriftum innan flokksins og heimtar prófkjör.

Lengi lifi lýðræðið....

Göngum í stjórnmálaflokk og skemmum hann innanfrá.

Það besta við þetta er, að maður getur einmitt valið flokkinn sem maður hatar mest til þess að skemma....

Húrra!

Sjá, ég boða yður mikinn fögnuð

2010-06-25T17:45:00.004Z

Þannig Hljómar Hið Heilaga Orð!

Fyrst ætla ég að leggja á borð tilvitnun í Boðbera Sannleikans:
Þessi öfl óskynseminnar geta leitt yfir okkur nýjar miðaldir, því þegar guðsótti, hjátrú og hindurvitni ná yfirhöndinni hefur Upplýsingin beðið skipbrot. Til að axla sögulega ábyrgð okkar og tryggja að Upplýsingin og gildi hennar haldi velli þurfum við að kveða niður trú á djöfla, guði, spádóma, eilíft líf og ámóta fjarstæðu.

Svo ritar hinn háheilagi og alvitri spámaður Reynir Harðarson formaður Vantrúar.
(ætli það sé til sálmur um Upplýsinguna?)

Ég reyni að láta trúmál ekki fara í taugarnar á mér. Í sannleika sagt er ég á þeirri skoðun að trúarskoðanir fólks séu algerlega þeirra persónulega mál og komi engum við en þegar um beina innrætingu (svokallað trúboð eða tilmæli um trúarlega vakningu) er að ræða vil ég meina að það sé ofbeldi.

Allt trúað fólk, hvort sem það trúir á Upplýsinguna (eins og Reynir Harðarson) , á Allah eða á anda í stokkum og steinum, hefur þá skoðun að það sem það trúir á, sé Sannleikurinn. Fólk með sömu trúarafstöðu hópast nefnilega gjarnar saman í félög og má þar nefna Þjóðkirkjuna og Vantrú. Þetta köllum við trúfélög.

Það hefur orðið mikil réttlætisbylting í trúmálum á Íslandi síðastliðna áratugi, en betur má ef duga skal. Trúarleg innræting, hvort sem henni er beint að börnum, veikum eða öðrum ætti að vera með öllu bönnuð. Þá á ég líka við Vantrú. Þeir verða einfaldlega að gera sér grein fyrir því að þeir eru sjálfir að stunda trúboð á Sannleikann og ég verð að viðurkenna að það er farið að fara svolítið í taugarnar á mér.

Ef múslimar á Íslandi gengju fram af sömu hörku (þá er oft talað um trúarofstæki) og Vantrú, er ég viss um að Vantrúarfólki yrði illa brugðið. Eins og Vantrú, trúa múslimar á Sannleikann. Þeir kalla hann bara annað en Upplýsinguna. Upplýsingin held ég að sé vísindin, eða allavega sú vitneskja sem maðurinn býr yfir. Sú sama og sagði okkur að jörðin væri flöt, að menn gætu aldrei flogið, að menn kæmust aldrei út í geiminn og svo framvegis. Daglega breytist Upplýsingin og dag einn gæti upplýsingin skýrt hitt og þetta sem "trúað" fólk kallar sannleikann. Hvað þá? Satt best að segja þykja mér trúarskoðanir Vantrúarmanna afar áhugaverðar og síst bjánalegri en margt annað. Enda bý ég með manneskju sem trúir ekki á neitt sem tilheyrir trúfélugum.

En þetta er ekki allt.

Vantrú virðist vera á móti eldheitum skoðunum fólks, svo lengi sem hægt er að belndla þær við eitthvað sem ekki verður sannað með aðferðum homo sapiens sapiens að svo stöddu.

Við skulum skoða málið.
Hvað er ást? Hvað er heppni? Hvað er hamingja? Svona mætti lengi telja. Orð sem við notum yfir persónuleg tilfinningalega túlkanleg fyrirbrigði sem ekki er hægt með neinu móti að sanna að sé til í raunveruleikanum. Eða með öðrum orðum nokkurnveginn nákvæm skilgreining Vantrúarmanna á orðinu Guð. Þetta fer að verða ansi hæpið hjá þeim, ekki satt.

Ég er Kærleikurinn. Við skulum pæla aðeins í því!

Að endingu vil ég taka undir þá skoðun margra að Kaþólska kirkjan hefur gert rangt með því að skjóta skollaeyrum við og horfa fram hjá glæpum og ofbeldi, sem oftar en ekki hefur bitnað á börnum. Þrátt fyrir þetta er það mín skoðun að Kaþólska kirkjan sé ekki Vond af þessum sökum og Allir sem tilheyra henni. Hvers vegna var það ekki fyrr en í gær að lögregla í Belgíu réðst til atlögu gegn helvítis perrunum þar? Ofbeldi á ekki að fá að dafna í þögninni. Nýleg skrýrsla sýnir að meirihluti ofbeldis á Íslandi fer fram inni á heimilum af fólki sem er tengt fjölskylduböndum. Eigum við þessvegna að banna Fjölskyldur og Heimili? Er allt fólk sem á Heimili barnaníðingar af því að það er á heimilum sem glæpir þeirra eiga sér stað? Auðvitað ekki. Vont fólk finnur sig þar sem það kemst upp með glæpi sína. Það er í höndum samfélagsins alls að reyna að sporna gegn því.

Nágungakærleikur, að þekkja og láta sér annt um alla sem mæta okkur á þessari lífsins göngu. Það að vera ekki skítsama um allt nema helvítis rassgatið á sjálfum sér. Umbera skoðanir annara og taka með æðruleysi því sem gerir okkur gramt í geði. Tjá okkur án þess að vera með sleggjudóma eða hatursfullar yfirlýsingar. Kurteysi. Sýna virðingu. Treysta á þann sannleika allavegana að við sjálf berum ábyrgð á okkar hamingju og að við verðum að treysta því að hana getum við öðlast án þess að meiða aðra.

Það er náttúrulega að segja ef hún er til.

es. ef einhvern langar að rökræða þetta mál frekar er viðkomandi bent á þá trú mína að þetta sé persónuleg og prívat skoðun mín sem ég kýs að ræða ekki á opinberum vettvangi og hinsvegar að þrátt fyrir að þetta tiltekna rifrildi sé sennilega það elsta í heiminum hafa menn aldrei náð að sanna nokkurn skapaðan hlut í þessum efnum né heldur komist að neinni niðurstöðu.
Amen.

Með lögum skal land byggja

2010-06-24T13:45:00.003Z

Á Íslandi er gott að vera.

Í áranna rás höfum við haft það ágætt svo ekki sé meira sagt. Svo kom hrunið og fólk hópaðist saman til þess að mótmæla. Ég mótmælti sjálf og er stolt af því. Barði pott og hrópaði slagorð.
Ég fann enga þörf hjá sjálfri mér að ögra lögreglumönnunum sem voru þarna, en þeirra er að gæta þess að tryggja öryggi ef mótmælin breytast í óeirðir. Óeirðir eru allt annað en mótmæli. Þau einkennast af tilefnislausu ofbeldi og lítilsvirðingu fyrir löggæslumönnum. Erlendis kemur það gjarnan fyrir að það sem fer af stað sem friðsamleg mótmæli breytist á svipstundu í vígvöll þar sem menn kasta bensínsprengjum og troðast undir og hvaðeina.

Á Íslandi er lögregla. Afar mörgum er uppsigað við lögregluna af því þeir eiga að framfylgja lögum sem einhverjum þykja bjánaleg. Og hlutverk lögreglunnar er afar víðtækt og flókið og illa borgað og viðbjóðslegt. Og það er til fólk sem sér sig knúið til þess að fara ekki eftir tilmælum lögreglu, hvort sem um ræðir að aka undir áhrifum áfengis eða halda sig á mottunni í mótmælum. Mér þykir hvoru tveggja bera vott um siðblindu og glæpahneigð.

Ef við gefum okkur það að félagar í LÍÚ myndu fjölmenna fyrir utan Alþingi til þess að mótmæla einhverri fyrningarleið og ryðjast inn og hafa í frammi óspektir og yfirgang (þannig að starfsmaður Alþingis lægi eftir slasaður), ætti lögreglan þá ekki að skakka leikinn?
Ef einstaklingur sem tók myntkörfulán gengi berserksgang á skrifstofum sýslumanns, ætti þá ekki að kalla til lögreglu?

Það er hlutverk lögreglu að halda uppi lögum og reglu. Við þær aðstæður sem sköpuðust í Alþingishúsinu þennan örlagaríka dag var engan veginn hægt að tryggja öryggi nema að takamarka fólksfjölda. Ákveðnir aðilar töldu sig hafna yfir landslög og ekki þurfa að fara að tilmælum lögreglu og þeir voru ákærðir. Eins og sést greinilega á myndbandinu er ekki um friðsamleg mótmæli að ræða. Ef þá hægt er að tala um mótmæli, enginn sérstakur boðskapur kemur fram annar en að reyna að koma á byltingu með stjórnleysi.

Ég vona þessir hrokafullu hálfvitar sem þarna voru, horfist í augu við brot sín. Ég vona að þessir sjöhundruð (0.2% þjóðarinnar) sem eru að heimta að verða ákærðir átti sig á því að ástæðan fyrir því, að þeir eru það ekki, er sú að þeir voru ekki handteknir við að brjóta lögin. Þeir mótmæltu vonandi friðsamlega.

Mér þykir það epískt hallærislegt að reyna að búa til eitthvað Aung San Suu Kyi mál úr þessu. Nenniði að bera virðingu fyrir lögunum. Og þeim sem framfylgja þeim. Það er svo miklu einfaldara fyrir alla ef fólk getur hagað sér eins og fólk.

Gremjulisti

2010-06-22T20:12:00.002Z

Vááá hvað margt getur farið í mínar ofur-viðkvæmu taugar.

Pétur Blöndal er þar ofarlega á blaði, esvíspík. Hann á svo fokking bágt að þurfa að vera Alþingismaður að hann er að kikna.
Hei, Pétur:
HÆTTU Í PÓLITÍK STRAX APINN ÞINN - FARIÐ HEFUR FÉ BETRA

Svo er vegurinn yfir Hólmaháls bæði glænýr og ónýtur.
Hei, Vegagerð:
HÉR ÁÐUR FYRR BYGGÐU MENN VEGI MEÐ SKÓFLUM OG HJÓLBÖRUM SEM ENTUST LENGUR - HÁLFVITAR

Svo náttúrulega Svika-Mörður Árnason sem með föðurlegum áminningartón tjáði að menn verða að borga skuldir sínar.
Hei, Mörður:
EKKERT MÁL AÐ BORGA ÞETTA ÞEGAR ÞESSAR SÖMU STOFNANIR HAFA ENDURGREITT LANDSMÖNNUM ÞAÐ SEM HVARF Í HRUNINU - JÚSTJÚPIDDASHÓL

Vááá maður. Ríkisendurskoðun komst að því að Álftanes þyrfti meiri pening til skólamála en en önnur sveitarfélög vegna þess að þar búa svo mörg börn.
Hei, Ríkisendurskoðun:
Nennirðu að drullast til að leggja fram aukafjárveitingar sem miðast við það hversu margir nemendur eru greindir eitthvað eða af erlendu bergi brotnir. Eins og staðan er ekki hægt að halda úti kennslu víða vegna þessa. Kennarar eiga skilið að fá að vinna vinnuna sína í friði.

Ég er hæstánægð með borgarstjórann, ég veit hann veit hvað hann þarf að gera.

Á ferðalagi

2010-06-21T15:26:00.004Z

Ég hafði villst út af veginum og hafði gengið dag eftir dag í eyðimörkinni án þess að koma auga á nokkuð eða nokkurn. Hitinn var óbærilegur og varir mínar sprungnar af þurrk. Ég hafði gefist upp á því að ganga og skreið áfram. Þrátt fyrir allt ætlaði ég ekki að gefast upp. Ég mjakaðist áfram metra fyrir metra á viljastyrknum einum saman og fann að brátt yrði þetta búið. En ég ætlaði að komast lengra.
Ég vaknaði við það að einhver var að hella upp í mig vökva. Hann var þykkur og klístraður og ég kúgaðist þegar ég drakk. En ég fann að ég varð að fá meira. Ég opnaði augun og við mér blasti kolsvart andlit, málað með rauðum og hvítum lit. Gular tennurnar mynduðu brosgrettu og svartar hendur færðu tréskál að vörum mínum. Hún var full af blóði.
Mér bauð við volgum vökvanum en vissi að ég yrði að drekka þetta ef ég ætlaði að komast af. Í hvert skipti sem ég kyngdi fann ég lífsandann fljóta um æðar mér og þrátt fyrir klígjuna vildi ég meira. Ég var klístruð í framan og um hendurnar og reyndi að þurrka af mér en fann aðeins brennandi eyðimerkursandinn festast við blóðið og rispa mig.
Þeir voru nokkrir saman. Menn sem drösluðu mér upp á einhverskonar börur sem þeir svo drógu áfram í hitanum. Ég skildi ekki hvað þeir vildu mér en vissi að ég varð að fara með þeim. Það var enginn annar valkostur í stöðinni.
Ég velti því fyrir mér hvort mér yrði nauðgað þegar á áfangastað væri komið. Eða hvort ég yrði fituð og étin. Ég vissi bara að þeir komu fram við mig eins og bráð. Hlógu og bentu með grjóthörð svört augu sem mældu mig út. Ef ég gaf frá mér hljóð, komu þeir með skálina og gáfu mér meira blóð að drekka.
Gegn einbeittum vilja mínum, sofnaði ég. Ég man óljóst að þeir stoppuðu og gáfu mér blóð annað slagið og ég fann þakklætið streyma um mig. Blóð getur verið gott. Ef maður venst því. Innst inni vissi ég þó að þetta blóð var ekki af dýri. Ég sá það í svörtum augum þeirra að hið illa var með okkur í för. Ég fékk vissu mína þegar þeir drápu einn úr hópi sínum og fylltu belgi sína af blóði hans. Ég veit ekki af hverju ég fékk að lifa.
Tíminn þarna í eyðimörkinni var einkennilegur. Ég hafði engan skilning á því hversu lengi ég hafði legið þarna á börunum og hversu mörgum út hópnum varð að slátra svo við hefðum blóð að drekka. Ég vissi það bara að ég var fangi og hvað sem ég gerði, myndi það ekki leiða mig að neinni lausn.

Dag einn komum við að tjaldbúðum. Það var hrópað og kallað og þorpsbúar fjölmenntu að skoða fenginn. Mig. Starandi börn og konur sem skáskutu augum sínum á mig, en litu undan ef ég horfði til baka, nálguðust mig eins og hópur af hýenum í kring um slasað dýr. Það var smjattað og tungur sleiktu þurrar varir.
Allt í einu kom styggð að hópnum. Í gegn um þvöguna kom eldgamall karl haltrandi. Hann var nakinn og allur líkami hans málaður með þessari hvítu og rauðu málningu. Hann var hálf tannlaus og um hálsinn hékk eitthvað þurrkað. Ég hafði á tilfinningunni að það væri barnshöfuð. Ég var sem lömuð af ótta.
Hann gekk rólega í kring um mig, leit aldrei í augu mín en skoðaði mig nákvæmlega. Ég hvíslaði til hans, hvort ég fengi að fara. Hann virti mig ekki viðlits. Hann benti á mig og hvæsti einhverjar óskiljanlegar skipanir og konurnar veinuðu. Börnin tóku á rás í burtu.
Mér var komið fyrir í tjaldi og þar fékk ég vatn. Að drekka og til þess að þvo mér. Ég skalf svo mikið að tennurnar glömruðu upp í mér.

Úgg

2010-06-18T23:36:00.002Z

Ég er utan af landi. Lengst.

Þar þykir góður siður bæði og spakur að uppnefna fólk. Ekki svo að skilja að það þyki par fínt að æpa ófögnuð á eftir vandalausum né heldur úthúða fólki á bak með spellnefni, heldur eru menn fremur kenndir. Þá jafnan kenndir við eitthvað eða einhvern, sbr. kennitala.

Þykist ég vita að þessi list eða svoleiðis menningarlega arfgengi háttur sé hvorki sér austfirskur né íslenskur. Þó margir vildu Lilju kveðið hafa.

Ég hef stundað þetta af kappi. Alla tíð við jafnan mikla gleði sjálfrar mín. Ég hef þó tekið þetta skrefi lengra á stundum og eins skemmt mér við að enska eða þýska (sbr. íslenska=þýð.) nöfn manna og málefna, staða og hverveithvað. Von Druslhausen, Von Krapphausen, Von Lúðhausen og svo framvegis hafa verið mér traustir vinir þegar minni mitt brestur (oftar en ekki) á upprunaleg skírnarnöfn mannskepna. Svo má nefna ýmsa sem ég er búin að uppnefna svo lengi að ég man ekki lengur hvað þeir hétu. Jón Steinbakur, Kongó, Jóna Paprikupíka og fleiri.

Indjánanöfn eru líka skemmtileg. Ég er til dæmis búin að vera ansi lengi Þoku-auga en tók nýlega upp nafnið Aftur-heiða. Læknirinn minn er Dauður-fiskur.
Og til gamans má svo nefna hér til sögunnar hin ýmsu klassísku uppnefni sem ég nota frá degi til dags. Heimasætan, Mikki (nú nefndur Herra Hafnarfjörður), Geiss, Mangalús, Kisfinns, Tralli, Eðlukona og Svikfinns.

Allir ættu að uppnefna sig. Reglulega. Og hlæja að því með sjálfum sér. Það hefur aldrei neinn dáið af því það var hlegið að honum og fólk ætti að hætta að vera svona hrætt. Það er MIKLU hræðilegra að reyna að fá fólk til að hlæja og mistakast það gjörsamlega en að labba á glerhurð í Kringlunni. Og þá tala ég af reynslu.

Reynum að hafa gaman af þessu...kommón.

Eyrún Von Strop-kopf Mönsjhausen hin þunga

H2O

2010-06-15T13:57:00.001Z

Núna er múgsefjunin enn á ný komin á kreik.

Núna á vatnið að verða eign okkar allra.

Ég hef djúpan skilning á því að vatnið ætti að vera þjóðareign. Rétt eins og fiskurinn í sjónum og orkufyrirtæki. En ég verð að vera því andsnúin að núna sé rétti tíminn til þess að taka þessa auðlind úr höndum fátækustu stéttar landsins.

Það er mín skoðun að hið opinbera hafi ekki staðið sig þegar kemur að því að gæta að hagsmunum þjóðarinnar varðandi náttúruauðlindir landsins. Eins og sakir standa eru bæði fiskurinn í sjónum og orkan okkar á fleygiferð í burtu frá okkur í hendur stórfyrirtækja og útlendinga.
Vatnið fer sömu leið.
Við ættum að standa vörð um að halda þessu vatni frá yfirvaldinu. Annars fer illa. Það er reynslan sem kennir það.

Þegar hið opinbera hefur sýnt í verki, með því að færa áðurnefndar auðlindir þjóðarinnar aftur í hennar eigu með hagsmuni íslenskra heimila að leiðarljósi er sennilega tímabært að fara að skoða næstu skref. Ekki fyrr en þá.

Svo má líka setja spurningarmerki við þá framkvæmd að taka eign af einhverjum.

Síðast þegar ég gáði, hét það að stela.

Fegurðarsjónarmið í nokkrum þáttum

2010-06-13T01:30:00.002Z

Ég er ljót!

Ég er nefnilega alls ekki eins og ég á að vera. Að minnsta kosti ef ég á að trúa því sem mér er sýnt og sagt. Það hefur harla lítið með það að gera hversu gömul ég er, hvernig genasamsetning mín er eða hvort ég hafi lifað heilbrigðu eða óheilbrigðu lífi.

Á meðan húðin á mér lítur ekki út fyrir að vera tíu árum yngri, hárið glansar ekki af vellíðan, neglurnar sýnast ekki fullkomnar, ég er ekki í formi eins og nítján ára atvinnukona í íþróttum, fatnaður minn er ekki endurspeglun nýustu hátízku, fituprósenta er yfir vannæringarmörkum, sjón mín er skert og fætur mínir eru þreytulegir er útilokað að samfélagið sem ég tilheyri sjái mig á annan hátt en ófullkomna.
Það er hin nýja skilgreining á falleinkunn. Ófullkomin. Ekki fullkomin.

Og það er af því að ég á að geta keypt þetta allt fyrir peninga. Fixað þetta með aðgerðum og þjáningum. Og ekki síst peningum. Þetta er bara spurning um það hvort að ég hafi áhuga á því að sinna sjálfri mér. Þannig er það presenterað. Mitt val. Algerlega.

Þar sem að ég hlýt samhljóma þjófélagslega falleinkun þegar kemur að útliti, velti ég því fyrir mér hvort ég hafi í raun 0g veru eitthvað val. Ef við gefum okkur það að ég myndi sólunda háum fjárhæðum í alla þá fegrunarþerapíu sem boðið er upp á, myndi ég ekki fremur ná mér í góða vinnu, góðan mann og fólk almennt sjá að þar færi hæfari einstaklingur. Falleg kröftug kona með skínandi sjarma og óbrotna sjálfsmynd? Það er engin spurning.

Þannig að ég hef alls ekki þetta val. Á annan hátt en að ég má velja hvort ég tapa í baráttunni um hamingjuna eða fari með sigur af hólmi. Frábært.

Eeeen....ég á ekki peninga fyrir þessu. Og kannski höndla ég ekki sársaukann og svæfingu. Og kannski verða gerð mistök og og og og og

Maður spyr sig nefnilega þessa dagana hvort kynþokki og fegurð sé það sama. Og hvort eitthvað geti verið fallegt jafnvel þó það falli ekki að smekk allra. Hvort samfélagið geri sér einhverja grein fyrir þeim áróðri sem fjölmiðlar boða börnunum okkar.

Ég veit það þó fyrir víst að kona sem hefur farið í brjóstastækkun er helmingi líklegri til þess að fremja sjálfsmorð en sú sem gerir það ekki. Erum við ekki komin á hála braut í þessu helvítis rugli?

Ég er eins og ég er, því hvernig á ég, að vera eitthvað annað?

Greiningar

2010-06-12T01:11:00.003Z

Ég hef verið að hugsa um það hversu heppin við erum hérna á Íslandi að hægt er að láta greina börnin okkar vel frá unga aldri.

Það er liðin tíð að lesblinda, einhverfa, hegðunarvandamál og væg greindarskerðing séu greind með fordómum sem aumingjaháttur eða fávitaskapur. Við Íslendingar erum svo sannarlega ekki ennþá blinduð af gömlum sænskum klisjum um að öll börn séu eins og þannig sé allt nám og öll afþreyging miðuð út frá norm-einstaklingi sem ekki er til. Við höfum séð og samþykkt að hver einstaklingur í samfélaginu er sérstakur á sinn hátt og aðlagað að þeirri staðreynd allt nám og hvers kyns þjálfun.

Með lögum höfum líka tryggt þeirri fögru fjölbreytni að fá að þroskast og njóta sín í umhverfi sem er laust við ofbeldi og afskiptaleysi og tryggt öllum börnum, já öllum þegnum landsins skilyrðislausa ást og hlýju. Umburðarlyndi og velmegun.

Eða ekki?

Erum við kannski bara með þá pólitísku hugmynd að þetta sé svona? Að við séum í rauninni bara komin örstutt á þessari leið til réttlætis?

Við erum sannarlega dugleg að greina vanda. Við vitum nákvæmlega hvernig fátækt eyðileggur fólk. Við vitum nákvæmlega hvernig ofbeldi eyðileggur fólk. Við vitum nákvæmlega að menntun en lykillinn að velgengni þjóða.

Ég ætla ekki að missa þetta út í algera langrullu um jöfnuð. Ég ætla að halda mér við börnin. Fast.

Við erum óheyrilega klár að greina börnin okkar. Já alveg rétt. Greina börnin okkar.

En samt er það svo að þau fá ekki vinnufrið í skólanum. Og ofbeldi í formi eineltis er enn til staðar og hrekur ungt fólk út í vímuefnaneyslu og sjálfsvíg. Í sumum tilfellum.
Það er vegna þess að þrátt fyrir allar greiningar, hefur vantað lausnir.

Hvers vegna eiga börn að þola hávaða og læti á vinnustaðnum sínum?
Af því einhver á bágt? Sennilega.

Ef einhver á þínum vinnustað myndi æpa og öskra meira og minna allan daginn. Myndi henda nestinu sínu í vinnufélagana og henda stólnum sínum út um gluggann með reglulegu millibili. Hversu mikið bágt þyrfti hann að eiga til þess að fyrirtækið myndi þola honum þessa hegðun í 10 ár? Er ekki nokkuð ljóst að viðkomandi yrði látinn fara? Þrátt fyrir bága stöðu? Myndu samstarfsfélagar knýja á um úrræði fyrir viðkomandi? Eða fjölskylda hans? Eða myndu vinnufélagarnir einfaldlega kóa með honum og þagga niður málið af því hann ætti svo bágt?

Ég veit það ekki. Svei mér þá.

Karlar og Konur

2010-06-04T19:30:00.003Z

Ég setti inn hugmynd á Skuggaborg. Svona meira til þess að sjá viðbrögðin heldur en til þess að gera mér vonir um að hún næði að komast á framkvæmdarstig.

Ég lagði til að settur yrði 50% kvennakvóti í stjórnunarstöður hjá Reykjavíkurborg.

Menn voru almennt sammála um að það kæmi í veg fyrir að hæfasti einstaklingurinn yrði valinn í starfið. Það yrði að setja einhverja konu í embætti. Guð hjálpi okkur öllum.

Nú er verið að rannsaka þátt kvenna í Hruninu. Það er gert svo sýna megi fram á með rökum að þar sem konur voru við stjórnartaumana, fóru hlutirnir ekki eins illa og að konur réðu nánast engu í þessum darraðardansi útrásarvíkinga.

Það er eins og það sé eitthvað leyndarmál að konur séu ábyrgari í fjármálum. Eitthvað sem við megum ekki segja upphátt því það gæti sært háttvirta fjármálasnillinga þjóðarinnar. Eins og þeir eiga nú bágt um þessar mundir. Settu þjóðina bara óvart á hausinn. Ææææ.

Það er margrannsakað, skoðað og útspegulerað að karlar hafa hærri laun en konur
Það er tölfræðileg staðreynd að karlar lenda frekar í vanskilum en konur
Það er deginum ljósara að karlar telja karla jafnan hæfari í valdastöður
Það er niðurstaða Hrunsins að þeir sem stjórnuðu voru vanhæfir
Það er óhjákvæmilegt að horfa til kynjaskiptingar í stjórnarelítu landsins
Konur eiga ekki að þurfa að keppa við karla eftir þeirra gildismati og reglum

Þær konur sem hafa hellt sér í slaginn og náð árangri hafa þurft að spila eftir löngu útjöskuðum leikreglum karla þar sem græðgi, mannfyrirlitnig og hroki hafa verið grundvöllur allra hugmynda um réttarfar og leikreglur. Það er í besta falli sorglegt og versta falli viðbjóðslegt.
Laun karla og kvennastétta endurspegla þetta enn þann dag í dag. Það er nákvæmlega ekkert fínna við að vera verkfræðingur en leikskólakennari. Það er ekkert fínna að vera húsasmiður en hárgreiðslumeistari. Það er ekkert sem bendir til þess að karlar hafi til að bera neina yfirburðahæfileika til þess að stjórna þannig að allir fái notið sín.

Ég ætla ekki að fara með þessar skoðanir mínar lengra í bili. Af djúpstæðri virðingu fyrir körlum.

Ég vildi bara óska þess að hún væri gagnkvæm.

Kosningaskoðun

2010-05-30T14:30:00.005Z

Það vekur mér jafnan ugg þagar stjórnmálamenn túlka niðurstöður kosninga.
Eins og venjulega eru allir sigurvegarar. Það breytist ekki.

Menn ætla að hafa að engu skoðanir kjósenda, útmála niðurstöður sem sigra og varnarsigra og telja að sinn flokkur þurfi ekki að breyta neinu. Svo og svo margir séu ánægðir með störf meirihluta.
Jafnvel núna þegar landsmenn allir eru óánægðir með stöðu sveitarstjórnarmála og landsins í heild.
Eftirfarandi er mín túlkun á þessum kosningum og þar sem ég hef ENGRA PERSÓNULEGRA HAGSMUNA AÐ GÆTA held ég að mín túlkun sé bæði réttari og betri en allra sem sem tengjast stjórnmálum persónulega á einhvern hátt.

Við skulum byrja á almennri skynsemi:

Ekkert framboð á Íslandi hlaut fylgi kjósenda af því að viðkomandi flokkur hafði staðið sig vel. Það er staðreynd sem frambjóðendur verða að tileinka sér strax og horfast í augu við. Þetta er sá hornsteinn íslensrar pólitíkur sem frambjóðendur hafa, frá Hruni, mistúlkað og snúið án þess að bera gæfu til þess að átta sig á því að menn ganga fremur til kosninga til að refsa heldur en til að verðlauna.

Þar sem engin ný framboð komu fram, eru úrslit kosninga vafasöm þar sem fólk hafði ekki val um breytingar.
Þar sem kosningaþáttaka var dræmari en tíðkast, eru úrslit kosninga vafasöm þar sem fólk hafnaði augljóslega öllum sem voru í boði.
Þar sem meirihlutar héldu velli má áætla að stjórnir hafi ekki verið búnar að setja viðkomandi sveitarfélag á hausinn.
Í þeim sveitafélögum sem byggja afkomu sína á sjávarútvegi og sjálfstæðismenn héldu velli eða bættu við sig, var fólk að kjósa gegn yfirlýstri fyrningarleið kvótans að hætti VG og Samfylkingar.
Þar sem Samfylkingin tapaði fylgi var fólk að lýsa andstöðu sinni við inngöngu í Evrópusambandið.
Framsóknarflokkurinn tapaði fylgi af því ENGINN veit hvað þessi flokkur stendur fyrir annað en að komast til valda.
Þar sem VG tapaði fylgi voru menn að refsa þeim fyrir að geta ekki komist að samkomulagi um nokkurn skapaðan hlut og vera almennt á móti atvinnuuppbyggingu.
Þar sem Sjálfstæðisflokkurinn tapaði fylgi voru menn að refsa þeim fyrir að hafa borið ábyrgð á Hruninu, sem þeir og gera.
Sérframboð gamalla atvinnupólitíkusa röknuðu upp af því að atvinnupólitíkus er annað orð yfir mann sem er búinn að klúðra ferli sínum.

Ég held að þegar á allt er litið séu niðurstöður kosningana þessar:

Flokkakerfið er búið að vera. Það ætti að banna pólitíska flokka, þeir eru í eðli sínu spilltir og getulausir. Hvernig einstaklingskosning fer fram er ekki mitt að ákveða. Hvort sem okkur hugnast sú leið að allir séu í framboði eða einn flokkur í boði að hætti kínverskra skiptir ekki máli. Það sem skiptir máli er að hagsmunamál þjóðarinnar og einstakra sveitarfélaga séu ekki býttispjöld siðblindra einstaklinga sem komast til valda í gegn um klíkuskap. Svo er það alveg ræpuljóst að flokkspólitíkur muni í framtíðinni verða minnst sem mesta eiginhagsmunapots-kerfis í veröldinni.

Svo mörg voru þau orð.

Júró tvö

2010-05-28T00:07:00.006Z

Er sæl og ánægð með seinni undankeppni Júró. Hí á Svía. Skildi hvort eð er ekkert í þeirra framlagi. Reyndar skildi ég ekkert í Tyrkneska framlaginu heldur en það er nú önnur saga.
Nú spyr maður sig hinsvegar hvernig lördagsaftaninn fari? Ég held auðvitað með Heru, kommón annað væri rugl. En ég held líka pínku með Rússum. Mér fannst það prýðilegt fram-lag.
Írska lagið var náttúrulega bara rugl, eppik feil.
Og hvað var með Ísraela? Þó ég hefði tekið upp geyspið í sjálfri mér og hlustað á það, hefði það sennilega ekki valdið mér eins mikilli vanlíðan að hlusta á, eins og þetta breimavæl sem tókst á einhvern undraverðan hátt að hitta aldrei á neitt sem hefði mátt kalla laglínu. Vááá hvað ég þoldi það EKKI.

Ég held að eitthvað lag sem er svo venjulegt að ég er búin að gleyma því, verði sigurvegarinn í ár. Þannig var það í fyrra. Ég man ekki ennþá hvernig það lag er, nema það er fiðluspil í því.
Það má líka gera ráð fyrir því að Grykkir fari langt, svaðalega smjörkúkslegt sjó hjá þeim sem dillast alveg prýðilega.

Það sem er mest gaman við þessa keppni í ár er að sitja heima og syngja kristilega rokktexta við öll dramatísku lögin sem eru með, það svínvirkar. Og er alveg ógislega fyndið. Cartman og Faith+1 hafa þarna um auðugan garð að gresja. Jibbíkóla.

Að lokum verð ég að koma aðeins inn á það hversu frámunalega stórkostlega yndislegt það er að geta setið heima hjá sér og diskúterað búninga, dansara, brjóst sem eru við það að skoppa uppúr, lúðarokkara, vindvélar, yfirdram og hallæri án þess að neinum sárni. Þetta er það kvöld ársins sem ég skemmti mér hvað best, hlæ sem hæst og fæ að fagna því að vera Íslendingur í hvert skipti sem einhver gefur okkur stig.
Þó það sé bara tvisvar.

Guð blessi Ísland - Best í Heimi

Óreiðukenndar tilraunir

2010-05-27T15:32:00.004Z

Mér er svo oft spurn.

Ég er að reyna að skilja samfélagið, mennina, náttúruna og Tilganginn, bara. Og eftir því sem ég zen-jóga þetta meira, verð ég vitrari og sáttari. Og það lagar heiminn og hjarta mitt slær pottrólegt og minnir mig á að ég þarf að hugsa betur um það.
Lífið er nöturlegt. Að minnsta kosti hjá allt of mörgum sapíens á Jörð. Það annað hvort skortir andlega eða líkamlega næringu og hættuleg hörguleinkenni láta á sér kærla.
Ég sé gjarnan hluti fyrir mér. Hausinn á mér er eins og kvikmyndaver með athyglisbrest. Og mér þykir gott að sjá okkur sapíens fyrir mér sem tegund lífvera á plánetunni Jörð. Sem við erum.

Allar lífverur jarðar (og sennilega allar lífverur allsstaðar) eiga það sameiginlegt eitt, að vera hannaðar til að komast af í umhverfi sínu. Og þessi hæfileiki viðheldur tegundunum.
Í ljósi þessa er mikilvægt að velta því aðeins fyrir sér af hverju sapíens hefur þróast eins og raunin er. Við höfum þekkingu til þess að rústa heimkynnum okkar og nýtum hana leynt og ljóst í botn. Og það er kála okkur. Sem tegund erum við líka að klúðra algerlega þeirri reglu náttúrunnar að tilgangurinn sé að komast af. Við göngum af stórum hluta tegundarinnar dauðum með græðgi sem einkennir barnið og þann andlega vanþroska. Þetta er í meira lagi sorglegt.

Sjáum fyrir okkur akur. Sjáum fyrir okkur gullið korn vagga í vindinum. Sjáum fyrir okkur mömmu með tvö börn að sleppa nokkrum hamstraungum frjálsum aftur úr í náttúruna í nafni dýraverndunar. Sjáum fyrir okkur hamstraungana vaxa og dafna og fjölga sér. Fallegt.
Sjáum fyrir okkur akurinn veikjast og hverfa hægt og rólega eftir því sem fleiri hamstrafjölskyldur blómstra í krúttleika sínum. Og sjáum svo fyrir okkur börn bóndans reyna að sofna með tóman maga. Og spikfeitan kött þvo sér í sólskyni.

Hvaða lærdóm má draga af þessari sögu?

Kannski er sapíens hamsturinn í þessari sögu. Kannski þurfum við að dreifa okkur og háma í okkur aðrar lífverur annars staðar til þess að komast af. En til þess að það megi gerast, verðum við að sætta okkur við að vera hluti af náttúrunni. Að það sé engin trygging fyrir því að við komumst héðan áður en við stútum plánetunni. Og þá erum við enn ein tegundin sem rann út í sandinn og hvarf. Sorglegt.

Ég hef þá trú að þegar við finnum plánetu sem hentar okkur, eigum við eftir að þurfa að yrkja hana í mörg hundruð ár áður en við getum lagt hana undir okkur.

Og kalliði mig bara geðveika.

RÚV

2010-05-25T22:42:00.003Z

Maður verður nú að tjá sig um keppnina í ár, er það ekki?

Í fyrsta lagi: VIÐ KOMUMST ÁFRAM! HÚRRA!

Í öðru lagi:

Er alveg merkilegt hvað fólk finnur sig knúið til að drulla yfir þessa keppni. Ég hefði haldið að það væri alveg nóg að slökkva á sjónvarpinu eða skipta bara um stöð. Einfalt mál.
En neeeeei. Það þarf að auglýsa hámenningarlegt fegurðarskyn sitt rækilega. Og gera lítið úr Öllum sem eru svo Vonlausir og Glataðir að virkilega Fíla þessa keppni. Af því að Ótýndur Almúginn grillar og gerir sér glaðan dag og Hatar ekki RUV einn dag á ári.

Mér þykja þeir sem drulla yfir Evróvisjón vera óþolandi hrokapakk sem kann sig ekki.

Og ef menn eru að agnúast yfir einhverjum kostnaði þá langar mig að benda á að Ólympíuleikarnir kosta okkur MIKLU MIKLU meira. Vetrar og sumar. Og aðrir hunddreplegir íþróttaviðburðir, allt frá hestaíþróttum til golfspilunar. Og allt þar á milli.
Að ég tali nú ekki um samnordíska framhaldsþætti og evrópskar jaðarkvikmyndir. Gubb.
Svo þykir mér trúlegt að fræðsluefni eigi ekki beint uppá pallborðið hjá öllum og sitt sýnist hverjum um íslenska dagskrárgerð. Kastljósið og Silfur Egils. Maður spyr sig.

En það dásamlega er, að við eigum ennþá RUV. Sem sýnir þetta allt og gerir þannig næstum allri þjóðinni til geðs. Það er ekki búið að einkavæða þennan ríkisfjölmiðil sem gegnir því mikilvæga hlutverki að ná til allra landsmanna, til sjávar og sveita. Er öryggisventill þegar allt er á hraðleið til Fjandans. Það eru nefnilega ekki allir landsmenn að dunda sér við það að stela efni af internetinu og ég trúi því, rétt eins og KFC agiteraði fyrir, að maður eigi að velja fjölbreytt. Maður hefur gott af því. Það stækkar í manni heilabúið. Og maður kannski heimskast ekki eins rækilega eins og þegar maður festist í einni sápu.

En það er mín skoðun allavegana.

Áfram RÚV, þið rokkið...

Laugardagur til lukku

2010-05-22T15:33:00.002Z

Mikið er nú gott að vera heilsuhraustur á laugardegi. Með Engan móral. Jibíkóla.

Búin að fara á fund og stefnan tekin á sund. Langar að fara og kíkja á kosningaskrifstofur en tel fremur ólíklegt að afkomendur mínir hafi áhuga á því.

Það er gaman að pæla í hinu og þessu. Núna er ég einmitt að pæla í því hversu miklum peningum verður sóað í þessa kosningabaráttu. Hvernig hefði verið hægt að verja þeim peningum til þess að gera borgina betri og hvort frambjóðendur geri sér grein fyrir að bruðl eins og þetta er einmitt það sem þjóðin er búin að fá sig fullsadda af. Að ausa takmarkalaust í auglýsingar sem lofa öllu fögru og allir vita að aldrei verður staðið við. Sama helvítis siðblinda hyskið að reyna að tryggja sig inn í heim þar sem hægt er níðast á fátækum, moka undir rassgatið á sér og jafnvel hægt að stökkva inn á Alþingi í drulluslaginn og viðbjóðinn sem þar lýðst. Oj bara.

Ég ætla að varpa sprengjunni.

Ég held að það sé tími til komin að konur stjórni þessu landi.
Bara konur.
Helst engir karlar.
Og sérstaklega aldraðar konur.

Ef það verða endilega að vera karlar með í ráðum þá eiga þeir að vera aldraðir öryrkjar.

Og ef út í það er farið held ég svei mér þá að konur ættu að stjórna heiminum.
Karlar eru eiginlega búnir að klúðra þessu öllu.
Og hana nú...

Þjóðarskútan

2010-05-19T23:27:00.003Z

Frrráábær dagur.

Við Heimasætan geystumst borgarenda á milli og erindrekuðum, svo fékk ég báðar mágkonur mínar með mér á rúntinn og út að borða. Nammigott.

Kvöldið var svo tekið undir hlátur-jóga, sem svínvirkar n.b.

Mig langar að koma þeirri skoðun minni á framfæri hér að ALLIR flokkar nema sá BESTI hafa svikið þjóðina. Trekk í trekk í trekk í trekk.

Að þetta helvítis hyski skuli voga sér að kalla BESTA framboðið lélegan brandara er mér fullkomlega fyrirmunað að skilja.

Dæmi um lélegan brandara er ástandið á velferðarkerfinu en sá djókur hætti að vera fyndinn fyrir svo óheyrilega löngu að mér er óglatt af tilhugsuninni.

Ef einhver siðferðisvottur væri til í íslenskum pólitíkusum myndi Alþingi setja lög sem banna framboð allra einstaklinga og venslafólks þeirra, hvort sem er til sveitastjórna eða til Alþingis, sem hafa átt þar sæti fram að þessum kosningum. Vorhreingerningu Takk.

Jón Gnarr gæti ekki, þrátt fyrir einbeittan brotavilja, klúðrað málum eins fokking hressilega og þjóðarskútuskipstjórar síðustu ára. Og ef menn ætla að réttlæta vesældóm sinn og aðgerðarleysi með einhverri andskotans sjóveiki þá er það klárt mál að við þurfum áhöfn sem er töggur í en ekki veikburða dusilmenni og aumingja.

Aftur á bloggið

2010-05-18T22:25:00.002Z

Jesús Pjétur í allan vetur hvað þessi dagur er búinn að vera geðveikur. Í alla staði. Ég er ekki frá því að næstum öll mín vandamál hafi raknað upp af sjálfu sér og kærleikur og hamingja streyma í þvílíkum boðaföllum í átt til mín að ég er bara klökk af þakklæti.

Ég elska ykkur góða fólk, það er bara þannig.

Rokkstig dagsins fá samt sem áður heittelskuð mágkona mín og bróðir hennar fyrir að hafa læknað bílinn minn, einn tveir og bingó. Þið eruð ÆÐI!

Og systir mín er orðin áskrifandi af rokkstigum...

Ég skrapp á fund, þann fyrsta af níutíu á níutíu dögum, og fer vel á því.

Ég bið þess að Guð (samkvæmt skilningi mínum á honum) veri með ykkur, hvar svo sem þið eruð....

Vogur og Vík

2010-04-19T11:33:00.002Z

Ég áttaði mig á því í morgun þegar ég var útskrifuð af sjúkrahúsinu Vogi að ég á bara alls enga vini lengur. Mér datt enginn í hug til þess að hringja í og biðja um að sækja mig og koma mér heim. En það er nú eiginlega bara mér að kenna, ég skal nú alveg viðurkenna það.

Það er rosalega skrýtið að vera búin að koma sér í þessa stöðu.

En ég á fjölskyldu, Guði sé lof og dýrð.

Nú fer ég upp á Vík og læri að vera eins og annað fólk og eftir það heldur stuðningur SÁÁ áfram og eins prógram AA samtakanna.

Ég er þakklát þessa dagana.

Ég á heilbrigð og falleg börn
ég á fjölskyldu
ég á heimili
ég hef heilsu
ég á framtíð
og um fram allt á ég von.

Ég bið alla þá sem ég hef sært að hinkra við, ég er rétt að leggja af stað nýjan veg sem ég kann ekki ennþá alveg að feta. Ég veit að ég hef brugðist ykkur og sært ykkur en ég kann ekki að laga það, a.m.k. ekki ennþá.

Það var aldrei ætlun mín að svona færi, því get ég lofað.

Ef þið eigið ástvini í neyslu langar mig að trúa ykkur fyrir því að þegar þið eruð mest óttaslegin og ráðalaus gagnvart fíkli í neyslu, þá þarf hann mest á umburðarlyndi ykkar og skilningi að halda. Ekki reyna að stjórna eða þvinga, það hefur ekkert upp á sig. Hann er fárveikur og verður að ákveða sjálfur hvort hann ætlar að gefa lífinu von eða halda áfram stjórnlausum flótta frá heimi sem hann fúnkerar enganveginn í og fólki sem hann elskar og getur ekki horfst í augu við af skömm.

Mörg okkar einfaldlega deyja á þessu kapphlaupi, aðrir kjósa að lifa.

Guð blessi ykkur, hvort sem ykkur líkar betur eða verr...

Hvað heldur þú? Er nauðsynlegt að skjóta þá?

2010-03-17T14:20:00.002Z

Á Grænlandi búa rúmlega 56.000 manns, þar af rúm 13.000 í Nuuk(tölur frá 2001). Sagt er að um 15.000 manns búi nú í Nuuk. Reyndar er álitið að talsvert fleiri búi í Nuuk, en þar er búið mjög þröngt því húsnæði vantar tilfinnanlega. Allar tölur sem vísað er í hér að neðan í köflunum um áfengi, hass, ofbeldi, sjálfsmorð, þyngd, kynlíf og reykingar eru teknar úr nýrri heilbrigðisáætlun stjórnvalda árin 2007-2012 (Folkesundhedsprogram, Landsstyrets strategier og malsætninger for folkesundheden 2007-2012) og eru því opinberar tölur grænlenskra stjórnvalda. Tölur í köflunum heilbrigðismál og sjálfstæði eru tölur sem ég punktaði niður í fyrirlestrum sem haldnir voru fyrir velferðarnefndina og eru því á mína ábyrgð. Neðsti kaflinn í þessari yfirferð er fréttatilkynningin sem velferðarnefnd Norðurlandaráðs sendi frá sér eftir fund sinn á Grænlandi.

Áfengi, hass:
Árið 2005 neyttu Grænlendingar eldri en 15 ára 12,5 lítra alkóhóls/ári sem er sama neysla og í Danmörku. Danir og Grænlendingar eru talsvert mikið yfir neyslu annarra norrænna ríkja.
Hass er útbreitt á Grænlandi aðallega meðal karla og ungmenna. Önnur eiturlyf fyrirfinnast varla.
Árið 2004 hafði þriðjungur barna yngri en 14 ára orðið drukkinn. Grænlendingar setja markið á að koma þessari tölu niður í 10% árið 2012.
Árið 2003 hafði fjórðungur barna 14-17 ára prófað hass. Þessari tölu vilja þeir einnig ná niður í undir 10% árið 2012.
Árið 1998 hafði fimmtungur unglinga sniffað . Þessari tölu vilja þeir ná niður í u.þ.b. núll árið 2012.

Ofbeldi(vold) :
48% karla og 47% kvenna á Grænlandi hafa orðið fyrir ofbeldi eða alvarlegri hótun um ofbeldi.
Árið 2005 voru 775 slík tilfelli tilkynnt lögreglu.
30% karla og 27% kvenna höfðu orðið fyrir grófu ofbeldi s.s. spörkum, vera sleginn með hnefa eða hlut, vera kastað á húsgagn, í vegg eða niður tröppur, vera tekinn kverkataki eða lent í hnífa- eða skotvopnaárás.
Í Grænlandi eru 6-7 sinnum fleiri ofbeldistilkynningar heldur en í Danmörku og Færeyjum og 14-18 sinnum fleiri tilkynningar um blygðunarbrot (sædelighedsforbrydelser) en í sömu löndum.
Árið 2004 höfðu 28% stúlkna orðið fyrir kynferðislegu ofbeldi og 9% drengja.

Sjálfsvíg:
Sjálfsvíg eru ein meginástæða þess að meðalaldur er lægri á Grænlandi en á hinum Norðurlöndunum meðal karla. Hæst tíðni sjálfsvíga í heiminum er meðal Grænlendinga og Inúíta í Kanada. Á síðustu 50 árum hefur tíðni sjálfsvíga meðal ungra karlmanna í Grænlandi hækkað verulega (dramatisk stigning), en þó verið stöðug frá 1990. Um 50 manns falla fyrir eigin hendi árlega og karlar 3-4 sinnum oftar en konur, sérlega ungir karlar. 50% Grænlendinga hefur átt fjölskyldumeðlim eða vin sem fallið hefur fyrir eigin hendi.
27% Grænlendinga á aldrinum 18-29 ára hefur alvarlegar sjálfsvígshugleiðingar, þó sérstaklega ef viðkomandi býr við áfengisnotkun á heimili eða kynferðislega misnotkun. Ef þetta tvennt fer saman hækkar talan í 80%.

Þyngd:
Grænlensk börn eru þyngst miðað við sambærilega aldurshópa í Evrópu. Árið 2002 voru 20% drengja of þungir og 19% stúlkna. Á landsbyggðinni eru sömu tölur 31% hjá drengjum og 33% hjá stúlkum.

Kynlíf:
Ótímabær þungun (uönsked graviditet) er vandamál í Grænlandi. Næstum 50% þungana lýkur með fóstureyðingu. Dreifing er nokkuð jöfn meðal aldurshópa og er í öllum þjóðfélagshópum.
Kynsjúkdómurinn klamydía er jafnframt útbreiddur, tíðni hans hafði lækkað fyrir stuttu, en fer vaxandi aftur nú miðað við nýjustu tölur.
63% 15 ára unglinga hefur sofið hjá.

Reykingar:
Reykingar eru afar útbreiddar en fara minnkandi. Í dag reykja 64% Grænlendinga. Sama tala í Danmörku er 25%. Grænlendingar stefna á að ná þessari tölu niður í 40% árið 2012. 12% 11 ára drengja hafa reykt og 24% 11 ára stúlkna. Sömu tölur í Danmörku eru 15% drengja og 9% stúlkna.
50% unglinga 15-17 ára reykja daglega í Grænlandi en 14-16% í Danmörku.

Heilbrigðismál:
Tíðniberkla fer vaxandi í Grænlandi. Að sögn fjölskyldu- og heilbrigðisráðuneytisins eru 10-12% skólabarna með berklaveiruna í sér. Þau eru ekki öll smitberar, en virkir smitberar eru í samfélaginu og endurspeglast það í þessari háu tölu.
Í Nuuk er starfandi 41 læknir, aðallega á sjúkrahúsinu. Þar af eru 4-5 grænlenskir læknar á sjúkrahúsinu. Erfitt er að manna sjúkrahúsið svo einungis eru framkvæmdar bráðaaðgerðir í Nuuk. Lengsti biðlistinn er vegna mjaðmaskipta, um 8 ár. Starfsmaður sem heimsótti sjö byggðir nýlega í Grænlandi lýsti því þannig að ungbarnadauði færi minnkandi(er þó 3 sinnum meiri en í Danmörku) og fóstureyðingum fækkaði. Fóstureyðingar eru enn algengar en fóstureyðingar voru færri en fæðingar í einungis í einni af þeim sjö byggðum sem heimsóttar voru. Í hinum sex eru ennþá fleiri fóstureyðingar en fæðingar.

Grænlendingar eru að byggja upp umfangsmikið net fjarlækninga (telemedicin) þar sem ófaglærður starfsmaður sem fær þjálfun á parti úr degi, verður fær um að skoða sjúkling með fjartæknibúnaði og sendir hann svo myndir til sérfræðinga í Nuuk, Danmörku eða annað til aflestrar.

Erfitt er að manna læknastöður á landsbyggðinni þrátt fyrir góð launakjör. Svo virðist sem læknar vilji ekki eða þori ekki að bera ábyrgð á íbúum byggðanna fjarri búnaði og aðstoðarfólki. Sérhæfing lækna veldur því að þeir sækjast ekki eftir því að starfa í byggðunum þar sem þeir gætu þurft að skera upp eða gera annað sem þeir eru ekki sérmenntaðir til. Líklegt má telja að þar spili einnig inn í líkurnar á að staðna í eigin fræðigrein og getu ef þeir eru fjarri möguleikum á sívirkri endurmenntun. Nú eru um 25-30 Grænlendingar í læknanámi í Danmörku sem menn binda miklar vonir um að skili sér heim að námi loknu.

Dýrt er að kalla til þyrlu til að sækja sjúklinga ef með þarf. Slíkt sjúkraflug kostar um 250.000-500.000 DKK eftir því hvar sjúklingurinn er staðsettur. Um 1.400 manns vinna við heilbrigðisþjónustun á Grænlandi þar af um 450 á sjúkrahúsinu í Nuuk. Danir greiða um 1 milljarð danskar króna á ári fyrir heilbrigðiskerfið í Grænlandi, en alls er svokallað bloktilskud Dana (fjárframlag Dana til grænlenska samfélagsins) rúmlega 3 milljarðar danskra króna á ári, þ.a. heilbrigðiskerfið er 1/3 af því.

Örblogg

2010-01-12T13:59:00.003Z

Mér datt sí svona í hug að kaupa mér vikuna í gær. Og las hana mér til yndisauka upp til agna. Og langar að þakka Vikunni fyrir að vera til. Mér þykir þetta blað vera sennilega besta kvennablað sem ég hef skoðað. Í blaðinu eru viðtöl við alvöru konur og eins eru forsíðumódelin úr röðum venjulegra kvenna. Ég held að blaðinu sé alls ekki ætlað að vera menningarhornsteinn í samfélaginu, heldur fremur til upplýsingar og afþreyingar.

Allavega fá Vikukonur og menn rokkstig dagsins

Reykhás-heilkennið

2010-01-10T18:28:00.003Z

Ég eins og svo margir Íslendingar um þessar mundir, þjáist af nettu Reykás-heilkenniskasti. Málið er, að þrátt fyrir stöðuga umræðu um Icesave, er maður réttsvo að ná þessu og endalaust að heyra nýjar og nýjar fréttir sem margar hverjar eru svo rosalegar að maður skiptir um skoðun. Trekk í trekk.

Eins og staðan er núna, vil ég alls ekki borga krónu vegna Icesave. Að minnsta kosti ekki fyrr en Bretar skila öllu þýfi úr British Museum til síns heima.

Það er gaman að vera til þessa dagana. Ég bókstaflega elllska vinnuna mína og er einhvernveginn allveg full af orku og gleði. Heimasætan dettur inn í skólann á morgun og verður nemandi í FB. Þá geta þau Mikki heilsast á kantinum, þrátt fyrir að Mikki minn sé fluttur í Hafnarfjörð í Fullkomið Hús Á Fullkomnum Stað (það örlar kannski ööörlítið á afbrýðisemi þarna).

Hvað sem allri pólitík líður, held ég að þjóðin þurfi og sé að byrja að gera, er að fara í naflaskoðun, enduræsa og uppdeita siðferðisvitundina og horfa aftur til gamalla gilda eins og sannsögli, heiðarleika, dugnaðar, nágungakærleika og hófsemi.

Þannig hljómar hið heilaga orð.

Í fúlustu alvöru

2010-01-06T16:04:00.002Z

Hefur enginn á þessu landi húmor fyrir því að fokka aðeins í Tjallanum?

Jóhanna Sigurðardóttir verður að viðra þá skoðun opinberlega að Íslendingar geti ekki verið í hernaðarbandalagi með ríki sem sem skilgreinir íslenzku þjóðina sem hryðjuverkamenn og úrsögn úr bæði Schengen og Nato sé í skoðun. Að til standi að ræða við Kínverja og Rússa um loftrýmisgæslu og gagnkvæm viðskipti.

Ég þori að veðja að Obama verður búin að segja Mr. Brown að láta undan öllum okkar kröfum innan klukkutíma. Og treystið mér þegar ég segi að Mr. Brown muni hlýða.

Við getum ekki látið breta kúga okkur til hlýðni með frekju og fasisma, fjandinn hafi það.

2010-01-05T14:23:00.003Z

Nei.
Ég styð ekki Icesave frumvarpið.
Og hvers vegna ekki?
Af því að ég ber enga ábyrgð á bankahruninu.
Og af því að ég hef enganveginn ráð á að borga annara manna skuldir.
Og af því að ég var á móti því hvernig var staðið að einkavæðingu bankanna.
Og af því að innlend stjórnvöld á tímum góðæris lögðu blessun sína yfir aðferðir útrásarvíkinga.
Og af því að stjórnvöld erlendis lögðu blessun sína yfir aðferðir útrásarvíkinga.
Og af því að eins og málin líta út í dag virðist ríkisstjórnin alls ekki vita hvað hún er að gera.
Og af því að ég trúi á íslensku þjóðina, að hún rísi upp úr volæðinu og nái sér á strik.

Það er náttúrulega skandall að menn skyldu, yfir höfuð, samþykkja að borga gjaldþrotaskuldir einkafyrirtækis, hvar sem það er nú skráð til starfa. Þetta er algert prinsipp mál og fordæmisgefandi á heimsvísu.

Segjum sem svo:

Vífilfell framleiðir nýjan drykk og setur á markað. Hluti framleiðslunar reynist eitraður og í framhaldinu deyr fjöldi íslendinga og nokkrir í Færeyjum.
Vífilfell getur ekki staðið undir bótakröfum innanlands og fer í gjaldþrotameðferð.
Geta þá færeyjingar heimtað skaðabætur af íslenskum stjórnvöldum?
Eða munu bandaríkjamenn borga brúsann af því að þaðan er varan komin upphaflega?

Jah! maður spyr sig

Föstudagspistill 1.1

2009-12-18T13:19:00.002Z

Ég varð vitni að svo miklum hryllingi í morgun að ég læt duga í dag að deila með ykkur

Þessu !

Ég held að þarna sé á ferðinni flottasta stuttmynd sem ég hef á ævi minni séð.....

Og hún vekur mann sannarlega til umhugsunar um hversu varnarlaus við erum hérna mannfólkið. Ef....

Ég sendi hugheilar kveðjur helgar og frís til handa öllum sem eru í gúddí fíling á föstudegi....

Föstudagspistill

2009-12-11T15:29:00.002Z

Nú fer í hönd næst mesta geðveikishelgi desembermánaðar og ljóst að það styttist í hátíð ljóss og friðar. Við fjölskyldan ætlum að hafa það huggulegt. Við buðum henni Gullunóu að koma og gista og þá verður sko eldaður grjónagrautur með rúsínum og höfð köld lifrarpylsa með, kjams.
Mikki er mættur og hurfu þau heimasætan til móts við Youtube inni í herbergi svo gamla gæti fengið sér kaffisopa og sígó í ró fyrir framan tölvuna.

Annars eru fáein verkefni sem þarf að kljást við um helgina, eins og að baka piparhökuhús og skreyta, baka smákökur, kaupa Buffy the vampyer slayer season 6, þvo og strauja jóladúka, pakka jólagjöfum, fara í afmæli, þvo þvottinn, borða á KFC, kaupa jólagjafir, skrifa jólakort og finna heimilisföng á ja.is, skipta um kattarsand, horfa á Buffy the vampyer slayer og fara yfir bókhaldið...árs...

Við tökum þessu nú samt með stóískri ró og höldum okkur fjarri allri streytu og öndum í gegn um nefið. Halelúja.

Megi friður ríkja yfir yður þessa helgina strops og andi Guðs svífa yfir vötnunum....

Eyrún hin Upplýsta

2009-12-09T13:52:00.003Z

Mig langar að pósta hérna tilmælum til þeirra er málið varðar:

Í sjálfrennireið yðar er að finna litla svarta stöng. Hún er staðsett vinstra meginn við stýrið að ég held (hin stjórnar rúðuþurrkunum) og hefir þann tilgang einan, að senda skilaboð til annara í umferðinni með því að senda tilfandi ljósmerki frá sér.
Þetta er gert þannig, að þegar þér hafið tekið ákvörðun um að beygja, hvort sem er til hægri eða vinsri, þrýstið þér nærri endanum á þessari stöng annað hvort upp (sem kveikir til hægri) eða niður (sem kveikir þá að sjálfsögðu vinstri) eftir því sem við á.
Þér framkvæmið svo beygjuna þegar nálægt fólk í umferðinni hefur fengið ráðrúm til þess að bregðast við.

Þess má geta að notkun þessa búnaðar er lögbundin og geta brot á þessum lögum varðað amk. sektum.

Góðar stundir

Steingeitin

2009-11-13T17:31:00.003Z

EINKENNI
Lykilorð: Metnaður
Pláneta: Satúrnus
Höfuðskeppna: Jörð
Litur: Svartur, dökkgrár
Málmur: Blý
Steinar: Svartur ónyx, obsídían
Líkamshluti: Hné, liðamót, húð, bein

Frægar steingeitur
Davíð Oddsson, Nicolas Cage, Ólafur Skúlason, Nixon, Henri Matisse, Janis Joplin, Mao, Bjarni Felixson, Anthony Hopkins og Denzel Washington.

STEINGEIT
Steingeitin rennur oftast saman við fjöldann, því hún er bæði hógvær í klæðaburði og framkomu. Steingeitur skeyta lítið um tískufyrirbæri og klæðast oft íhaldssömum, dökkum fötum úr vönduðu efni, jafnvel þegar þær fara í samkvæmisskrúðann.
Þær eru iðjusamar og þægilegar í viðmóti, vinna skipulega að langtíma markmiðum og stefna að því að öðlast viðurkenningu og virðingu fyrir erfiði sitt. Steingeitin er þolinmóð og yfirleitt metnaðargjörn, einræn og seintekin, en trygg vinum sínum og fjölskyldu og mjög áreiðanleg í öllum samskiptum.
Veraldleg gæði, vegtyllur og vald skipta Steingeitina miklu máli og hún er íhaldssöm á umhverfi sitt og á bágt með að sætta sig við breytingar. Steingeitinni lætur best að vinna þar sem hún getur hækkað í stöðu, en ef hún starfar innan stjórnmálaflokks, hentar henni betur að aðrir standi í sviðsljósinu á meðan hún hefur sjálf töglin og hagldirnar á bakvið tjöldin. Í íþróttum heillast hún yfirleitt af greinum, þar sem hún þarf að sigrast á erfiðleikum, t.d. fjallgöngum eða skíðagöngum.
Steingeitinni hættir til að halda óþarflega mikið aftur af tilfinningum sínum og sjálfsagi hennar og sjálfsafneitun gengur oft út í öfgar. Hún ætti að reyna að vera næmari á þarfir annarra og tilfinningar og losa sig við stífni og óþarfa hlédrægni, en það stafar oft af erfiðri æsku.

Og þá er það á hreinu...

Góða helgi

Hinir "Brjálæðislegu ofurskattar"

2009-11-12T10:58:00.003Z

Þeir sem eru með 150.000 kr. í mánaðalaun borga 1.650 kr. minna.

Þeir sem eru með 300.000 kr. í mánaðarlaun borga 800 kr. minna.

Þeir sem eru með 400.000 kr. í mánaðarlaun borga 3.100 kr. meira.

Þeir sem eru með 600.000 kr. í mánaðarlaun borga 16.900 kr. meira.

Þeir sem eru með 1.000.000 kr. í mánaðarlaun borga 32.500 kr. meira.

Afsakið, en ég hef aldrei á æfi minni séð eins réttláta skattlagningu

Fyrir 1650 kr. mínar ætla ég að kaupa mat í Bónus

Lengi lifi brjálæðislegir ofurskattar

Neyðin kennir naktri konu að spinna

2009-11-11T14:19:00.002Z

Mamman og Heimasætan

Þannig fór um sjóferð þá:

Ég skrapp til Ítalíu að athuga hvort allt væri ekki við hestaheilsu og hamingju. Fann þar allt og alla í gúddí fíling og næslegheitum.

Innbyrgði svo geysilega menningu í Feneyjum að kalla má hálf-frelsun og svo má ekki gleyma að nefna alla söguna, arkítektúrinn, mannlífið, náttúruna, dýralífið, verzlanirnar, matinn og Guð.
Ég held að Guð búi á Ítalíu. Allavega virðist fólkið vera í svakalega góðum tengslum við hann þar.

Og mér opnuðust augu. Á norður Ítalíu virðast allir vera fallegir, bótoxaðir, grannir, ríkir og hamingjusamir. Velmegun Guðs kristallast í Péningum og allir gasalega happí með það, meira að segja þó svo að Cosa Nostra og Berlusconi ráði til helmings við Páfa-gaukinn í Róm. En sennilega eru þeir allir vinir.

Mér var lengi ekki ljóst hvaðan allir þessir peningar og hamingja komu. Ekki frá landbúnaði eða sjávarútvegi. Ég sá ekki eitt einasta tölvufyrirtæki. Ég trúði ekki að landinn lifði á tísku, ölgerð eða bankaútrás. En þá fór ég í ferðalag.

Og ég sá hvaðan peningarnir komu. Þeir koma frá kjarnorkuvæddum þungaiðnaði og eiturefnagerð. Sæll.

Við þessa hugljómun kom ég mér upp nýrri skoðun:

Þeir sem vilja vera ríkir eins og í góðæri hérna heima við sundin blá, verða að gleyma því að eiga hreint land. Verða að gleyma því að Evrópusambandið lappi upp á efnahaginn (Ítalir eru í því), verða að átta sig á því að peningarnir verða til með framleiðslu og útflutningi. Og þá dugar hvorki hreindýramosi né íslensk hönnun.

Gaman að því.

Guð veri með ykkur

Ég varð að deila þessu...

2009-10-22T22:47:00.002Z

í boði Visis púnktur is:

Þúsundir fólks hefur látið lífið vegna hringja sem þessa

Morgunblaðið

2009-09-21T23:11:00.002Z

Ég hef alltaf kunnað að meta Moggann. Hann á sinn sess í menningarlífinu og rútínunni. Og jafnvel hátíðarvenjur eins og myndgátan á jólunum.

Af pólitískum ástæðum er ég hér með hætt að kaupa og lesa Morgunblaðið og ætla aukinheldur að sniðganga mbl.is

Og ef ég drepst, ætlast ég til að það verði tilkynnt í Fréttablaðinu.

Sveimérþá

Tjallinn er klikkaður...

2009-09-18T15:15:00.002Z

Tjallin er klikkaður að halda að við Íslendingar ætlum að leyfa þeim að valta yfir okkur með frekju og dónaskap og sætta okkur við að fjármálalagareglubullið sem þeir sömdu sjálfir og buðu íslenzka banka velkomna að starfa undir, sé í fyrsta lagi okkar mál sem þjóðar og í öðru lagi að kalla okkur sem þjóð, hryðjuverkamenn.

Fokk jú.

Má bjóða ykkur að gerasvovel að steinhalda trantinum á ykkur saman og gleyma því að gefið verið frekar eftir varðandi æseif.

Ágætu Íslendingar!

Segjum okkur úr Nató og fáum Rússa til að sjá um loftrýmisgæslu.

Þetta samstarf okkar í Nató er innihaldslaust gjálfur þar sem aðildarríki sjá ekkert að því að smáþjóðir séu kallaðir hryðjuverkamenn og teknir án athugasemda í boruna af heimsveldi sem vant er að kúga smáþjóðir og þjóðarbrot.

Meira sull...

2009-09-17T18:21:00.002Z

Ekkert smá kúúúl fjölskylda, finnst ykkur ekki?

Myndasull

2009-09-16T21:17:00.007Z

Nokkrar gamlar krakkamyndir, jei!

Það er alveg ótrúlegt að þau séu orðin þrettán og að verða sautján, djæs.

Taut

2009-09-15T18:42:00.001Z

Tíhí, þetta er fyndin mynd...

Ég sem alltaf hef skoðanir á öllu hef ekki beinlínis verið að flíka þeim síðastliðið ár. Bloggið er búið að vera í dauðatygjunum full lengi og tímabært að reyna að blása í það svolitlu lífi.

Aðgerðir stjórnarinnar til góðs íslenzkri alþýðu, hafa látið á sér standa og í stað þess að einsetja sér að finna lausnir í atvinnumálum landans og fjárhagslegri endurskipulagningu í ríkissjóðum hafa menn sólundað dýrmætum tíma í eitthvað helvítis ESB kjaftæði sem meirihluti þjóðarinnar hefur engan áhuga á að ganga í samkvæmt nýjustu könnunum. Launalækkanir örfárra ríkisstarfsmanna, flugbeittur niðurskurður í velferðarkerfinu og dugleysi í samningaviðræðum er ekki alveg nóg til þess að ég kunni við það að kalla mig vinstrisinnaða en ef fer fram sem horfir,, verða það einstaklingar sem með dugnaði rífa þjóðina upp en ekki ríkisstjórnin.

Legg ég á og mæli um að ríkisstjórn Íslands hysji upp um sig brækurnar og komi niður á fast land og fari að fokking vinna að lausnum á skuldum Íslendinga. Fjandinn bara hafi það!

Það er ekki hafandi eftir hvursu fráleitar og vanhugsaðar tillögur reykingaforvarnarsérfræðinga eru. Í besta falli er þessi nefnd mönnuð fólki sem á við alvarlega greindarskerðingu að stríða, en í versta falli einbeittur brotavilji gegn þeirri frumkröfu að fólk eigi að ráða lífi sínu sjálft.

Þetta er ekki spurning um hvort maður þarf að reykja smyglaðar sígarettur eða innfluttar, þetta er spurning um það, hvort við ætlum að leyfa Alþingi að banna okkur þær neysluvörur sem það telur að skaði einstaklinga eða þjóðina alla.

Áttum okkur á því, hvað gerist, ef við gefum yfirvöldum heimild til þess að ákveða með lögum hvað við látum ofan í okkur og á okkur. Skyndibitar eru líka óhollir, og sykur, og svínakjöt og ostur og hvaðeina. Að ég nefni nú áfengi til sögunnar. Ætti fullorðið fólk ekki að ráða því sjálft hvað það setur í sig og á? Eins og hver einasti maður sér, ætti að hætta öllum reykingaforvörnum sem beinast að fullorðnu fólki og allt framlag ríkisins til forvarnarmála ætti að setja inn í grunnskólakerfið. HALLÓ!

Oft var þörf en nú er nauðsyn.

Hvað olli fjármálakreppunni á Íslandi? Voru það stjórnvöld eða útrásarvíkingar? Var það Sjálfstæðisflokkurinn eða Framsóknarflokkurinn?

Mér þykir tíða að enginn hefur spurt þeirrar spurningar hvort Íslendingar séu einfaldlega of illa menntaðir í grundvallarfræðum fjármála. Við vitum öll að góð almenn þekking á fjármálamarkaðinum og góð menntun í grunnskóla um innviði kerfisins, skatta, lög og almenna skynsemi í fjármálum heimila hefði getað komið í veg fyrir þá fjarstæðukenndu skuldsetningu íslenzkra heimila sem varð raunin.

Í alvöru talað. Lykillinn að góðum rekstri ríkissjóðs og fólksins í landinu er menntun. Betri menntun en nú er í boði. Upplýsing þegnanna á ríkisumsvifum og hvað verður um launin okkar.

Það er ég alveg viss um.